અફઘાનિસ્તાન / તાલીબાનોની ક્રૂરતા: પ્રેગ્નન્ટ મહિલા પોલીસકર્મીને પણ ન છોડી, બાળકોની નજર સામે કરી નાખી હત્યા

• અફઘાનિસ્તાનમાં વધુ એક ક્રૂરતા 
• મહિલા પોલીસકર્મીની ગોળી મારી હત્યા 
• તાલિબાનીએ ન સ્વીકારી જવાબદારી 

અફઘાનિસ્તાન પર કબ્જો કર્યા બાદ તાલિબાનનો ક્રૂર ચહેરો સામે આવ્યો છે. એક રિપોર્ટ અનુસાર અફઘાનિસ્તાનમાં તાલિબાન પર એક પ્રાંતીય શહેરમાં મહિલા પોલીસકર્મીની ગોળી મારીને હત્યા કરવાનો આરોપ છે. જણાવવામાં આવી રહ્યું છે કે મહિલા પોલીસકર્મી પ્રેગ્નેન્ટ હતી. 

તાલિબાનીઓએ શું કહ્યું? 
આરોપ છે કે બાનૂ નેગર નામની મહિલા પુલીસકર્મીની હત્યા મધ્ય ઘોર પ્રાંતની રાજધાની ફિરોઝકોહમાં પરિજનોની સામે જ તાલિબાનીઓએ કરી દીધી હતી. અફઘાનિસ્તાનમાં મહિલાઓ પર દમનની વધતી ખબરોની વચ્ચે આ ઘટના સામે આવી છે. જોકે તાલિબાને આ હત્યાકાંડથી પોતાને અલગ કરી દીધું છે. તેમનું કહેવું છે કે નેગરની મોતમાં તેમની કોઈ સંડોવણી નથી. 

તાલિબાનના પ્રવક્તા જબીઉલ્લાહ મુઝાહિદે કહ્યું કે અમે ઘટનાથી અલગ છીએ અને હું પુષ્ટિ કરૂ છું કે તાલિબાનીઓએ તેને નથી માર્યા. અમારી તપાસ ચાલું છે. તેમણે કહ્યું કે તાલિબાન પહેલા જ પોતાના પ્રશાસન માટે કામ કરનાર લોકો માટે માફીની ઘોષણા કરી દીધી છે અને નેગરની હત્યાને 'વ્યક્તિગત દુશ્મની અથવા કુંઈક બીજુ' હોઈ શકે છે. 

બાળકોની સામે જ માર્યો ઢોર માર
ઘટનાનું વિવરણ હજુ પણ અસ્પષ્ટ છે. કારણ કે ફિરોઝકોહમાં ઘણા લોકો બોલી નથી રહ્યા. પરંતુ એક રિપોર્ટમાં દાવો કરવામાં આવ્યો છે કે તાલિબાને શનિવારે નેગરને તેના પતિ અને બાળકોની સામે જ ઢોર માર મારી હત્યા કરી દીધી. સંબંધીઓએ એક તસ્વીર શેર કરી છે જેમાં એક રૂમમાં ખૂબામાં લોહીના ટીંપા દેખાઈ રહ્યા છે. 

પરિવારનું કહેવું છે કે સાથાનીક જેલમાં કામ કરનાર નેગર આઠ મહિનાની ગર્ભવતી હતી. સંબંધીઓનું કહેવું છે કે શનિવારે ત્રણ બંધૂકધારી ઘરમાં ઘૂસી ગયા અને પરિવારના સદસ્યોને બાંધીને પહેલા તેની તલાશ કરી. એક ગવાહે જણાવ્યું કે ઘુસપેઠીઓને અરબી બોલતા સાંભળવામાં આવ્યા હતા. 

15 ઓગસ્ટે સત્તા સંભાળ્યા બાદથી તાલિબાને પોતાની છવિ બદવાનો પ્રયત્ન કર્યો પરંતુ અફઘાનિસ્તાનના અમુક ભાગોમાં હજુ પણ ક્રૂરતા અને દમનકારી ઘટનાઓ સામે આવી રહી છે.