ADRએ સુપ્રીમ કોર્ટમાં દાવો કર્યો છે કે વર્ષ 2019ની લોકસભા ચૂંટણીમાં 370 લોકસભા બેઠકો પર મતોની સંખ્યામાં EVMએ ભારે ગરબડી કરી છે. અને ચૂંટણી પંચે આ વિશે કંઇપણ બતાવવાથી ઇનકાર કરી દીધો છે. ત્યારે આ સંબંધમાં ADR ગત 15 નવેમ્બરે અરજી દાખલ કરી દેશની સૌથી મોટી કોર્ટમાં પહોંચ્યું છે.
કુલ 347 બેઠકો પર પડેલા કુલ વોટ અને EVMમાં પડેલા વોટોની કુલ સંખ્યામાં તફાવત છે
6 બેઠક એવી છે જ્યાં વોટોના તફાવતની સંખ્યા ઉમેદવારના જીતના માર્જિનથી પણ વધારે
અરજીમાં સુપ્રીમ કોર્ટ ને અપીલ કરવામાં આવી છે કે તે ભારતીય ચૂંટણી પંચને એ નિર્દેશ આપે કે, કોઇપણ ચૂંટણીના પરિણામ જાહેર કરતા પહેલા તે યોગ્ય ડાટા ઉપલબ્ધ કરાવે કે, કેટલા વોટ પડ્યા. અરજી કરનારે કોર્ટમાં એમ પણ અપીલ કરી છે કે વર્ષ 2019ની લોકસભા ચૂંટણીમાં ડાટાને લઇને થયેલી વિસંગતિઓની પણ તપાસ કરવામાં આવે.
અરજી કરનારે વર્ષ 2019માં ચૂંટણી પંચ તરફથી ઉપલબ્ધ કરવામાં આવેલા ડાટામાં ખામીઓ હોવાની વાત કહી છે. તેમા કહેવામાં આવ્યું કે, 2014ના ચૂંટણી પરિણામ જાહેર થયા બાદ પંચની વેબસાઇટ અને તેમના એપ (My Voters Turnout App) પર જે વોટિંગ ડાટા ઉપલબ્ધ કરવામાં આવ્યા હતા, તેમા કેટલીય વાર બદલાવ કરવામાં આવ્યા હતા. અને બની શકે છે કે આ બદલાવ ખામીઓને છુપાવવા માટે કરવામાં આવ્યો હોય. અરજી કરનારે કહ્યું કે ડાટામાં કરવામાં આવેલા બદલાવ પર પંચ તરફથી કંઇપણ કહેવામાં આવ્યું નથી.
ADR નું કહેવું છે કે વિશેષજ્ઞોની ટીમને રિસર્ચ બાદ જાણવા મળ્યું છે કે, કાઉન્ટિંગ દરમિયાન વોટોની કુલ સંખ્યા અને EVMમાં પડેલા વોટોની કુલ સંખ્યા અલગ-અલગ નિર્વાચન ક્ષેત્રોમાં અલગ-અલગ હતી. આ રિસર્ચ એ ડાટાના આધાર પર કરવામાં આવ્યો હતો જે ડાટા આયોગની તરફથી 28 મે 2019 અને 30 જૂન 2019એ વેબસાઇટ પર ઉપલબ્ધ કરવામાં આવ્યા હતા.
ADRએ ચૂંટણીપંચ ઉપર આક્ષેપ મુકતા જણાવ્યું હતું કે ચૂંટણીપંચે જ્યાં સુધી મત ગણતરી કરી રહેલા Returning Officers સત્તાવાર ડાટા આપે નહિ ત્યાં ચૂંટણીના પરિણામોની જાહેરાત ન કરવી જોઈએ.
અરજી કરનારનું સુપ્રીમ કોર્ટમાં કહેવું છે કે, કુલ 347 બેઠકો પર પડેલા કુલ વોટ અને EVMમાં પડેલા વોટોની કુલ સંખ્યામાં તફાવત છે. સૌથી ચોંકાવનારી વાત છે કે, 6 બેઠક એવી છે જ્યાં વોટોના તફાવતની સંખ્યા ઉમેદવારના જીતના માર્જિનથી પણ વધારે છે.અરજીકર્તાએ યૂકે, ફ્રાન્સ, પેરૂ અને બ્રાઝીલ જેવા કેટલાક દેશોનું ઉદાહરણ આપતા કહ્યું છે કે આ દેશોમાં ચૂંટણીના પરિણામ એક નક્કી ઓથોરિટીની તપાસ-ચકાસણી બાદ જ જાહેર કરવામાં આવે છે.