દુનિયામાં એવી કોઇ ચીજવસ્તુ માતાના અભાવને દૂર કરી શકતી નથી. ત્યારે તો એક વ્યક્તિ સાત સમંદર પાર કરી ભારત માત્રને માત્ર એટલા માટે આવ્યો કારણ કે તેની 41 વર્ષ પહેલા પહેલા વિખૂટી પડેલી માતાને મળી શકે.
મનાલીમાં ઘરકામ કરીને જીવન પસાર કરે છે ડેવિડની માતા ધનલક્ષ્મી
ડેન્માર્કમાં રહેતા ડેવિડ નીલ્સન 41 વર્ષ બાદ પોતાની સગી માંને મળ્યા અને તે પળને પણ તેમણે યાદગાર ગણાવી હતી. નોંધનીય છે કે, ડેવિડ નીલ્સન છેલ્લા 6 વર્ષથી પોતાની માત લક્ષ્મીને શોધી રહ્યા હતા. જો કે, ત્યારબાદ તેને ખબર પડી કે તેની માં મનાલીમાં રહે છે. અંતે તેઓ મનાલી પહોંચ્યા હતા.
બ્લેક એન્ડ વ્હાઇટ ફોટોગ્રાફ્સની મદદથી ડેવિડ મળી શક્યો માતાને
ટાઇમ્સ ઓફ ઇન્ડિયાના અહેવાલો અનુસાર, ડેવિડ તેની માતા સાથે તમિળનાડુના પલ્લારામમાં એક ચાઇલ્ડ હોમમાં રહેતો હતો. ચાઇલ્ડ હોમે ડેવિડની માતાને તેના કહ્યા વિના દત્તક લેવાની બાળકોની સૂચિમાં ઉમેર્યા, અને જ્યારે ડેવિડ 2 વર્ષનો હતો, ત્યારે તેને ડેનિશ દંપતી દ્વારા દત્તક લેવામાં આવ્યો. ડેવિડ હવે 43 વર્ષનો છે અને વ્યવસાયે બોન્ડનો વેપારી છે. તમને જણાવી દઈએ કે, ડેવિડને તેની માતાને બ્લેક એન્ડ વ્હાઇટ ફોટોગ્રાફની મદદથી મળી શક્યો.
માતા સાથેની મુલાકાતને ગણાવી યાદગાર
ડેવિડ નેલ્સનને કહ્યું, "આ મારા માટે ખૂબ ભાવનાત્મક ક્ષણ છે." આપને જણાવી દઇએ કે ડેવિડને તેની માતા તેના મિત્રો અને વકીલોની મદદથી શોધી શક્યો. કાર્યકરો અંજલિ પવાર અને અરૂણ ઢોલેએ પણ તેને મદદ કરી. ઢોલેને તેની માતાની માહિતી મળી હતી, ત્યારબાદ તેણે હવે આ કામમાં અન્ય લોકોને મદદ કરવાનું શરૂ કરી દીધું છે.
ઘરકામ કરીને ગુજરાન ચલાવે છે ડેવિડની માતા
ડેવિડે પ્રથમ વખત પોતાની માં સાથે ઓક્ટોબરમાં વીડિયો કોલના માધ્યમ દ્વારા વાતચીત કરી હતી. આપને જણાવી દઇએ કે, ધનલક્ષ્મી મનાલીમાં લોકોના ઘરમાં કામ કરે છે અને તે પોતાના સૌથી નાના દિકરા સરવન સાથે રહે છે.
ગરીબીના કારણે ધનલક્ષ્મીએ બાળકોને સોંપ્યા હતા ચાઇલ્ડ હોમને
ધનલક્ષ્મી અને તેના પતિ ખૂબ ગરીબ હતા, તેથી તેઓએ તેમના 2 પુત્રો પલ્લારામના ચાઇલ્ડ હોમને આપી દીધા અને તેણી પણ ત્યાં જ રહેવા લાગી. એક દિવસ ત્યાંના વહીવટીતંત્રે ધનલક્ષ્મીને ચાઇલ્ડ હોમ છોડી દેવાનું કહ્યું અને જ્યારે તે જતા પહેલા તેમના બાળકોને લેવા ગઇ ત્યારે તેને કહેવામાં આવ્યું કે તેના બાળકોને કોઇએ દત્તક લીધું છે.