હેલ્થ ટિપ્સ / હિટવેવની આગાહી વચ્ચે કાળઝાળ ગરમીથી બચવા આજથી જ અપનાવો આ 10 ઉપાય, મળશે 'લૂ'થી મોટી રાહત

• હવામાન વિભાગે હીટવેવને લઈને એલર્ટ જાહેર કર્યું છે
• આ વર્ષે ફેબ્રુઆરીમાં ગરમીએ છેલ્લા 122 વર્ષનો રેકોર્ડ તોડી નાખ્યો
• બપોરે 12 થી 3 વાગ્યા વચ્ચે ઘરેથી બહાર જવાનું ટાળો

Heatwave Advisory: આ વર્ષે ફેબ્રુઆરી મહીનામાં દેશના ઘણા વિસ્તારોમાં તાપમાનમાં વધારો જોવા મળ્યો છે. તાપમાનમાં વધારો જોઈને અનુમાન લગાવવામાં આવી રહ્યું છે કે આવનારા દિવસોમાં જોરદાર ગરમી અનુભવાશે. ભારતીય હવામાન વિભાગે હીટવેવને લઈને એલર્ટ જાહેર કર્યું છે. હવામાન વિભાગના જણાવ્યા અનુસાર આ વર્ષે ફેબ્રુઆરીમાં ગરમીએ છેલ્લા 122 વર્ષનો રેકોર્ડ તોડી નાખ્યો છે. ફેબ્રુઆરી મહિનામાં ઘણી વખત સામાન્ય ઠંડીનો અનુભવ થતો હતો. પરંતુ આ વખતે લોકોએ સમય પહેલા જ ગરમ કપડાંને અલવિદા કહી દીધું છે જે ચોંકાવનારી બાબત છે. જો ફેબ્રુઆરીમાં ઉનાળાની આ સ્થિતિ છે તો મે-જૂન મહિનાનો સમય   કેટલો મુશ્કેલ રહશે તેનો અંદાજ લગાવી શકાય છે.

હીટેવેવને લઈ સ્વાસ્થ્ય મંત્રાલયે પણ એડવાઈઝરી જાહેરી કરી છે. જેથી લોકો કાળઝાળ ગરમીથી પોતાને સુરક્ષિત રાખી શકે. મંત્રાલયે હીટવેવની અસરથી બચવા માટે કેટલીક મહત્વપૂર્ણ માહિતી શેર કરી છે જેના વિશે તમારે જાણકારી રાખવી જોઈએ જેથી તમે વધતા તાપમાનની અસરથી બચી શકો.

આ રીતે કરો 'હીટવેવ'થી પોતાનો બચાવ

1. ભીષણ ગરમી દરમિયાન વધુ પડતા પ્રોટીન યુક્ત ખોરાક ખાવાનું અને રાંધવાનું ટાળવું જોઈએ.

2. ગરમીમાં ખાસ કરીને બપોરે 12 થી 3 વાગ્યા વચ્ચે ઘરેથી બહાર જવાનું ટાળો.

3. ભલે તમને તરસ ન લાગી હો તો પણ પર્યાપ્ત માત્રામાં પાણી પીવાનું ભૂલશો નહીં.

4 ગરમીમાં ડિહાઈડ્રેશનથી બચવા માટે લીંબુ પાણી, દહી, લસ્સી, છાસ સાથે-સાથે ફળોના જ્યૂસ પ

5. તાજા ફળો જેમ કે કાકડી, તરબૂચ, લીંબુ, નારંગીનું સેવન કરો.

6. હળવા રંગના પાતળા અને ઢીલા સુતરાઉ કપડાં પહેરો.

7. બહાર ખુલ્લા પગે જવાનું ટાળો. બહાર જતી વખતે કે ખુલ્લા તડકામાં જતી વખતે   છત્રી, ટોપી, ટુવાલ અથવા કોઈપણ વસ્તુથી તમારા માથાને ઢાંકવાનું રાખો. 

8. હીટ સ્ટ્રેસના લક્ષણો પર વિશેષ ધ્યાન આપો, જેમ કે ચક્કર, બેભાન, ઉબકા કે ઉલટી, માથાનો દુખાવો, વધુ પડતી તરસ લાગવી, એકદમ પીળો પેશાબ, પેશાબ ઓછો થવો, શ્વાસ લેવાની ગતિ અને હ્રદયમાં ધબકારા વધવા.

9. બાળકો અને પાલતુ પ્રાણીઓને કારમાં એકલા છોડવાથી બચો, કારણ કે વાહનની અંદરનું તાપમાન વધી શકે છે જેનાથી ખતરનાક સ્થિતિ ઉત્પન્ન થવાની સંભાવના વધી શકે છે.

10. તડકામાં જતા પહેલા સનસ્ક્રીનનો ઉપયોગ કરવાનું રાખો અને   નિયમિતપણે તેન લગાવતા રહો.