નવી દિલ્હીઃ કેન્દ્રીય ગૃહમંત્રાલયે મહત્વપૂર્ણ નિર્ણય લેતા મેઘાલયમાંથી અફસ્પા એક્ટને સંપૂર્ણ પણે નાબૂદ કરી નાખી છે. જ્યારે અરૂણાચલ પ્રદેશના કેટલાક વિસ્તારોમાંથી પણ અફસ્પાને હટાવી લેવાઈ છે. સપ્ટેમ્બર 2017 સુધી મેઘાલયના 40 ટકા વિસ્તારમાં અફસ્પા લાગુ હતી. પરંતુ બંને રાજ્યોની સરકાર સાથે ચર્ચા વિચારણા કર્યા બાદ ગૃહમંત્રાલયે આ મહત્વપૂર્ણ નિર્ણય લીધો છે.
કેન્દ્રીય ગૃહ મંત્રાલયના આ નિર્ણય બાદ હવે અરુણાચલ પ્રદેશના માત્ર 8 પોલીસ સ્ટેશનોમાં જ અફસ્પા લાગુ છે. જ્યારે 2017માં 16 પોલીસ સ્ટેશનો અફસ્પાથી પ્રભાવીત હતા. કેન્દ્રીય ગૃહમંત્રાલયે આ મહત્વપૂર્ણ નિર્ણય લીધો છે. ત્યારે અફસ્પા શું છે?
આ અંગે જો વાત કરવામાં આવે તો આર્મ્ડ ફોર્સ સ્પેશલ પાવર એક્ટ એટલે કે અફસ્પા સેનાને જમ્મૂ-કશ્મીર અને પૂર્વોત્તરના વિવાદિત વિસ્તારોમાં સુરક્ષાદળોને વિશેષ અધિકાર આપે છે. આ એક્ટને લઈને ખુબ વિવાદ છે. તેના દુરુપયોગના આરોપ સાથે તેને હટાવવાની છેલ્લા ઘણા સમયથી માગ થઈ રહી હતી.
શું છે AFSPA?
AFSPA સેના અને સુરક્ષાદળોને વિશેષ અધિકાર આપે છે
વિવાદિત ક્ષેત્રોમાં સેના અને સુરક્ષાદળોને આપે છે વિશેષ અધિકાર
AFSPA એક્ટને લઈને ચાલી રહ્યો છે વિવાદ
છેલ્લા ઘણા સમયથી AFSPAના દુરુપયોગને લઈને હતો વિવાદ