તઘલખી ફરમાન / તાલિબાની ઓર્ડર: મહિલા અને પુરુષો એક સાથે પાર્કમાં જઈ શકશે નહીં, એકલી મહિલા ફ્લાઈટમાં જઈ શકશે નહીં

• અફઘાનિસ્તાનમાં તાલિબાનની સત્તા
• તાલિબાનનો તુઘલખી ફરમાન
• એક મહિલા ફ્લાઈટમાં જઈ શકશે નહીં

અફઘાનિસ્તાનમાં તાલિબાને કબ્જો કર્યો તેને 9 મહિનાથી વધારે સમય વિતી ચુક્યો છે. દરરોજ હાલત બદથીબદતર થતી જાય છે. ત્યાર લોકોને ગરીબી અને ભૂખમરા જેવી સ્થિતિનો સામનો કરવો પડી રહ્યો છે. આ તમામની વચ્ચે તાલિબાન નવા નવા ફરમાન જાહેર કરી રહ્યા છે. તાલિબાનની સરકારનું આ નવું ફરમાન જાહેર કરતા રાજધાની કાબુલના મનોરંજન પાર્કમાં એક સાથે અને એક જ દિવસે મહિલાઓ અને પુરષોને જવા પર પ્રતિબંધો લગાવી દીધા છે. નવા તઘલખી ફરમાન અંતર્ગત હવે અઠવાડીયામાં 3 દિવસ ફક્ત મહિલાઓ અને બાકીના 4 દિવસ પુરુષો માટે પાર્કમાં જવાની મંજૂરી આપવામાં આવી છે. તો વળી મહિલાઓને પોતાના ત્રણ દિવસમાં હિજાબ પહેરવો પણ ફરજિયાત છે. 

મહિલા અને પુરુષ એક સાથે પાર્કમાં જઈ શકશે નહીં

તાલિબાનના સાંસ્કૃતિક મંત્રાલયે ફરમાન જાહેર કર્યા છે કે, અફઘાનિસ્તાનની રાજધાની કાબુલના સાર્વજનિક એટલે કે પબ્લિક પાર્કમાં મહિલાઓ અને પુરુષો સાથે જઈ શકશે ન હીં. તાલિબાને પબ્લિક પાર્કોમાં મહિલાઓ અને પુરુષોની એન્ટ્રી માટે અલગ અલગ દિવસો નિર્ધારિત કર્યા છે. એટલે કે મહિલાઓ માટે નિધાર્તિ દિવસોમાં પુરુષોને એન્ટી બૈન હશે અને પુરુષો માટે નિર્ધારિત કરવામાં આવેલા દિવસોમાં મહિલાઓના જવા પર પ્રતિબંધ હશે.

આવી રીતે વહેંચવામાં આવ્યા દિવસો

અફઘાનિસ્તાન પર કબ્જો કરનારા તાલિબાનના સંસ્કૃતિ મંત્રાલયે પોતાના ફરમાનમાં કહ્યું છે કે, રાજધાની કાબુલના પબ્લિક પાર્કોમાં મહિલાઓ ફક્ત 3 દિવસ રવિવાર, સોમવાર અને મંગળવારે જ જઈ શકશે. તો વળી મહિલાઓ જ્યારે પાર્કમાં એન્ટ્રી કરશે, ત્યારે ઈસ્લામિક હિજાબ પહેરવો ફરજિયાત છે. તાલિબાની ફરમાન મુજબ હવે શહેરમાં કોઈ પણ પાર્કમાં ફક્ત બુધવાર, ગુરૂવાર, શુક્રવાર અને શનિવારે જ પુરુષો જઈ શકશે.

નિયમો તોડશે તો મળશે આકરી સજા

પોતાના આદેશમાં તાલિબાને કહ્યું કે, જો મહિલાઓના નિર્ધારિત કરવામા આવેલા સમયે પુરુષો અથવા પુરુષોના નિર્ધારિત સમયમાં મહિલાઓ પાર્કોમાં જાય છે, તો તેમના પર આકરી સજા ફટકારવામાં આવશે. તો વળી આ સજા વિરુદ્ધ અપીલ કરવાની પરવાનગી કોઈને પણ નથી.

પુરુષ સાથે જ ફ્લાઈટમાં કરી શકશે મુસાફરી

રવિવારે તાલિબાનના વધુ એક નવા ફરમાનમાં એવું જણાવ્યું છે કે, તાલિબાન પુરુષ વગર મહિલાઓ ફ્લાઈટમાં મુસાફરી કરી શકશે નહીં. તાલિબાનનું કહેવુ છે કે, કોઈ પણ મહિલાઓને દેશ બહાર ફ્લાઈટમાં સફર કરવા માટે કોઈને કોઈ પુરુષ અથવા કોઈ સંબંધી સાથે જવાનું રહેશે. એખલી જઈ શકશે ન હીં. જે મહિલાઓએ ટિકિટ બુક કરાવેલી છે, તેમણે સોમવાર સુધીમાં મુસાફરી કરવાની મંજૂરી છે. જો કે, મીડિયા રિપોર્ટ્સ અનુસાર શનિવારે કાબુલમાં એરપોર્ટ પર અમુક મહિલાઓને ટિકિટ આપવાની ના પાડી દેવામા આવી હતી.