સંયુક્ત રાષ્ટ્ર સુરક્ષા પરિષદ (UNSC)માં હવે પાકિસ્તાન ઘેરાયેલું જોવા મળી રહ્યું છે. અફઘાનિસ્તાને હવે પાકિસ્તાન વિરુધ્ધ UNSCમાં ફરિયાદ કરી છે. અફઘાનિસ્તાને આરોપ લગાવ્યો છે કે પાકિસ્તાન તેમના શહેર પર સતત ફાયરિંગ કરી રહ્યું છે.
અફઘાનિસ્તાને UNSCમાં પાકિસ્તાન વિરુધ્ધ કરી ફરિયાદ
સરહદ પર ફાયરિંગને લઇને પાકિસ્તાન સામે ફરિયાદ
પાકિસ્તાન પર 200થી વધારે રોકેટ છોડવાનો આરોપ
અફઘાનિસ્તાને કહ્યું છે કે પાકિસ્તાન સરહદ પર આવેલા અફઘાનિસ્તાનના શહેર પર સતત ફાયરિંગ કરી રહ્યું છે. જેને લઇને અફઘાનિસ્તાને પાકિસ્તાન વિરુદ્ધ કડક કાર્યવાહી કરવાની UNSCમાં અપીલ કરી છે.
ઉલ્લેખનીય છે કે હાલમાં જ પાકિસ્તાન તરફથી અફઘાનિસ્તાનની સરહદ પર રોકેડ છોડયાના અહેવાલ પ્રાપ્ત થયા હતા. પાકિસ્તાન તરફથી આ રોકેટ અફઘાનિસ્તાનના કુનાર પ્રાંતના ક્ષેત્રમાં છોડવામાં આવ્યા હતા.
સંયુક્ત રાષ્ટ્રમાં અફઘાનિસ્તાનના રાજદૂત અદેલા રાજે UNSCમાં લખેલા પત્રમાં જણાવ્યું છે કે પાકિસ્તાનના સૈનિકઓ 19 ઓગસ્ટથી 20 ઓગસ્ટ વચ્ચે શેલ્ટન જિલ્લામાં 200 રોકેટ દ્વારા હુમલો કર્યો હતો.
પત્રમાં જણાવવામાં આવ્યું છે કે આ હુમલામાં શહેરમાં આવેલી સંપત્તિઓને ભારે નુકસાન થયું છે અને સ્થાનિક લોકોમાં ગભરાહટ જોવા મળી રહી છે. અફઘાનિસ્તાનના રાજદૂતે સુરક્ષા પરિષદમાં પાકિસ્તાન સામે કડક કાર્યવાહી કરવાની માગ કરી છે.
પાકિસ્તાનની નાપાક હરકતોથી નારાજ અફઘાનિસ્તાને સંયુક્ત રાષ્ટ્ર પાસે મદદની માગણી કરી હતી. અફઘાનિસ્તાને પોતાની સરહદ પર પાકિસ્તાનની સેના દ્વારા નિયમોનું ઉલ્લંઘન કરવાનો આરોપ લગાવતા યુએન પાસે મદદની માગ કરી છે. અફઘાનિસ્તાને પત્રમાં લખ્યું છે કે પાકિસ્તાન દ્વારા આંતરરાષ્ટ્રીય કાયદા અને આંતરરાષ્ટ્રીય માનવતાના કાયદાનું પાલન નથી કરી રહ્યું.