અફઘાનિસ્તાનની રાજધાની કાબૂલમાં બ્લાસ્ટ 10 લોકોનાં મોત

અફઘાનિસ્તાનની રાજધાની કાબૂલમાં બ્લાસ્ટ થતા 10 લોકોનાં મોત થયા છે. તો આ બ્લાસ્ટમાં અન્ય 19 લોકો ઈજાગ્રસ્ત થયા છે. હાલ ઈજાગ્રસ્તોને સારવાર માટે ખસેડવામાં આવ્યા છે. તો મૃત્યુઆંક વધે તેવી પણ આશંકા છે. કાબુલમાં આવેલી બ્રિટીશ સિક્યુરીટી કંપનીમાં આ બ્લાસ્ટ થયો છે

તાલિબાને આ બ્લાસ્ટની જવાબદારી પણ સ્વીકારી છે. ત્યારે બ્લાસ્ટ બાદ અહીં સમગ્ર વિસ્તારમાં અફરા તફરીનો માહોલ સર્જાયો હતો. બ્લાસ્ટ બાદ સુરક્ષામાં પણ વધારો કરી દેવાયો છે અને તપાસ હાથ ધરવામાં આવી છે. બીજી તરફ બચાવ અને રાહતદળ દ્વારા બચાવ કામગીરી પણ હાથ ધરવામાં આવી.

ગૃહ મંત્રાલયના ઉપ પ્રવકતાએ બ્લાસ્ટને લઇને પુષ્ટી કરી છે. તેમણે જણાવ્યું છે કે કાબુલમાં એક વિસ્ફોટ થયો છે જ્યારે મંત્રાલયના એક અન્ય અધિકારીઓએ જણાવ્યું કે ફાયરિંગ કરવામાં આવ્યું છે. 

ઉલ્લેખનીય છે કે આ અગાઉ કાબુલમાં ઇદ મિલાદ-ઉન-નબી અવસર પર મોટો આતંકી હુમલો કરવામાં આવ્યો હતો જેમાં 50થી વધારે લોકોનાં મોત નિપજ્યાં હતા જ્યારે અન્ય ઘણા લોકો ઘાયલ થયા તા.