નિવેદન / BIG NEWS : મહિલાઓ માટે તાલિબાને કરી મોટી જાહેરાત, કહ્યું અમને આ બાબતોથી કોઈ વાંધો નથી

•  તાલિબાને મહિલાઓને સરકારમાં જોડાવા અપીલ કરી
• તેઓ નથી ઈચ્છતા કે  મહિલાઓ કોઈ પ્રકારની હિંસાનો શિકાર બને- તાલિબાન
• અમારી લીડરશીપ સંપૂર્ણ ઈસ્લામિક રહેશે- તાલિબાન

તાલિબાને મહિલાઓને સરકારમાં જોડાવા અપીલ કરી

અફઘાનિસ્તાન પર કબ્જો કર્યા બાદ તાલિબાને હવે પોતાની સરકારનો એજન્ડો નક્કી કરવાનું શરુ કરી દીધું છે. તાલિબાનના એક અધિકારીએ એલાન કર્યું છે કે તેમણે તમામ નાગરિકો માટે એક સાથે માફી આપવાનો નિર્ણય કર્યો છે. સાથે મહિલાઓને સરકારમાં જોડાવા અપીલ કરી છે.

 તેઓ નથી ઈચ્છતા કે  મહિલાઓ કોઈ પ્રકારની હિંસાનો શિકાર બને- તાલિબાન

સમાચાર એજન્સી એપી મુજબ ઈસ્લામિક અમિરાટના કલ્ચર કમિશનના અનામુલ્લાહએ એક ટીવી ચેનલ પર વાતચીત દરમિયાન આ એલાન કર્યું છે. તાલિબાન તરફથી કહેવામાં આવ્યું છે કે તે પોતાની સરકારમાં મહિલાઓને સામે કરશે સાથે તેઓ નથી ઈચ્છતા કે  મહિલાઓ કોઈ પ્રકારની હિંસાનો શિકાર બને.  જો કે અફઘાનિસ્તાનમાં તાલિબાનની નવી સરકારનું ગઠન કેવી રીતે થશે અને કયા ફોર્મૂલા અંતર્ગત થશે તેના પર તાલિબાને પત્તા નથી ખોલ્યા. તાલિબાનનું કહેવું છે કે અમારી લીડરશીપ સંપૂર્ણ ઈસ્લામિક રહેશે. અને તમામને જગ્યા મળશે.

મહિલાઓ અને બાળકોના ભવિષ્ય પર સંકટ
 
તાલિબાન તરફથી આ નિવેદન ત્યારે આવ્યું જ્યારે અફઘાનિસ્તાનમાં મહિલાઓ અને બાળકોના ભવિષ્યને લઈને અનેક પ્રકારની ચિંતા વ્યક્ત કરવામાં આવી રહી છે. અફઘાનિસ્તાનમાં તાલિબાની રાજ આવતા જ દેશના અલગ અલગ ભાગોમાં અનેક પ્રકારના ફેરફાર આવી રહ્યા છે.  દિવાલો પર અથવા બોર્ડ પર જ્યાં મહિલાઓના ફોટા લાગ્યા છે. ત્યાં લોકો પોતે જ રંગ લગાવી રહ્યા છે. કેમ કે તાલિબાનના નિયમ મુજબ મહિલાઓએ હિજાબ પહેરવો જરુરી છે. થોડાક દિવસ પહેલા તાલિબાને સંકેત આપ્યા હતા કે અફઘાનિસ્તાનમાં શરિયા કાયદો લાગૂ થશે.
ઉલ્લેખનીય છે કે તાલિબાન તરફથી અફઘાનિસ્તાનના તમામ કર્મચારીને પણ કામ પર પાછા ફરવા અપીલ કરવામાં આવી છે. તાલિબાનનું કહેવું છે કે તમામ લોકો પોતાની રુટિન લાઈફ ચાલુ રાખે. કોઈને પણ નુકસાન નહીં પહોંચાડવામાં આવે.