અફઘાનિસ્તાનના પશ્ચિમ બડધિસમાં સોમવારે ભૂકંપના આંચકા અનુભવાયા. જેમાં 26 જેટલા લોકોના મોત થયા હતા અને અનેક ઘાયલ થયા હતા.
પશ્ચિમ અફઘાનિસ્તાનમાં ભૂકંપ
26 લોકોના મોત, અનેક ઇજાગ્રસ્ત
રિક્ટર સ્કેલ પર 5.6ની તિવ્રતા નોંધાઈ
અફઘાનિસ્તાનમાં ફરી એક વખત ભૂકંપના આંચકા અનુભવાયા છે. અફઘાનિસ્તાનના પશ્ચિમ પ્રાંત બડઘિસમાં સોમવારે આવેલા ભૂકંપમાં ઓછામાં ઓછા 26 લોકોના મોત થયા. ત્યારે કેટલાક લોકો ઇજાગ્રસ્ત જણાઇ રહ્યા છે.
#UPDATE | The death toll in western Afghanistan earthquake rises to 26, reports AFP
રિક્ટર સ્કેલ પર ભૂકંપના આંચકાની તિવ્રતા 5.6 રહી. સ્થાનિક અધિકારીઓએ આની માહિતી આપી. માહિતી અનુસાર, અફઘાનિસ્તાનના પશ્ચિમ પ્રાંત બડધિસમાં ભૂકંપના આંચકા બપોરે અનુભવાયા. ભૂકંપના આંચકાથી અનેક ઘર ક્ષતિગ્રસ્ત થઇ ગયા છે.
ઘરની છત ધરાશાયી થતાં લોકો દટાયા હતા
બદગીસના ગવર્નર મોહમ્મદ સાલેહે જણાવ્યું હતું કે કડીસ જિલ્લામાં એક ઘરની છત ધરાશાયી થતાં અનેક લોકો કચડાઈ ગયા હતા. આ ઉપરાંત અન્ય ઘણા લોકો પણ ઘાયલ થયા છે, જેમાં બાળકો અને મહિલાઓનો સમાવેશ થાય છે, એમ તેમણે જણાવ્યું હતું.