હેરાત પ્રાંતની રાજધાની PD12માં આ ધમાકેદાર વિસ્ફોટ થયો હતો. જો કે, હજુ સુધી કોઈ પણ સંગઠને આ બ્લાસ્ટ અંગેની જવાબદારી લીધી નથી. હેરાતમાં થયેલા વિસ્ફોટમાં મૃત્યુઆંક વધીને 12 થયો છે અને 25 લોકો ઘાયલ થયા છે. રાજ્યના આરોગ્ય અધિકારીઓનું કહેવું છે કે, વિસ્ફોટકોને એક રમતના મેદાનમાં દાટવામાં આવ્યા હતાં અને કેટલાંક લોકો ત્યાં રમી રહ્યાં હતાં. જો કે, હજુ સુધી કોઈ સંગઠને આ હુમલાની જવાબદારી નથી લીધી. રિપોર્ટમાં એવું કહેવામાં આવ્યું છે કે, મૃતકોમાં ઓછામાં ઓછી ચાર મહિલાઓનો સમાવેશ થાય છે.
ગયા વર્ષે પણ થયા હતા હુમલા
જણાવી દઈએ કે, ગયા વર્ષે ઓગસ્ટમાં તાલિબાન દ્વારા અફઘાનિસ્તાન પર કબજો કર્યા બાદથી દેશભરમાં અનેક હુમલા થયા છે, જેમાંથી કેટલાંકની જવાબદારી ઈસ્લામિક સ્ટેટ (IS) એ લીધી હતી. આ પહેલાં જાન્યુઆરીમાં હેરાત શહેરમાં એક વિસ્ફોટમાં સાત લોકો માર્યા ગયા હતાં અને અન્ય નવ લોકો ઘાયલ થયા હતાં.