ભારત સરકારે આફ્રિકા, હોંગકોંગ અને અન્ય દેશોમાંથી આવતા પ્રવાસીઓની કડક ચકાસણી કરવાનો તમામ રાજ્યોને આદેશ આપ્યો છે.
આફ્રિકામાં મળ્યો કોરોનાનો નવો B.1.1529 વેરિયન્ટ
કેન્દ્ર સરકારે દેશમાં એલર્ટ જારી કર્યું
આફ્રિકી દેશોમાંથી આવતા તમામ પ્રવાસીઓની કરો કડક ચકાસણી
કેન્દ્રીય સ્વાસ્થ્ય મંત્રાલયના સચિવ રાજેશ ભુષણે તમામ રાજ્યો અને કેન્દ્રશાસિત પ્રદેશોને વધારે સતર્ક રહેવાની ચેતવણી આપી છે. રાજેશ ભુષણે રાજ્યોને કહ્યું કે વિદેશથી આવનાર લોકોનું સઘન ટેસ્ટિંગ કરવામાં આવે અને જો કોઈ પ્રવાસી પોઝિટીવ નીકળે તો જિનોમ સિકન્વન્સિંગ માટે તેનું સેમ્પલ INSACOGને મોકલી આપવામાં આવે.
વિદેશથી આવતા લોકોની ત્રિપાંખિયા દેખરેખ જરૂરી
આરોગ્ય મંત્રાલયે સંબંધિત વિભાગોને નવા પ્રકારો અંગે કડક સૂચનાઓ જારી કરી છે કે વિદેશથી આવતા લોકોની ત્રિપાંખિયા દેખરેખ જરૂરી છે. તે જ સમયે, આંતરરાષ્ટ્રીય મુસાફરો અને તેમના સંપર્કમાં રહેલા લોકોની સ્ક્રીનિંગ અને પરીક્ષણ કડક રીતે થવું જોઈએ. આવા સકારાત્મક દર્દીઓના આરટીપીસીઆર અહેવાલો નિયમિત પણે જીનોમ સિક્વન્સિંગ લેબ આઇએનએસએસીઓજીને મોકલવાનું પણ કહેવામાં આવ્યું છે. આરોગ્ય મંત્રાલયે જણાવ્યું હતું કે હવે એનસીડીસી દ્વારા જણાવવામાં આવ્યું છે કે બોત્સ્વાના (3 કેસ), દક્ષિણ આફ્રિકા (6 કેસ) અને હોકકોંગ (1 કેસ)માં બી.1.1529 વેરિએન્ટના અનેક કોવિડ કેસ નોંધાયા છે.
કેન્દ્ર સરકારે રાજ્યોને પાઠવ્યાં આ આદેશ
- વિદેશથી આવનાર તમામ લોકોનું કડક પરીક્ષણ
- કોઈ પ્રવાસી કોવિડ પોઝિટીવ નીકળે તો સેમ્પલ મોકલવું
- તમામ પ્રવાસીઓનું સઘન ટેસ્ટિંગ
- તમામ રાજ્યો વધારે એલર્ટ રહે
દુનિયા હજુ તો માંડ કોરોનાના કોપમાંથી બહાર આવી છે ત્યાં વળી પાછા માઠા સમાચાર આવ્યાં છે. સાઉથ આફ્રિકાના વૈજ્ઞાનિકોએ સંખ્યાબંધ મ્યુટેશન ધરાવતા કોરોનાના નવા વેરિયન્ટને શોધ કરી છે.
સાઉથ આફ્રિકાના વાયરોલોજિસ્ટે કરી જાહેરાત
સાઉથ આફ્રિકાના વાયરોલોજિસ્ટ Tulio de Oliveiraએ જણાવ્યું કે દુર્ભાગ્યે અમે એક નવા વેરિયન્ટની શોધ કરી છે જે સાઉથ આફ્રિકા માટે ગંભીર ચિંતાનો વિષય છે. નેશનલ ઈન્સ્ટીટ્યુટ ફોર કમ્યુનિકેબલ ડિસિઝે જણાવ્યું કે જિનોમિક સિકન્વન્સિંગ પછી B.1.1.529 ના 22 કેસ નોંધાયા છે. નેશનલ ઈન્સ્ટીટ્યુટ ફોર કમ્યુનિકેબલ ડિસિઝના પ્રોફેસર એડ્રીયન પુરેને જણાવ્યું કે ડેટા સીમિત છે છતાં પણ અમારા નિષ્ણાંતો નવા વેરિયન્ટને સમજવા માટે સ્થાપિત સર્વેલન્સ સિસ્ટમ સાથે રાતોરાત કામ કરી રહ્યાં છે. ઉલ્લેખનીય છે કે ગયા વર્ષે પણ દુનિયામાં સૌથી પહેલા સાઉથ આફ્રિકાએ Beta variantની શોધ કરી હતી. ચાલુ વર્ષે પણ સાઉથ આફ્રિકામાં સી.1.2 નામના કોવિડના વેરિયન્ટે પણ દેખા દીધી હતી. પરંતુ આ બધામાં સાઉથ આફ્રિકામાં જોવા મળેલો ડેલ્ટા વેરિયન્ટ ઘણો ઘાતક નીવડ્યો છે.
દુનિયામાં મચ્યો ખળભળાટ
સાઉથ આફ્રિકાના વૈજ્ઞાનિકોની આ જાહેરાતથી દુનિયામાં ખળભળાટ મચ્યો છે. દુનિયા હજુ તો માંડ કોરોનાના કોપથી બહાર આવી રહી છે ત્યાં વળી પાછી નવી આફત સર્જાતા હાહાકાર મચ્યો છે.
ભારત સરકારે બી.1.1.529 વેરિએન્ટને ધ્યાનમાં રાખીને કયા પગલાં લીધાં છે?
દરમિયાન, ભારત સરકારે રાજ્યોને તમામ આંતરરાષ્ટ્રીય મુસાફરો પર સઘન તપાસ કરવા જણાવ્યું છે. ખાસ કરીને એસ.આફ્રિકા, હોંગકોંગ અને બોત્સ્વાનાથી સીધા આવતા અથવા પસાર થતા લોકોની કડક સ્ક્રીનિંગનું નિર્દેશન કરવામાં આવ્યું છે. કેન્દ્રીય આરોગ્ય સચિવ રાજેશ ભૂષણે રાજ્યોને લખેલા પત્રોમાં કહ્યું છે કે આવા લોકોના સ્થાન પર નજર રાખવી જોઈએ. પત્રમાં કહેવામાં આવ્યું છે કે તપાસમાં સકારાત્મક મળેલા લોકોના નમૂનાઓ જીનોમ સિક્વન્સિંગ મારફતે વેરિએન્ટને શોધવા માટે તાત્કાલિક લેબમાં મોકલવા જોઈએ.