સિરિયલ બ્લાસ્ટથી કાબૂલ ધણધણ્યું સુરક્ષાદળ અને આતંકીઓ વચ્ચે અથડામણ

અફઘાનિસ્તાનની રાજધાની કાબુલમાં બુધવારે કેટલીક જગ્યા પર બ્લાસ્ટ થયા. આ બ્લાસ્ટ કાબુલના કલા એ ફતુલ્લાબ વિસ્તારમાં થયા છે. સ્થાનિક મીડિયા અનુસાર ઘટના સ્થળ પર મોટી સંખ્યામાં પોલીસ બળ પહોંચી ગયું છે. જાણવા મળી રહ્યું છે કે કાબુલમાં ત્રણ થી પાંચ અલગ જગ્યાઓ પર બ્લાસ્ટ થયા. બ્લાસ્ટમાં ઘણા લોકો ઘાયલ થયા હોવાની માહિતી મળી આવી છે. 

જે અલગ અલગ જગ્યા પર બ્લાસ્ટ થયો એમાંથી એક પોલીસ હેડ ક્વાર્ટર પણ છે. કાબુલના PD13 પોલીસ હેડક્વાર્ટસમાં બ્લાસ્ટ અને ગોળીબારનો અવાજ સભળાયો હતો. 

તમને જણાવી દઇએ કે તાજેતરમાં જ કાબુલમાં બે આત્મઘાતી હુમલામાં આશરે 29 લોકો મૃત્યુ પામ્યા હતા. એમાં 9 પત્રકાર પણ સામેલ હતા. 30 એપ્રિલે જ્યારે પહેલો બ્લાસ્ટ થયો ત્યારે ત્યાં ઘણા લોકો ઘાયલ લોકોની મદદ કરવા પહોંચ્યા હતા. પરંતુ ત્યાં બીજો બ્લાસ્ટ થયો. 

નોંધનીય છે કે છેલ્લા 1 મહિનામાં 60 લોકોના મોત થઇ ગયા હતા અને 129 લોકો ઘાયલ થયા હતા.