દેશને બચાવી લેવા માટે અફઘાન સરકારે તાલિબાનને સત્તામાં ભાગીદારીની ઓફર કરી છે જોકે બદલામાં તાલિબાને હિંસક હુમલા બંધ કરવા પડશે.
દેશ બચાવવા અફઘાન સરકારનો મોટો નિર્ણય
તાલિબાનને સત્તામાં ભાગીદારીની ઓફર કરી
સત્તા ભાગીદારીની સાથે શરત પણ મૂકી
હિંસક હુમલા બંધ કરવા પડશે તો જ સત્તામાં ભાગીદારી મળશે
અફઘાનની અશરફ ગની સરકારે તાલિબાનને પાઠવેલા શાંતિ પ્રસ્તાવમાં જણાવ્યું કે જો તાલિબાન હિંસક હુમલા કરવાનું બંધ કરે તો સરકાર તેને સત્તામાં ભાગીદાર આપવા તૈયાર છે. જોકે તાલિબાને હિંસક હુમલા બંધ કરવા પડશે તો જ સત્તામાં ભાગીદારી મળશે.
તાલિબાને કાબુલથી 130 કિમી દૂરના ગઝની શહેર પર કબજો કર્યો
અફઘાનિસ્તાનમાં હવે પરિસ્થિતી દિવસેને દિવસે વધારે વણસી રહી છે. છેલ્લી માહિતી અનુસાર તાલિબાને કાબુલથી ફક્ત 130 કિમી દૂર આવેલા ગઝની શહેર પર કબજો કરી લીધો છે. તાલિબાન માટે હવે કાબુલ દૂર નથી. છેલ્લા એક સપ્તાહમાં તાલિબાને અહીયા 9 જેટલા શહેરો પર કબ્જો જમાવી લીધો છે. સાથે તાલિબાની આતંકીઓએ કંધાર જેલ તોડીને ત્યાથી તેમના સાથીઓને નિકાળી લીધા છે. ઘણી સરકારી સંપત્તિઓ પર હાલ તાલીબાને તેમનો કબ્જો જમાવી લીધો છે.
ટ્વીટર પર ટ્વીટ કરીને તાલીબાને જણાવ્યું છે કે તેમણે રાષ્ટ્રીય પોલીસ મુખ્યાલય, કેન્દ્રીય જેલ અને અન્ય સરકારી બળોની સુવિધાઓ પર કબ્જો મેળવી લેવામાં આવ્યો છે. હાલ તાલીબાન કાબુલથી પણ માત્ર 130 કિમી દૂર છે. જે રાષ્ટ્રપતિ ગની માટે એક ચિંતાનો વિષય બન્યો છે. બીજી તરફ એવી માહિતી પણ સામે આવી છે કે ફરાહના સૂબાઈ ગવર્નર સાથે ચાર સરકારી ઓફિસરોએ તાલિબાન સામે હથિયાર મૂકી દીધા છે.
અફઘાનિસ્તાનની સેના પ્રમુખ બદલાયા
ઉલ્લેખનીય છે કે વધતા જતા તાલીબાનોના આતંકને કારણે અફઘાનિસ્તાનના રાષ્ટ્રપતિએ તેની સેના પણ ફેરફાર કર્યા છે. હાલ અફઘાનિસ્તાનમાં હેબતુલ્લાહ અલીજાઈને નવા સેના પ્રમુખ બનાવામાં આવ્યા છે.