અફઘાનિસ્તાન / કંધાર હાઇવે પર બ્લાસ્ટ, મહિલા-બાળકો સહિત 34ના મોત

અફઘાનિસ્તાનમાં થયેલા આ વિસ્ફોટને લઇને અધિકારીઓએ પુષ્ટી કરી છે. એક ન્યૂઝ એજન્સીના માધ્યમથી આ અંગેની જાણકારી આપવામાં આવી છે.  ઉલ્લેખનીય છે કે આ અગાઉ કાબૂલમાં રવિવારના રોજ ઉપરાષ્ટ્રપતિ પદના ઉમેદવાર અમરૂલ્લા સાલેહના કાર્યાલયને નિશાન બનાવીને કરવામાં આવેલા હુમલામાં 20 લોકોના મોત નિપજ્યાં હતા જ્યારે અન્ય 50 લોકો ઘાયલ થયા હતા.
 

આ હુમલો ઉપરાષ્ટ્રપતિ ચૂંટણી પ્રચાર અભિયાનના એક દિવસ પહેલા થયો હતો. જેના કારણે દેશમાં સુરક્ષા વ્યવસ્થાને લઇને સવાલો ઉભા કર્યા હતા. ઉપરાષ્ટ્રપતિ પદના ઉમેદવારના કાર્યાલય પર હુમલો સ્થાનિક સમય અનુસાર અંદાજે ચાર વાગ્યાને 40 મિનીટ પર થયો હતો.
 

આ હુમલામાં ઉમેદવાર અમરૂલ્લા સાલેહ બચી ગયા હતા. અફઘાનિસ્તાનમાં આજરોજ સવારે એક મોટો આતંકી હુમલો થયો છે. હેરાત-કંધાર હાઇવે પર એક બોમ્બ બ્લાસ્ટ થયો છે. આ હુમલામાં મહિલા અને બાળકો સહિત 20થી વધુ લોકોના મોત થયાના અહેવાલ પ્રાપ્ત થયા છે.

આ હુમલામાં ઘાયલ થયેલા લોકોને હોસ્પિટલમાં દાખલ કરવામાં આવ્યાં છે. આ હુમલા બાદ સુરક્ષાબળે આ વિસ્તારને ઘેરી લીધો છે અને હુમલાને લઇને તપાસ કરવામાં આવી રહી છે. જો કે હજુ સુધી આ હુમલાને લઇને કોઇ કારણ સામે આવ્યું નથી.