હુમલો / પંજશીરમાં તાલિબાનની પડખે ઉભુ છે પાકિસ્તાન? NRFએ પાકિસ્તાન દ્વારા ડ્રોન અટેક કરાયાનો દાવો કર્યો

• પંજશીરમાં પાકિસ્તાન એરફોર્સના ડ્રોનથી હુમલો કરવામાં આવ્યો
• અલ કાયદા પણ તાલિબાનની સાથે ઉભું છે
• મસૂદે તાલિબાન સાથે વાતચીતની રજુઆત કરી 

 પંજશીરમાં પાકિસ્તાન એરફોર્સના ડ્રોનથી હુમલો કરવામાં આવ્યો

અફઘાનિસ્તાનના પંજશીરમાં રેજિમેન્ટ ફોર્સ એટલે કે નોર્ધન ફોર્સ એટલે કે નોર્ધન અલાયન્સ અને તાલિબાનની વચ્ચે ભીષણ જંગની વચ્ચે તાલિબાનના સમગ્ર પંજશીર પર કબ્જો કર્યાના સમચાર આવી રહ્યા છે.  જો કે નોર્ધન એલાયન્સ તેનાથી ઈનકાર કરી રહ્યું છે. નોર્ધન એલાયન્સનો  દાવો છે કે પાકિસ્તાન પણ તાલિબાન તરફથી યુદ્ધમાં ઉતરી આવ્યું છે. જાતા જાણકારી  મુજબ પંજશીરમાં પાકિસ્તાન એરફોર્સના ડ્રોનથી હુમલો કરવામાં આવ્યો છે. અફઘાનિસ્તાનના સામંગન પ્રાંતથી પૂર્વ સાંસદ જિયા અરિયનજાદોએ પણ આની પુષ્ટિ કરી છે.

અલ કાયદા પણ તાલિબાનની સાથે ઉભું છે

અલ અરબિયાના સૂત્રોએ પંજશીર આંદોલનના નેતા અહમદ મસૂદની સેનાના હવાલાથી દાવો કરવામાં આવ્યો છે. કે પંજશીર ઘાટી પર હુમલામાં અલ કાયદા પણ તાલિબાનની સાથે ઉભું છે. પાકિસ્તાની ડ્રોન હુમલાને લઈને સામંગન પ્રાંતના પૂર્વ સાંસદ જિયા અરિયનજાદોએ કહ્યું કે પંજશીર પર પાકિસ્તાની વાયુસેનાએ ડ્રોનની મદદથી બોમ્બ વર્ષા કરી જેમાં સ્માર્ટ બોમનો ઉપયોગ કરવામાં આવ્યો હતો. 

પાકિસ્તાન પોતાના ફાયદા માટે તાલિબાનની સરકાર બનાવવા પ્રયાસ કરી રહ્યું છે

એક્સપર્ટનું માનવું છે કે પાકિસ્તાન પોતાના ફાયદા માટે અફઘાનિસ્તાનમાં તાલિબાનની સરકારને ઉભી કરવાની સંપૂર્ણ તાકાત સાથે પ્રયાસ કરી રહ્યું છે. અલ કાયદાના આતંકી આમાં કામ કરી રહ્યા છે.   પંજશીર પર હુમલા દરમિયાન તાલિબાનની સાથે સૈનિકોની હાજરીના પુરાવા મળ્યા છે. આ રિપોર્ટ મુજબ નોર્ધન અલાયન્સે હુમલામાં માર્યા ગયેલા એક એક પાકિસ્તાન સૈનિકને આઈડેન્ટિ કાર્ડ તસ્વીર જારી કરી છે. જેમાં સ્પષ્ટ થાય છે પાક સેના આમાં સામેલ છે. આ કાર્ડ પર પાકિસ્તાનના નાગરિક મોહમ્મદ વસીમનું નામ લખ્યું છે.

મસૂદે તાલિબાન સાથે વાતચીતની રજુઆત કરી 

આ દરમિયાન સમાચાર આવી રહ્યા છે કે વિદ્રોહનો અવાજ મજબૂત કરનાર અહમદ મસૂદે તાલિબાન સાથે વાતચીતની રજુઆત કરી છે. મતલબ સ્પષ્ટ છે કે શેરની જેમ ગર્જનારા મસૂદ બે ડગલા પાછળ આવ્યા છે. બની શકે કે સોમવારે તાલિબાન સાથે મસૂદ ઘૂટણીએ પડી જાય.

અનેક કમાન્ડર માર્યા ગયા

રવિવારે આ લડાઈમાં પંજશીરના મુખ્ય કમાન્ડર માર્યા ગયા છે. જેમાં સૌથી મુખ્ય ફહીમ દશ્તી છે. પત્રકાર રહી ચૂકેલા ફહીમ પંજશીરના પ્રવક્તા પણ હતા. આ ઉપરાંત મસૂદ પરિવાર સાથે જોડાયેલા કમાન્ડ પણ માર્યા ગયા છે. આમાં ગુલ હૈદર ખાન, મુનીબ અમીરી અને જનરલ વૂદાદ શામેલ છે.

સાલેહના ઘર પર હેલિકોપ્ટરથી અટેક

અફઘાનિસ્તાનના પૂર્વ ઉપરાષ્ટ્રપતિ અમરુલ્લાહ સાલેહ જે ઘરમાં રોકાયા છે. તેના પર હેલિકોપ્ટર હુમલો થયો છે. સાલેહને સુરક્ષિત જગ્યાએ લઈ જવામાં આવ્યા છે.