ભાજપે 2021-22 દરમિયાન 1917.12 કરોડ રૂપિયાની આવક જાહેર કરી હતી જેમાંથી 854.467 કરોડ રૂપિયાનો ખર્ચ થયો છે. કોંગ્રેસની આવક 541.275 કરોડ રૂપિયા હતી જેમાંથી 400.414 કરોડ રૂપિયાનો ખર્ચ થયો.
8 રાજનૈતિક દળોમાં ભાજપની આવક સૌથી વધુ
1917.12 કરોડની આવક કરી હતી જાહેર
દ્વિતીય ક્રમ પર TMC
દેશની માન્યતા પ્રાપ્ત કરનારાં 8 રાજનૈતિક દળોએ નાણાકીય વર્ષ 2021-22માં કુલ 3289.34 કરોડ રૂપિયાની આવક જાહેર કરી હતી જેમાંથી અડધાથી વધારેમાં ભાજપની હિસ્સેદારી છે. એસોસિએશન ફોર ડેમોક્રેટિક રિફોર્મ્સે ચૂંટણી આયોગની સાથે પાર્ટીઓ તરફથી જમા કરવામાં આવેલા દસ્તાવેજોની તપાસ કરીને આ જાણકારી આપી છે.
ભાજપની આવક સૌથી વધુ, TMC દ્વિતીય સ્થાને
આ રિપોર્ટ અનુસાર તૃણમૂલ કોંગ્રેસે 545.745 કરોડ રૂપિયાની આવકની ઘોષણા કરી હતી જે 8 દળોની કુલ આવકનાં 16.59% છે. આ રીતે TMC દ્વિતીય સ્થાને આવે છે. ભાજપે 2021-22 દરમિયાન 1917.12 કરોડ રૂપિયાની આવકની ઘોષણા કરી હતી જેમાંથી તેમણે 854.467 કરોડ રૂપિયા એટલે કે 44.57% ખર્ચ કર્યો છે. કોંગ્રેસની કુલ આવક 541.275 કરોડ રૂપિયા હતી જેમાંથી 400.414 કરોડ રૂપિયાનો એટલે કે 73.98% ખર્ચ થયો.
આ 8 દળોની આપી માહિતી
ઈલેક્શન કમીશનની તરફથી જે 8 દળોને રાષ્ટ્રીય દરજ્જો આપવામાં આવ્યો છે તેમાં ભારતીય જનતા પાર્ટી, ભારતીય રાષ્ટ્રીય કોંગ્રેસ, બહુજન સમાજ પાર્ટી, રાષ્ટ્રવાદી કોંગ્રેસ પાર્ટી, ભારતીય કમ્યુનિસ્ટ પાર્ટી, અખિલ ભારતીય તૃણમૂલ કોંગ્રેસ, ભારતીય કમ્યૂનિસ્ટ પાર્ટી(માર્ક્સવાદી) અને નેશનલ પીપુલ્સ પાર્ટી શામેલ છે.
ઈલેક્ટ્રોલ બોન્ડની મદદથી મળ્યું ફંડીગ
ADRની રિપોર્ટ અનુસાર TMCએ 268.337 કરોડ રૂપિયાનો ખર્ચ કર્યો જે તેની કુલ આવકનાં 49.17% જેટલો હતો. નાણાકીય વર્ષ 2021-22 માટે 8 રાષ્ટ્રીય દળોમાંથી 4 પાર્ટી- ભાજપ, ટીએમસી, કોંગ્રેસ અને એનસીપી એ પોતાની કુલ આવકનાં 55.09% કે 1811.9425 કરોડ રૂપિયા ચૂંટણી બોન્ડની તરફથી મળવામાં આવેલા દાનથી મેળવી છે. BJPને 1033.70 કરોડ રૂપિયા, TMC ને 528.143 કરોડ રૂપિયા, કોંગ્રેસને 236.0995 કરોડ રૂપિયા અને NCPને 14 કરોડ રૂપિયા ઈલેક્ટ્રોલ બોન્ડથી ફંડનાં રૂપે મળ્યાં છે.