અફઘાનિસ્તાનમાં તાલિબાની શાસન આવ્યા બાદ મહિલાઓ પર અત્યાચારના સમાચાર આવતા રહે છે હવે તાલિબાનોએ એવો જડસું નિયમ જાહેર કર્યો છે કે જેના કારણે મહિલાઓ માટે જીવવું દુષ્કર બની જાય
અફઘાનિસ્તાનના બલ્ખ પ્રાંતમાં તાલિબાનોએ કોમન લેડિઝ બાથરૂમ પર પણ પ્રતિબંધ લગાવી દીધો છે.
અફઘાનિસ્તાનમાં તાલિબાને ધુરા સંભાળ્યા બાદ ફરી અગાઉની જેમ મહિલાઓ પર અત્યાચારો વધી રહ્યા છે. રોજ નતનવા ફટવા બહાર પાડવામાં આવી રહ્યા છે.
કોમન લેડિઝ બાથરૂમ પર પ્રતિબંધ
હવે અફઘાનિસ્તાનના બલ્ખ પ્રાંતમાં તાલિબાનોએ પોતાના શેતાની પ્રતિબંધોમાં વધારો કરતાં એક વિચિત્ર પ્રતિબંધ લાદયો છે જેમાં મહિલાઓને ઘરની બહાર બાથરૂમ યુઝ નહિ કરવાનો ફતવો બહાર પાડવામાં આવ્યો છે.
ઉઝબેકિસ્તાન સાથે જોડાયેલ સમૂહમાં મહિલાઓને લઈને આ નવો નિયમ લાગુ કરવામાં આવ્યો છે. પ્રાંતના અધિકારીઓ દ્વારા સર્વાનુમતે આ ફતવો જાહેર કરવામાં આવ્યો હતો.
ડિરેક્ટોરેટ ઓફ પ્રમોશન ઓફ વર્ચ્યુ એન્ડ પ્રીવેન્શન ઓફ વાઇસ ના વડાએ કહ્યું હતું કે ઉલેમાઓ સાથેની વાતચીત બાદ આ નિર્ણય લેવામાં આવ્યો છે.
બોડી મસાજ પર પણ પ્રતિબંધ
તેમણે જણાવ્યું હતું કે લોકોના ઘરે આધુનિક પ્રાઇવેટ બાથરૂમ્સ નથી હોટ એટલે પુરુષનો કોમન બાથરૂમમાં જવા દેવાની મંજૂરી છે. પરંતુ મહિલાઓએ હિજાબ પહેરીને પ્રાઇવેટ બાથરૂમમાં જવું જોઈએ. રિપોર્ટ અનુસાર ઓછી ઉંમરના છોકરાઓને કોમન બાથરૂમમાં જવા દેવા પર પ્રતિબંધ છે. આ સિવાય છોકરીઓ અને યુવતીઓ ને બોડી મસાજ લેવા પર પ્રતિબંધ લગાવવામાં આવ્યો છે.
કારની આગળની સીટ પર નહીં બેસી શકે મહિલાઓ
આ અગાઉ પશ્ચિમી હેરાત પ્રાંતમાં સ્થાનિક અધિકારીઓએ મહિલાઓના કોમન બાથરૂમ અસ્થાયી રૂપે બંધ કરી દીધા હતા. મિનિસ્ટ્રી ઓફ પ્રમોશન વર્ચ્યુ એન્ડ પ્રીવેન્શન ઓફ વાઇસ દ્વારા દેશની મહિલાઓ માટે યાત્રા 45 માઈલ સુધી સીમિત કરી દેવામાં આવી હતી અને ડ્રાઈવરોને બે મહિલાઓને પોતાની કારની આગળની સીટ પર નહીં બેસવા દેવાનું ફરમાન કરવામાં આવ્યું હતું