અફઘાનિસ્તાનમાં તાલિબાન સત્તા પર આવ્યું છે ત્યારથી જ ગુના વધ્યા છે, ત્યારે તાજો મામલો સામે આવ્યો છે જેમાં એક યુવતી પર રોજ અત્યાચાર થાય છે તેવું યુવતી જણાવે છે.
અફઘાનિસ્તાનમાં તાલિબાનની ક્રુરતા
યુવતી સાથે થાય છે રોજ બળાત્કાર
વિડીયો વાયરલ થતા ખુલાસો થયો
જ્યારથી અફઘાનિસ્તાનમાં તાલિબાન સત્તા પર આવ્યું છે ત્યારથી જ ગુનાના એકથી વધુ ચોંકાવનારા કિસ્સા સામે આવી રહ્યા છે. તાજો મામલો એક એવી છોકરીનો છે જેની સાથે રોજ બળાત્કાર થાય છે. કાબુલ યુનિવર્સિટીની વિદ્યાર્થીની ઇલાહા દિલવાજીરીએ દાવો કર્યો છે કે તાલિબાનના આંતરિક મંત્રાલયના પૂર્વ પ્રવક્તા કારી સઇદ ખોસ્તીએ બળજબરીથી તેની સાથે લગ્ન કર્યા હતા. તેના પર અત્યાચાર ગુજાર્યો હતો અને બળાત્કાર ગુજાર્યો હતો. દિલવાજીરીએ ટ્વિટર પર વાયરલ થયેલા લીક થયેલા વીડિયોમાં આ દાવો કર્યો છે.
યુવતી સાથે બળજબરી
વીડિયોમાં યુવતી પોતાના શરીર પર ઈજાના નિશાન બતાવતી જોવા મળી રહી છે. આ દરમિયાન કારી સઈદ ખોસ્તીએ રેપના દાવાને ફગાવી દીધો છે. ખોસ્તીએ યુવતીને છૂટાછેડા આપવા પાછળનું કારણ 'બિન-ઇસ્લામિક માન્યતાઓ'ને ગણાવ્યું હતું. ખોસ્તે કહ્યું કે તેણે 'તેને મારી નથી'. આ ચોંકાવનારો મામલો 30 ઓગસ્ટના રોજ ત્યારે સામે આવ્યો જ્યારે ન્યૂઝ એજન્સી આમના ન્યૂઝ અંગ્રેજીના ટ્વિટર હેન્ડલ પર ઈલાહા દિલ્વાજીરીનો રડવાનો વીડિયો પોસ્ટ કરવામાં આવ્યો હતો. વીડિયોમાં દિલવાજીરી પોતાની આપવીતી સંભળાવતા રડતા જોવા મળી રહ્યા છે. તેણે ખોસતી પર બળાત્કાર અને ત્રાસ આપવાનો આરોપ લગાવ્યો હતો.
Torture and sexual harassment of a young girl by former spokesman of Taliban's interior ministry
In a video leaked to Aamaj News a young girl claims that former spokesman of Taliban's interior ministry, Saeed Khosty, has tortured, sexually harassed and forced her to marry him. pic.twitter.com/8mdJwLdSBq
ઘરમાંથી ભાગી જવાનો પ્રયાસ નિષ્ફળ રહ્યો
ઇલાહાનો દાવો છે કે ખોસ્તીએ બળજબરીથી લગ્ન કર્યા પહેલા જ તેની સાથે બળાત્કાર ગુજાર્યો હતો. યુવતીએ જણાવ્યું કે, એક વખત કંટાળીને તેણે ઘરમાંથી ભાગવાનો પ્રયાસ કર્યો હતો, પરંતુ તે તોરખામ બોર્ડર પરથી ઝડપાઇ ગઇ હતી. ત્યારબાદ પીડિતાને સઇદ ખોસ્તીના પગે ચૂમીને માફી માંગવાની ફરજ પડી હતી. આ વીડિયોમાં અફઘાન મહિલા દાવો કરી રહી છે કે, ખોસ્તીએ તેની સાથે બળજબરીથી લગ્ન કરી લીધા હતા. સઈદના લગ્ન બાદથી રોજ રાત્રે તેના પર બળાત્કાર, મારપીટ અને અભદ્ર વર્તન કરવામાં આવે છે.
સઈદ ખોસ્તીએ પોતાના બચાવમાં ટ્વીટ કરી
આ વીડિયો બાદ યુવતીનો વધુ એક વીડિયો વાયરલ થયો હતો, જેમાં ખોસ્તી તેના બે સાથીઓ સાથે યુવતીના ઘરમાં ઘૂસતો જોવા મળી રહ્યો છે. વીડિયો વાયરલ થયા બાદ, કારી સઈદ ખોસ્તીએ એક નિવેદન બહાર પાડીને કહ્યું હતું કે તેણે "છોકરીની વિનંતી" પર તેની સાથે લગ્ન કર્યા છે. ખોસ્તીએ જણાવ્યું હતું કે જ્યારે તેમને ખબર પડી કે યુવતી "ધર્મમાં માનતી નથી", ત્યારે તેણે તેને છૂટાછેડા આપી દીધા હતા. તેમણે યુવતી પર કુરાનનું અપમાન કરીને નિંદા કરવાનો આરોપ પણ લગાવ્યો હતો.
A new video leaked to Aamaj News verifies the claim of the girl harassed by Taliban former interior ministry spokesman
The video shows that Saeed Khosty and his gunmen go to the house of Elahe, a medico, and when she cannot bear them, they beat her with a shovel. pic.twitter.com/pU0DEczOPX
કાયદેસર રીતે છૂટાછેડા લીધા છે
ખોસ્તીએ ટ્વિટર પર લખ્યું, "6 મહિના પહેલા, મેં તેની વિનંતી પર ઇલાહા નામની છોકરી સાથે લગ્ન કર્યા હતા, તે પછી મેં જોયું કે તેને ધર્મથી સમસ્યા છે. મેં સલાહ અને ચર્ચા દ્વારા તેમના ધર્મને સુધારવાનો પ્રયત્ન કર્યો, પરંતુ, તે કામ કરી શક્યો નહીં. તેમણે પવિત્ર કુરાનનું અપમાન કર્યું. ખોસ્તીએ એમ પણ કહ્યું હતું કે તેણે યુવતીની સાથે ક્રુરતા કરી નથી, અને તે 'કાયદેસર રીતે છૂટાછેડા લઈને તેની પત્નીથી અલગ થઈ ગયો છે'. ટ્વિટર પર જ્યારથી આ વીડિયો સામે આવ્યો છે, ત્યારથી ઘણા લોકો ખોસ્તી અને તાલિબાન બંનેને નિશાન બનાવી રહ્યા છે.