કોઇ પણ સબંધને લાંબો ટકાવી રાખવા માટે બંને તરફથી પ્રયત્નો થાય તે જરૂરી છે. એક જ તરફથી થતા પ્રયત્નો જે દિવસે ખૂટી જાય છે તે દિવસે સબંધ પણ તૂટી જાય છે. ક્યારેક નાની નાની ભૂલોને કારણે એકબીજા સાથે રહેવા ઇચ્છતી બે વ્યક્તિઓ હંમેશા માટે અલગ થઇ જતી હોય છે. સબંધમાં ક્યારેક કડવાશ આવી જાય તો તેમાં સાકર ઉમેરવાનુ કામ પણ આપણુ જ હોય છે.
સબંધોમાં ન વધવા દો કડવાશ
તમારા પાર્ટનરનુ રાખો પૂરતુ ધ્યાન
ઇગો અને ખોટી આદતોને કારણે એક બીજા સાથે ઝઘડા વધે, તણાવ વધે અને છેલ્લે સબંધોનો અંત આવે છે. કેટલીક વસ્તુઓ ફૉલો કરવાથી તમારો સબંધ મિઠાશભર્યો રહેશે.
ધ્યાનથી સાંભળો વાત
તમારા પાર્ટનરની વાત ધ્યાનથી સાંભળો, જ્યારે પણ એ વાત કરે ત્યારે આઇ કોન્ટેક્ટ રાખો અને તેની વાતની મજાક ના ઉડાવો, તમારા પાર્ટનરને એવુ લાગવુ જોઇએ કે તમે એની વાત ધ્યાનથી સંભળો છો અને તેને તેમજ તેની વાતને મહત્વ આપો છો.
સંભાળ રાખો
દરેક વ્યક્તિ એવુ ઇચ્છે છે કે, તેનુ પાર્ટનર તેની કેર કરે તેની સંભાળ રાખે, સબંધોમાં આવતી કડવાશને નાની નાની વાતે રાખવામાં આવતી સંભાળ જ ઓછી કરી દે છે. દિવસમાં એક વાર તેને જતાવો કે તમે એને કેટલો પ્રેમ કરો છો.
સ્પેસ આપો
ક્યારેક એવુ થતુ હોય છે કે પ્રેમના નામે તમે તમારા પાર્ટનરની સ્પેસ જ છીનવી લો છો. જેના લીધે સબંધમાં શંકા નામનો રાક્ષસ પ્રવેશ કરે છે, અને સબંધોમાં ગૂંગળામણ આવી જાય છે. તમારા સ્વભાવ પર ધ્યાન આપો અને તમારા પાર્ટનરને તેની સ્પેસ આપો જેથી સબંધમાં પણ હવા ઉજાસ જળવાઇ રહે.
સમજદારી રાખો
લોકોની આદતો એક જેવી ન હોઇ શકે, બની શકે કે તમને જે ના પસંદ હોય તે તમારા પાર્ટનરને ખૂબ જ પસંદ હોય. તો તેને તે આદત છોડાવાની જગ્યાએ સમજદાર બનો અને તેને કોઇ પણ વાત જબરજસ્તી માનવા માટે મજબૂર ન કરો. દરેક વાત પર ટોક ટોક કરવાથી સબંધ ખરાબ થાય છે.
આવી નાની નાની વાતની તકેદારી રાખવાથી તમારો સબંધ હેલ્ધી બને છે અને તમને એકબીજા માટે કડવાશ નથી આવતી.