ટેક્નોલોજી / અડોબી લાવી રહ્યું છે ઓટો એડિટ ટુલ્સ સાથેની કેમેરા એપ

• અડોબી લાવી રહી છે નવું ફિચર્સ
• ફોટોશોપ કેમરાની મદદથી ફોટો ઓટોમેટિક થશે એડિટ

આ એપ એવા લોકો માટે ઉપયોગી છે જેમને ફોટો એડિટિંગની એપ દ્વારા ફોટા એડિટ કરવાનું ફાવતું નથી અથવા તેવી માથાકુટ ગમતી નથી.અડોબી ફોટો એડિટિંગ સોફટવેરમાં દુનિયાભરમાં ટોચનું નામ છે. તેથી તેની કેમેરા એપ ફોટોગ્રાફીનો એકસપિરિયન્સ જબરદસ્ત બનાવશે તેમ મનાઇ રહ્યું છે. ટૂંકમાં ફોટોશોપ કેમેરા તમને શુટ,એડિટ અને શેરનો વિકલ્પ આપશે.

સેલ્ફી જેવા ફોટા માટે પાવરફુલ એડિટિંગ ટુલ્સ

અડોબી કંપનીનો દાવો છે કે આ એપથી કેમરાના ફંકશનની વધુ જાણકારી ન હોય તેવા લોકો પણ અલગ અલગ સિચ્યુએશનમાં સ્ટનિંગ ફોટા લઇ શકશે. તેમાં જોકે અડોબીની ફોટોશોપ એકસપ્રેસ,લાઇટરુમ જેવા સોફટવેર કે એપ જેવા તમામ ફિચર્સ નહીં મળે. તેમ છતાં ફોટોશોપ કેમરામાં પોટ્રેટ,લેન્ડસ્કેપ કે સેલ્ફી જેવા ફોટા માટે પાવરફુલ એડિટિંગ ટુલ્સ હશે.

ફોટો ઓટેમેટિક રીતે થશે એડિટ 

જે આર્ટિફિશિયલ ઇન્ટેલિજન્સની મદદથી આપમેળે તમારો ફોટા સૌથી બેસ્ટ બને તે રીતે એડિટ કરશે.કેમેરાએ ઓટોમેટિક એડિટ કરેલા ફોટા તમને ન ગમે તો આ કેમરા તમે પાડેલો ઓરિજનલ ફોટો પણ સેવ કરશે.ફોટોશોપ કેમેરામાં આ ઉપરાંત અન્ય એપમાં હોય તેવા અનેક ફિલ્ટર પણ હશે.