અમદાવાદ / અફઘાનિસ્તાનની ડુંગળી માર્કેટમાં આવી પણ શું ભાવ ઘટશે ?

• ડુંગળીના ભાવ ઘટે માટે હવે માર્કેટમાં આવી વિદેશી ડુંગળી 
• અફગાનિસ્તાનની ડુંગળી માર્કેટમાં આવી પણ શું ભાવ ઘટશે ?
• દેશમાં ડુંગળીની અછતને પહોંચવા માટે વિદેશમાંથી આયાત કરાઈ હતી. 

આ વર્ષમાં વરસેલા મુશળધાર વરસાદ અને ગુજરાતમાં થયેલા વધુ પડતા વરસાદ તેમજ અત્યારે હજુ વરસાદ ચાલુ હોવાથી નવા પાકનું વાવેતર શક્ય નથી. જેથી ડુંગળીનો ભાવ આસમાને પહોંચ્યો છે. એક સમય હોતો કે સફરજન લેવા હોય તો વિચાર કરવો પડતો કેમ કે તે એટલા મોંધા હતા. પરંતુ હવે એવો સમય આવ્યો છે કે ડુંગળી લેતી વખતે વિચારવુ પડે છે. કેમકે ડુંગળીની કિંમત સફરજન કરતા પણ વધુ આગળ નિકળી ગઈ છે. અત્યારે વધી રહેવા ભાવ કોઈના કાબુમાં નથી ત્યારે ડુંગળીના ભાવ ઘટાડવા વિદેશથી ડુંગળીઓ વેપારીઓ લાવ્યા છે જેનો પ્રતિસાદ સારો મળે તેવી આશા હવે સૌ રાખી રહ્યા છે.

વરસાદના કારણે ગરીબોની કસ્તુરી અને શાકભાજીની રાણી ગણાતી ડુંગળીની સર્જાયેલી અછતના કારણે ભાવમાં થયેલા ભડકાને લઈ ડુંગળીની ખરીદી વખતે જ ગૃહિણીઓને આંખમાં આંસુ આવી રહ્યા છે. અગાઉ 200થી 250 રૂપિયે 20 કીલોના ભાવે વેચાતી ડુંગળીના ભાવમાં ત્રણ ગણો વધારો થતા હાલ બજારમાં ડુંગળીના ભાવ પ્રતિ કીલો રૂપિયા 80થી 120એ પહોંચ્યા છે.

ગરીબોની કસ્તુરી બાદ મધ્યમવર્ગનો કોળિયો માનવામાં આવે છે તેવી ડુંગળીના ઓપ્શનમાં અફઘાનિસ્તાની ડુંગળીનો સહારો હવે લીધો છે. હાલમાં બજારમાં અફઘાનિસ્તાનની ડુંગળી માર્કેટમાં જોવા મળી રહી છે. સફેદ કલરની અફઘાનિસ્તાનની ડુંગળી અમદાવાદના બજારમાં જોવા મળે છે. જો કે આમ કરવાથી પણ ડુંગળીના ભાવ ઘટે છે કે કેમ તે જોઉં રહ્યું.