તાલિબાને મહિલાઓ માટે 10 ભયાનક નિયમો બનાવ્યાં છે જેમાં ટાઈટ કપડા પહેરવાથી માંડીને સેન્ડલ પહેરવા પર પ્રતિબંધ સામેલ છે.
તાલિબાને મહિલાઓ માટે બનાવ્યાં 10 ભયાનક નિયમો
ટાઈટ કપડા પહેરવાથી માંડીને સેન્ડલ પહેરવા પર પ્રતિબંધ
નિયમોનું પાલન ન કરનાર માટે કરાઈ આકરી સજાની જાહેરાત
મહિલાઓના સુખચેન છીનવી લેવાનું પગલું ભરતા તાલિબાને સત્તામાં આવતા જ મહિલાઓ માટે 10 નિયમો બનાવી દીધા છે. 10 નિયમોમાં ટાઈટ કપડા પહેરવાથી માંડીને સેન્ડલ પહેરવા પર પ્રતિબંધ સામેલ છે.
મહિલાઓના જીવનને નરક બનાવનાર 10 તાલિબાની નિયમ
- કોઈપણ નજીકના સગા વગર મહિલાઓ શેરીઓમાં નીકળી નહીં શકે.
- મહિલાઓએ ઘરની બહાર નીકળતી વખતે બુરખો પહેરવો પડશે.
- હાઈ હીલ્સ પહેરી નહીં શકે કારણ કે પુરુષો મહિલાઓના આવવાનો અવાજ સાંભળી નહીં શકે
- જાહેર સ્થળે અજાણ્યા લોકો સામે મહિલાનો અવાજ ન સાંભળવો જોઈએ.
- ભોંયતળિયાના ઘરોમાં બારીઓ દોરવામાં આવવી જોઈએ, જેથી ઘરની અંદર મહિલાઓ ન દેખાય.
- મહિલાઓને ફોટોગ્રાફ કરી શકાતા નથી, ન તો તેમના ફોટોગ્રાફ્સ અખબારો, પુસ્તકો અને ઘરમાં જોવા જોઈએ.
- કોઈ પણ સ્થાનના નામ પરથી સ્ત્રી શબ્દ કાઢી નાખવો જોઈએ.
- મહિલાઓ ઘરની બાલ્કની અથવા બારી પર દેખાતી ન હોવી જોઈએ.
- મહિલાઓએ કોઈપણ જાહેર મેળાવડામાં ભાગ ન લેવો જોઈએ.
- સ્ત્રીઓ નેઇલ પેઇન્ટ નહીં લગાવી શકે, ન તો તેઓ સ્વેચ્છાએ લગ્ન કરવાનું વિચારી શકે છે.
નિયમ ન માનનાર મહિલાઓને થશે ખોફનાક સજા
આ 10 નિયમોનું પાલન ન કરનાર મહિલાઓ માટે તાલિબાને ખોફનાક સજા પણ નક્કી રાખી છે. અને આમેય તાલિબાન તો મહિલાઓ માટે ભયાનક સજા આપવા માટે કુખ્યાત છે જ. તાલિબાની રાજમાં મહિલાઓની જાહેરમાં બેઈજ્જતી અને મારી મારીને મારી નાખવાની સજા તો જાણીતી છે. વ્યભિચાર કે ગેરકાયદેસર સંબંધો માટે મહિલાઓને જાહેરમાં હત્યા કરી દેવાય છે. ટાઈટ કપડા પહેરવા બદલ પણ તેને મોતની સજા કરવામાં આવે છે. જો કોઈ છોકરી અરેન્જ મેરેજમાંથી ભાગવાની કોશિશ કરે તો તેના નાક અને કાન કાપી નાખવામાં આવે છે. જો મહિલાઓ નેઈલ પેઈન્ટ કરે તો તેમની આંગળીઓ કાપી નાખવામાં આવે છે.