ભારે કરી! / મેચ ચાલુ થતાં પહેલા LIVEમાં મેદાન પર જ સિગારેટ ફૂંકવા લાગ્યો ક્રિકેટર, રેફરીએ આપી આ સજા-લોકોએ કર્યો ટ્રોલ

• અફઘાનિસ્તાનના વિકેટકીપર બેટ્સમેન મોહમ્મદ શહઝાદ BPL દરમિયાન મેદાન પર સિગારેટ પીતા દેખાયા
• શહઝાદની થઇ ભારે આલોચના 
• આધિકારિક સુનાવણીની કોઈ જરૂર નથી. 

અફઘાનિસ્તાનના વિકેટકીપર બેટ્સમેન મોહમ્મદ શહઝાદ બાંગ્લાદેશ પ્રીમિયર લીગમાં પોતાના વ્યવહારને કારણે મુસીબતમાં ફસાયા. શહઝાદ બાંગ્લાદેશ પ્રીમિયર લીગના એક મુકાબલા પહેલા મેદાનમાં સિગારેટ પીતા જોવા મળ્યા. શહઝાદના આ વર્તન બાદ તેમના અનુશાસન રેકોર્ડમાંથી એક ડિમેરિટ પોઈન્ટ પણ ઘટાડવામાં આવ્યો છે. 

મોહમ્મદ શહઝાદ એક તસ્વીરમાં મિનિસ્ટર ઢાકા તથા કોમિલા વિક્ટોરિયંસ વિરુદ્ધ મુકાબલા પહેલા મેદાનમાં સિગારેટનો ધુંવાડો ઉડાવતા દેખાઈ રહ્યા છે. 

શહઝાદની થઇ ભારે આલોચના 
જેવી આ તસ્વીર સોશ્યલ મીડિયા પર વાયરલ થઇ, ક્રિકેટ ફેંસે શહઝાદની ભારે આલોચના કરી. શુક્રવારે બાંગ્લાદેશ પ્રીમિયર લીગમાં બે મુકાબલાઓ થવાના હતા, પરંતુ બંન્ને મુકાબલાઓ વરસાદને કારણે રદ્દ કરવામાં આવ્યા હતા. વરસાદને કારણે મેચ શરુ થવાની રાહ જોતા સમયે અફઘાનિસ્તાનના વિકેટકીપર બેટ્સમેન મોહમ્મદ શહઝાદ પોતાની અફઘાનિસ્તાનની ટીમના સાથી ખેલાડીઓ સાથે ઉભા હતા. 

Afgan Batter Mohammad Shahzad Was Seen With Cigarette During Rain Break Of Today's #bplt20 Match.

Hmm, Shouldn't Do It Publicly, Gives A Bad Sight pic.twitter.com/7gBB5A62me

— বাংলার ছেলে 🇧🇩 (@iSoumikSaheb) February 4, 2022

આ દરમિયાન શહઝાદે મેદાન પર સિગારેટ પીવાનું શરુ કરી દીધું, જ્યાર બાદ મિનિસ્ટર ઢાકાના કોચ મિનાજુર રહમાને શહઝાદને વોર્નિંગ આપી તથા ઓપનર બેટ્સમેન તમીમ ઇકબાલ તેમને પોતાની સાથે ડ્રેસિંગ રૂમમાં લઇ ગયા. બાંગ્લાદેશ ક્રિકેટ બોર્ડે એક પ્રેસ રિલીઝમાં કહ્યું કે મોહમ્મદ શહઝાદે પોતાની ભૂલ માંની લીધી છે તથા મેચ રેફરી દ્વારા લેવાયેલ નિર્ણયને પણ માની લીધો છે, જ્યાર બાદ આધિકારિક સુનાવણીની કોઈ જરૂર નથી. 

શહઝાદનું BPLમાં પ્રદર્શન 

બાંગ્લાદેશ પ્રીમિયર લીગમાં મોહમ્મદ શહઝાદ મિનિસ્ટર ઢાકા ટીમ તરફથી રમી રહ્યા છે. શહઝાદે BPLની આ સિઝનમાં 6 મુકાબલાઓમાં દસનો આંકડો પાર કર્યો છે. શહઝાદે સેલહટ સનરાઈઝર્સ વિરુદ્ધ ૫૩ રન તથા ખુલના ટાઇગર્સ વિરુદ્ધ ૪૨ રનની પારી રમી. આ ઉપરાંત, BPLની બીજી 4 પારીઓમાં દસનો આંકડો પાર ન કરી શક્યા.