અફઘાન કટોકટી / અફઘાનિસ્તાન ગૃહ યુદ્ધ બાજુ, અલ કાયદા-ISIS થઈ રહ્યાં છે સક્રિય, તાલિબાન અને સહયોગી ગૃપમાં શરૂ થઈ વર્ચસ્વની જંગ

• અફઘાનિસ્તાનમાં સત્તાની બાગડોળના નિયત્રંણ લઈને ભારે જંગ 
• સત્તા માટે એકબીજા વચ્ચે લડાઈમાં મુલ્લા બરાદારને ગોળી વાગી
• પંજશીરમાં 700 તાલિબાનીઓ મોતના ઘાટે ઉતાર્યા હોવાનો દાવો 

અફઘાનિસ્તાનમાં સત્તાને લઈને ભારે જંગ 

અફઘાનિસ્તાનમાં સત્તા માટે યુદ્ધ ફાટી નીકળ્યું છે. અફઘાનિસ્તાનમાં કથળતી પરિસ્થિતિ પર અમેરિકી સેનાના જનરલ માર્ક મિલીએ જણાવ્યું હતું કે,અફઘાનિસ્તાનમાં ગૃહ યુદ્ધ ફાટી શકે છે. અહીં સત્તા માટેની લડાઈ ખતરનાક તબક્કે પહોંચી ગઈ છે. આતંકવાદી સંગઠનોને લાભ મળી રહ્યો છે અને તેઓ ફરીથી માથું ઉચું કરવાનો પ્રયાસ કરી રહ્યા છે. તેમણે ચેતવણી આપી હતી કે આતંકવાદી જૂથો ફરી માથું ઉચું કરી શકે છે. અલ-કાયદા ફરી સંગઠિત થઈ શકે છે, ISIS અને અન્ય આતંકવાદી સંગઠનોની પ્રવૃત્તિઓ પણ વધી શકે છે.

સત્તા માટે એકબીજા વચ્ચે લડાઈમાં મુલ્લા બરાદારને ગોળી વાગી

અફઘાનિસ્તાનમાં સત્તા નિયંત્રણ માટે લડાઈ શરૂ થઈ છે. અહીં તાલિબાન અને હક્કાની નેટવર્ક વચ્ચે સત્તા પર લોહિયાળ સંઘર્ષ હવે શરૂ થઈ રહ્યો છે. એક અફઘાન એક સ્થાનિક અખબાર અહેવાલ અનુસાર, હક્કાની નેટવર્કના ફાયરિંગમાં તાલિબાનના સહ-સ્થાપક મુલ્લા બરાદાર ઘાયલ થયા છે. બરાદર હાલમાં પાકિસ્તાનમાં સારવાર હેઠળ છે.જો કે, હજી સુધી કોઈ પણ આ પ્રારંભિક માહિતીની પુષ્ટિ કરી રહ્યું નથી.

પંજશીરમાં 700 તાલિબાનીઓ મર્યા હોવાનો દાવો 

કેટલાક દિવસોથી ચાલી રહેલા લોહિયાળ ખૂની ખેલ વચ્ચે શનિવારે પંજશીરના લડવૈયા સામે તાલિબાનને લીધેલી ટક્કર ભારે પડી અને લગભગ 700 થી વધુ તાલિબાનીઓ મોતના ઘાટ ઉતર્યા હતાં. પંજશીર ફોર્સનો દાવો છે કે, તેઓએ શનિવારના યુદ્ધમાં લગભગ 700 થી વધુ તાલિબાનીઓને મોતને ઘાટ ઉતાર્ય હતાં. તેમજ 600 જેટલાને કેદ કરી દેવામાં આવ્યાં હતાં. પંજશીરની રાજધાની બાજારક અને પ્રાંતીય ગવર્નરના પરિસર જવા વાળા રસ્તાઓ પર લેંડમાઈન હોવાથી તેઓ આગળ વધી શક્યા નથી 

600 તાલિબાનીઓને બનાવ્યા બંધક 

પંજશીર પ્રાંતમાં તાલિબાન વિરોધી બળોનું નેતૃત્વ કરી રહેલા અહમદ મસૂદે એક ઓડિયો સંદેશમાં જણાવ્યું છે હતું કે, 700થી વધુ તાલિબાનીઓ મરી ગયાં છે. અને 600 તાલિબાનીઓને પકડી લેવામાં આવ્યાં છે.જ્યારે બાકીએ ભાગવાની કોશિશ કરી રહ્યાં છે. મસૂદે સંદેશમાં વધુ જણાવ્યું હતું કે, અમે ફ્રન્ટ લાઇન પર છીએ, બધું આયોજન બધ્ધ છે અમે સમગ્ર પ્રાંતને નિયંત્રિત કરી રહ્યા છીએ.