નિવૃત્તિ / દુનિયામાં નંબર 1 ઓલરાઉન્ડરે સંન્યાસનું કર્યું એલાન, ચાહકોને લાગ્યો આઘાત, કરિયર શાનદાર

હાલમાં ચેમ્પિયન્સ ટ્રોફીને લઈને દૂનિયાભરમાં ચર્ચા ચાલી રહી છે. આ વચ્ચે હવે ક્રિકેટ જગતમાંથી એક મોટા સમાચાર સામે આવ્યા છે. જી હાં એક દિગ્ગજ ક્રિકેટરે અચાનક નિવૃત્તીની જાહેરાત કરીને સૌ કોઈને ચોંકાવી દીધા છે. અફઘાનિસ્તાન ટીમના અનુભવી ઓલરાઉન્ડર મોહમ્મદ નબીએ ODI ક્રિકેટમાંથી નિવૃત્તિની જાહેરાત કરીને બધાને ચોંકાવી દીધા છે. ચેમ્પિયન્સ ટ્રોફી 2025 બાદ નબી અફઘાનિસ્તાન તરફથી રમતા જોવા નહીં મળે. તેની 16 વર્ષની કારકિર્દીમાં તેણે અફઘાનિસ્તાન ટીમને ઉંચાઈ પર લઈ જવામાં મહત્વની ભૂમિકા ભજવી હતી.

અફઘાનિસ્તાને બાંગ્લાદેશને હરાવ્યું

અફઘાનિસ્તાનની ટીમ અપસેટ સર્જવામાં નિષ્ણાત માનવામાં આવે છે. તાજેતરમાં આ ટીમે બાંગ્લાદેશને શ્રેણીમાં 2-1થી ખરાબ રીતે હરાવ્યું હતું. આ શ્રેણીમાં નબીએ બેટ અને બોલથી પણ શાનદાર પ્રદર્શન કર્યું હતું. પ્રથમ વનડેમાં તેણે 84 રનની અણનમ ઇનિંગ રમી અને એક વિકેટ પણ લીધી. આ પછી ત્રીજી વનડે મેચમાં તેણે અણનમ 34 રન આપીને એક વિકેટ લીધી હતી. આ શ્રેણી બાદ તેણે વનડે ક્રિકેટમાંથી નિવૃત્તિની જાહેરાત કરી છે. બાંગ્લાદેશ સામેની વનડે શ્રેણીમાં નબીને પ્લેયર ઓફ ધ સિરીઝ પસંદ કરવામાં આવ્યો હતો. એવોર્ડ પ્રાપ્ત કરતી વખતે તેણે કહ્યું, 'મેં ગત વર્લ્ડ કપ પછી નિવૃત્તિ લેવાનું મન બનાવી લીધું હતું, પરંતુ પછી અમે ચેમ્પિયન્સ ટ્રોફી માટે ક્વોલિફાય કર્યું. મને લાગ્યું કે હું આ ટુર્નામેન્ટમાં રમી શકીશ.

વધુ વાંચો : IND vs AUS: રોહિત આઉટ, તો ઓસ્ટ્રેલિયાની સિરીઝમાં કેપ્ટનશીપ કોણ કરશે? જાણો ભારતની સંભવિત પ્લેઇંગ 11

કારકિર્દી કેવી રહી?

નબીએ વર્ષ 2009માં અફઘાનિસ્તાન ટીમ માટે ડેબ્યૂ કર્યું હતું. તેની 16 વર્ષની ODI કરિયરમાં તેણે 167 મેચ રમી છે જેમાં તેના નામે 3,600 રન છે અને બોલિંગમાં 172 વિકેટ છે. હાલમાં નબી વિશ્વનો ટોપ ઓલરાઉન્ડર છે. હવે ચેમ્પિયન્સ ટ્રોફી બાદ નબી ODI ક્રિકેટમાં રમતા જોવા નહીં મળે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ