અફઘાનિસ્તાનની રાજધાની કાબુલ બોમ્બ બ્લાસ્ટ થયા છે. પ્રાપ્ત જાણકારી મુજબ, અફઘાનિસ્તાનની રાજધાની કાબુલમાં ત્રણ બોમ્બ બ્લાસ્ટમાં 5 લોકોના મોત થયા છે. જ્યારે 10 લોકો ઘાયલ થયા છે. બ્લાસ્ટમાં ઘાયલ લોકોને હોસ્પિટલમાં ભરતી કરવામાં આવ્યા છે.
એક પછી એક ત્રણ બોમ્બ બ્લાસ્ટથી કાબુલમાં ખળભળાટ મચી ગયો છે. પજ્ઞવોક અફઘાન ન્યૂઝ અનુસાર કાબુલમાં થયેલા બોમ્બ બ્લાસ્ટમાં 5 લોકોના મોત થયા છે. જ્યારે 10 લોકો ઘાયલ થયા છે. અફઘાનિસ્તાન પોલીસનું કહેવું છે કે એક આત્મઘાતી હુમલાખોરે બસની સામે ખુદને ઉડાવી દીધો હતો. હાલ પોલીસે હુમલાખોરની શોધ કરી દીધી છે.
બોમ્બ ધમાકા બાદ ઘાયલોને ઇલાજ માટે હોસ્પિટલમાં ભરતી કરવામાં આવ્યા છે. રિપોર્ટ્સ મુજબ, આ ધમાકા એક બસમાં સરકારી કર્મચારીઓને લઇ જતા સમયે થયો હતો. અફઘાનિસ્તાનના આંતરિક મંત્રાલયના પ્રવક્તા નસરત રહીમીએ કહ્યું કે એક વિસ્ફોટ બસ પાસે થયો છે અને બીજો વિસ્ફોટ શહેરના પૂર્વ ભાગમાં થયો. માર્યા ગયેલા તમામ લોકોને સરકારી કર્મચારી બતાવવામાં આવી રહ્યા છે.
5 civilians killed and 10 wounded in three explosions in Kabul, Afghanistan: Pajhwok Afghan News pic.twitter.com/89mCjSWIvn
અહીં જણાવીએ કે કેટલાક દિવસો પહેલા અફઘાનિસ્તાનના ઉત્તરી પ્રાન્ત બલ્ખમાં એક બોમ્બ બ્લાસ્ટ થયો હતો. ચહાર બોલક જિલ્લામાં થયેલ બોમ્બ બ્લાસ્ટમાં બે બાળકોના મોત થયા હતા. તથા કેટલાક લોકો ઘાયલ થયા હતા.