અફઘાનિસ્તાનના સલામી બેટ્સમેન નજીબ તારકાઈનું નિધન થયું છે. 29 વર્ષના અફઘાની બેટ્સમેન નજીબ શુક્રવારે એટલે કે 2 ઓક્ટોબરે એક સડક દુર્ઘટનાનો શિકાર બન્યા હતા. જેમાં તેઓ ગંભીર રીતે ઘાયલ થયા અને સારવાર દરમિયાન કોમામાં જતા રહ્યા હતા. તેમના માથામાં ઈજા થઈ હતી. આ પછી તેમનું નિધન થયું હતું.
ક્રિકેટ રસિકો માટે માઠા સમાચાર
અફઘાનિસ્તાનના સ્ટાર ઓપનરનું નિધન
સડક દુર્ઘટનામાં 29 વર્ષની વયે થયુ નિધન
શુક્રવારે નજીબ પૂર્વ નનગારહરમાં કરિયાણાની દુકાનેથી નીકળીને સડક પાર કરી રહ્યા હતા. ત્યારે ત્યાંથી આવી રહેલી કારે તેમને ટક્કર મારી. ત્યારબાદ તેમને તરત જ હોસ્પિટલ લઈ જવામાં આવ્યા. સલામી બેટ્સમેન નજીબને અફઘાનિસ્તાનની તરફથી એેક વન ડે મેચ અને 12 ટી-20 ઈન્ટરનેશનલ મેચ માટે યાદ કરાશે. ફર્સ્ટ ક્લાસ ક્રિકેટમાં તેમનું પ્રદર્શન શાનદાર રહ્યું. તેઓએ 24 મેતમાં 2030 રન બનાવ્યા છે જેમાં 6 શતક અને 10 અર્ધશતક સામેલ છે. તેમની એવરેજ 47થી વધુ રહી છે.
ACB and Afghanistan Cricket Loving Nation mourns the heart breaking & grievous loss of its aggressive opening batsman & a very fine human being Najeeb Tarakai (29) who lost his life to tragic traffic accident leaving us all shocked!
અફઘાનિસ્તાન ક્રિકેટ બોર્ડે આ ઘટના પર દુઃખ વ્યક્ત કર્યું અને સોશ્યલ મીડિયા પર લખ્યું કે એસીબી અને ક્રિકેટ પ્રેમી દેશ અફઘાનિસ્તાને પોતાના આક્રમક સલામી બેટ્સમેન અને ખૂબ જ ઉમ્દા વ્યક્તિ નજીબ તારાકઈને ખોવ્યો છે. એક દુઃખ ટ્રાફિક દુર્ઘટનામાં તેમનું નિધન થયું છે. અમે સૌ સ્તબ્ધ છીએ. અલ્લાહ તેમની પર રહેમત વરસાવે.