નિવેદન / કાબુલ પર તાલિબાનના કબ્જા મુદ્દે ભારતીય સેનાનું મોટું નિવેદન, કહ્યું ચિંતા ન કરો

• અહીં સુરક્ષા નિયંત્રણમાં છે -ભારતીય સેના
• કાબુલમાં તાલિબાનના કબ્જા બાદ ચિંતિત થવાની જરુર નથી- ભારતીય સેના
•  યુવાઓને આગળ વધવા માટે આર્મી બહું મહેનત કરી રહી છે-  યુસુફ પઠાન

અહીં સુરક્ષા નિયંત્રણમાં છે -ભારતીય સેના

ભારતીય સેનાએ રવિવારે કહ્યું કે કાશ્મીરની ઘાટીમાં સુરક્ષા નિયંત્રણમાં છે અને કાબુલમાં તાલિબાનના કબ્જા બાદ ચિંતિત થવાની જરુર નથી. આર્મીની  15મી કોર(ચિનાર કોર્પ્સ)ના જનરલ કમાન્ડિંગ ઓફિસર લેફ્ટિનેન્ટ જનરલ ડીપી પાંડેએ શ્રીનગરમાં આયોજિત એક કાર્યક્રમમાં આ વાત કહી. 

કાબુલમાં તાલિબાનના કબ્જા બાદ ચિંતિત થવાની જરુર નથી- ભારતીય સેના

હકિકતમાં જીઓસી પાંડે કશ્મીર પ્રીમિયર લીગ ટુર્નામેન્ટની ફાઈનલ મેચમાં ચીફ ગેસ્ટ તરીકે હાજર રહ્યા હતા. આ મેચ શેર એ કશ્મીર સ્ટેડિયમમાં રમાઈ રહી હતી. આ પ્રસંગે અફઘાનિસ્તાનની સત્તા પર તાલિબાનના કબ્જા બાદ કશ્મીરમાં સુરક્ષા પ્રતિષ્ઠાનો માટે પડકાર સાથે જોડાયેવા એક સવાલના જવાબમાં તેમણે કહ્યું કે આ એક ખેલનું મેદાન છે અને હું બહારની ગતિવિધિઓ પર ટિપ્પણી નથી કરવા માંગતો.  પરંતુ એક વાત યાદ રાખો કે અહીં સુરક્ષા સ્થિતિઓ અમારા કન્ટ્રોલમાં છે અને આ અંગે કોઈ ચિંતા કરવાની જરુર નથી.

કશ્મીરમાંથી ઓલમ્પિક ગોલ્ડ જીતનાર યુવા ખેલાડી નિકળશે- લેફ્ટિનેન્ટ જનરલ પાંડે

એક ચેનલના રિપોર્ટ મુજબ લેફ્ટિનેન્ટ જનરલ પાંડેએ ઘાટીના યુવાનોને રમત પર ધ્યાન આપવા માટે અપીલ કરી અને આશા વ્યક્ત કરી કે ભવિષ્યમાં નીરજ ચોપડાની જેમ કશ્મીરમાંથી ઓલમ્પિક ગોલ્ડ જીતનાર યુવા ખેલાડી નિકળશે. તેમણે કહ્યું કે આજે દેશમાં રાષ્ટ્રીય રમત દિવસ મનાવવામાં આવશે અને આ ફાઈનલ મેચનાં આયોજન માટે આનાથી સારો દિવસ કોઈ હોઈ જ ન શકે. આ પ્રસંગે યુવાઓને અપીલ કરુ છું કે તે રમત પર ધ્યાન આપે અને ફક્ત ક્રિકેટર ફોકસ ન કરી જેથી કશ્મીર ઘાટીમાંથી પણ નીરજ ચોપડાની જેમ ગોલ્ડ જીતનાર ખેલાડી નીકળી શકે. ઉલ્લેખનીય છે કે આ પ્રસંગે પૂર્વ ક્રિકેટર યુસુફ પઠાન પણ હાજર રહ્યા હતા.

 યુવાઓને આગળ વધવા માટે આર્મી બહું મહેનત કરી રહી છે-  યુસુફ પઠાન

પઠાને કહ્યું કે યુવાઓને આગળ વધવા માટે આર્મી બહું મહેનત કરી રહી છે. આ પ્રયાસનો ફાયદો મળશે. પઠાને કહ્યું કે ક્રિકેટને આગળ વધારવા માટે લોકો બહું મહેનત કરી રહ્યા છે. દરેક ઈચ્છે છે કે અહીં આઈપીએલ મેચ, રાષ્ટ્રીય અને આંતરરાષ્ટ્રીય મેચોનું આયજન થાય. સ્વાભાવિક છે કે એક વાર ઈન્ફ્રાસ્ટ્રસ્કચર બની જાય તો મોટી સ્પર્ધાનું આયોજન થશે.