રાજકોટનાં મોલની આ ઘટનાં ગુજરાત સલામત હોવાની બાંગ પોકારનારાઓને અરિસો બતાવે તેવો છે. રાજકોટનાં એક મોલમાં માતા પિતા સાથે ફિલ્મ જોવા ગયેલી 13 વર્ષની કિશોરી સાથે એવું કૃત્ય કર્યું કે કિશોરીની સાથે તેનાં પરિવારજનો સહિત નજરે જોનારા તમામ ડરી ગયાં હતાં. તમામને એ વાત મનમાં ઘર કરી ગઈ છે કે ગુજરાત સલામત નથી. શું બન્યું હતું કિશોરી અને તેનાં પરિવાર સાથે...
ક્રિસ્ટલ મોલમાં 13 વર્ષની તરુણી સાથે છેડતી
20 લોકોના ટોળાંએ માતા-પિતા અને ભાઈને માર માર્યો
તરુણી પરિવાર સાથે મૂવી જોવા આવી હતી
માતા પિતાએ દીકરીને બચાવવાનો પ્રયાસ કર્યો
રાજકોટમાં સાઉથ ફિલ્મોની જેમ 20 ગુંડાઓએ કિશોરીની છેડતી કરી, ત્યારબાદ માતા-પિતા અને ભાઈને માર્યા. રાજકોટમાં અસામાજિક તત્વોનો આતંક સામે આવ્યો છે. ક્રિસ્ટલ મોલમાં 20 જેટલાં શખ્સોએ સગીરા સાથે છેડતી કરી. માતા પિતાએ પોતાની દીકરીને સલામત રાખવાનો પ્રયાસ કર્યો હતો. તેમજ તેઓએ હિંમત દાખવી આ લુખ્ખાઓનો પ્રતિકાર કર્યો હતો.
સમગ્ર ઘટનાં CCTVમાં કેદ થઈ ગઈ
આ અસામાજિક લુખ્ખાતત્વોએ મોલમાં જાહેરમાં ભરચક મોલમાં 13 વર્ષની કિશોરીની છેડતી કરી હતી. માતા પિતાએ લુખ્ખા તત્વોનો વિરોધ કરતાં 20 લુખ્ખાતત્વોનાં ટોળાએ માતા -પિતા અને ભાઈને માર માર્યો હતો. આ સમગ્ર ઘટનાં CCTVમાં કેદ થઈ ગઈ હતી. અજાણ્યા શખ્શો સામે સગીરાનાં પિતાએ ફરિયાદ નોંધાવી હતી. પોલીસે ગુનો નોંધી તપાસ હાથ ધરી છે. બીજી તરફ ક્રિસ્ટલ મોલ પાસે ચુસ્ત બંદોબસ્ત ગોઠવી દેવામાં આવ્યો છે.