અફઘાનિસ્તાન પર કબજો કર્યા બાદ તાલિબાને પોતાનું સ્વરૂપ બતાવવાનું શરૂ કર્યુ છે. બાળકોને સેક્સ સ્લેવ બનાવવા માટે છોકરીઓને 82 હજાર રૂપિયામાં ખરીદી અને વેચવામાં આવી રહ્યાં છે.
અફઘાનિસ્તાન પર કબજા બાદ તાલિબાને પોતાનું સ્વરૂપ બતાવ્યું
ગરીબી, બેરોજગારી અને આર્થિક સમસ્યાઓના કારણે દીકરીઓને વેચી રહ્યાં
બાળકોને સેક્સ સ્લેવ બનાવવા માટે 82 હજારમાં સોદા થાય છે
બાળકોને સેક્સ સ્લેવ બનાવવા માટે 82 હજારમાં સોદા થાય છે
અફઘાનિસ્તાન પર કબજો કર્યા બાદ તાલિબાને પોતાનું ઘાતકી સ્વરૂપ બતાવવાનું શરૂ કર્યુ છે. બાળકોને સેક્સ સ્લેવ બનાવવા માટે છોકરીઓને 82 હજાર રૂપિયામાં ખરીદી અને વેચવામાં આવી રહ્યાં છે. આરોપ છે કે, એક વર્ષથી ઓછી ઉંમરના બાળકોને કથિત રીતે રોકડ, પ્રાણીઓ અને હથિયારોના બદલામાં ખરીદી અને વેચવામાં આવી રહ્યાં છે. બીમાર તાલિબાન અફઘાનિસ્તાનની નિરાશા અને ગરીબીથી પીડિત લોકોનું શોષણ કરી રહ્યાં છે. તેઓ ગામના લોકોને નિશાન બનાવી રહ્યાં છે. બાળકોને સેકસ સ્લેવ બનાવા માટે દબાણ કરવામાં આવી રહ્યું છે.
અફઘાનિસ્તાનમાં બાળકોને કેવી રીતે સેક્સ ગુલામ બનાવવામાં આવે છે?
એક મીડિયા અહેવાલો અનુસાર, તાલિબાન અફઘાનિસ્તાનની રાજધાની કાબુલની નજીક આવેલા ઘુર પ્રાંતના ગામનો શિકાર કરી રહ્યું છે. સગીર બાળકોને 100,000 થી 250,000 અફઘાનીઓમાં બચાવવામાં આવી રહ્યાં છે. રોકડ ઉપરાંત બંદૂકો અને પ્રાણીઓની પણ આપ-લે થઈ રહી છે. આ પ્રથ કાબુલ નજીકના ગ્રામીણ વિસ્તારોમાં પહેલેથી જ અસ્તિત્વમાં હોવાનું કહેવાય છે, પરંતુ સરકારના પતન અને તાલિબાનના કબજા બાદ ફરી એક વખત આ પ્રથાને ખુલ્લે આમ પ્રમોટ કરવામાં આવી રહી છે.
ગરીબી, બેરોજગારી અને આર્થિક સમસ્યાઓના કારણે બાળ લગ્ન થયા છે.
સ્થાનિક મીડિયાના અહેવાલો અનુસાર, ગુર પ્રાંતમાં ગરીબી, બેરોજગારી અને આર્થિક સમસ્યાઓના કારણે બાળ લગ્ન થયા છે. પૈસા, હથિયારો અથવા પ્રાણીઓના બદલામાં, ઘણા પરિવારોએ તેમની નાની છોકરીઓના લગ્ન વડીલો સાથે કર્યા છે. આ બાબતે એક મહિલા કાર્યકર્તા હબીબા જમશેદીએ જણાવ્યું હતું કે, મહિલાઓ વસ્તીનો અડધો ભાગ છે. અને તેમની સાથે અમાનવીય વર્તન થવું જોઈએ નહી. તેમણે કહ્યું કે, બાળલગ્નના મુદ્દા પાછળનું એક કારણ મહિલાઓની ભૂમિકા અને સ્થિતિ વિશે જાગૃતિનો અભાવ છે.
તાલિબાનોનએ સત્તા સંભાળ્યા બાદ ઘણા બાળકોને શાળા છોડી ભીખ માંગવાની ફરજ પડી
અફઘાનિસ્તાનમાં બાળ વિવાહનો વ્યાપકપણે દસ્તાવેજી કરણ કરવામાં આવ્યું છે. ઈસ્લામના નામનો ઉપયોગ કરીને આને ઘણીવાર ન્યાયી ઠેરવવામાં આવે છે. જો કે, જ્યારે તાલિબાને અફઘાનિસ્તાન પર કબજો કર્યો ત્યારે તેણે કહ્યું હતું કે, તે મહિલાઓને તેમના અધિકારી વંચિત નહીં રાખે. કેટલાક મીડિયા રિપોર્ટમાં દાવો કરવામાં આવ્યો છે કે, અફઘાનિસ્તાનમાં તાલિબાનોનએ સત્તા સંભાળ્યા બાદ ઘણા બાળકોને શાળા છોડી દેવાની અને ભીખ માંગવાની ફરજ પડી છે. યુનાઈટેડ નેશન્સ માને છે કે, દેશના 18 કરોડ લોકોમાંથી અડઘા લોકો વધતી માનવતાવાદી કટોકટી ફસાયેલા છે.