દંડ / આ સિંગરે પાકિસ્તાની નાગરિકતા સાથે ભારતમાં ખરીદેલી પ્રોપર્ટી, હવે ભરવા પડશે 50 લાખ

• સિંગર આદનાન સામી વિવાદમાં
• પાકિસ્તાની નાગરિકતા સાથે ભારતમાં ખરીદેલી પ્રોપર્ટી
• ટ્રિબ્યૂનલે ફટકારો 50 લાખ રૂપિયાનો દંડ 

વાસ્તવમાં અદનાન સામીએ જ્યારે આ પ્રોપર્ટી ખરીદી હતી, ત્યારે તેઓ પાકિસ્તાનના નાગરિક હતા અને ભારતની નાગરિકતા મળી ન હતી. આ મામલામાં પહેલા ED એ અદનાન સામીને કરોડોની પ્રોપર્તી જપ્ત કરવાનો આદેશ આપ્યો હતો, જેણે 12 સપ્ટેમ્બરે ટિબ્યૂનલ કોર્ટ ફગાવી દીધો હતો. 

શું હતો મામલો:
રિપોર્ટ અનુસાર, અદનાન સામીએ વર્ષ 2003માં મુંબઇમાં 8 ફ્લેટ્સ અને 5 પાર્કિંગ સ્પેસ ખરીદી હતી. આ સમયે તેમની પાસે પાકિસ્તાની નાગરિકતા હતી. અદનાને આ પ્રોપર્ટીને ખરીદ્યાની જાણકારી રિઝર્વ બેંકને ન હતી આપી, જે નિયમોનું ઉલ્લંઘન છે. નિયમોનુસાર, જ્યારે કોઇ બહારના દેશનો વ્યકિત હોય અને તે ભારતની પોપર્ટી લે અથવા તો કોઇ પણ પ્રકારનું રોકાણ કરે છે તેની સૂચના RBI ને આપવાની હોય છે. 

અદનાન સામી દ્વારા આ વિશે સૂચના ન આપવાની વાત ખબર પડ્યા પછી ફોરેન એક્સચેન્જ મેનેજમેન્ટ એક્ટ અંતગર્ત EDએ સિંગરને વર્ષ 2012માં 20 લાખ રૂપિયાનો દંડ ફટકાર્યો હતો અને પ્રોપર્ટી સીઝ કરી દીધી હતી. આ નિર્ણયન વિરુદ્ઘ અદનાન સામીએ ટ્રિબ્યૂનલ કોર્ટમાં અપીલ કરી, જેના પર 12 સપ્ટેમ્બરના નિર્ણય આવ્યો હતો. 

ટ્રિબ્યૂનલે પોતાના નિર્ણય વિશે કહ્યુ કે, અદનાને પ્રોપર્ટી ખરીદવા માટે વિદેશી મુદ્રાને શામેલ કરી નથી અને આ સાથ જ અદનાને પ્રોપર્ટી પર લીધેલી લોન  અને ભારતની બહાર થયેલી કમાણી અને તેના પર લાગનારા ટેક્સને પણ સિંગરે ભારતીય ચલણમાં ચૂકવણી કરી હતી. આ માટે કોર્ટે પ્રોપર્ટી જપ્ત કરવાના ED ના આદેશને ખારિજ કરી દીધી છે, પરંતુ દંડની રાશિ 20 લાખથી વધારીને 50  લાખ રૂપિયા કરી દીધી છે.

 જોકે હવે સિંગરને 50 લાખ નહી પરંતુ 40 લાખ ભરવા પડશે કેમકે 10 લાખ રૂપિયાની ચૂકવણી પહેલાથી જ કરી દીધી છે. દંડની રાશિની ચૂકવણી માટે અદનાન સામીને 3 મહિનાનો સમય આપ્યો છે.  ટ્રિબ્યૂનલના નિર્ણય પર સિંગરે ખુશી વ્યક્ત કરતા કહ્યું કે,'' તેની મહેનતથી ખરીદેલી સંપત્તિ બચી ગઇ અને  તેના માટે બહુ ખુશીની વાત છે.''

તમને જણાવી દઇએ કે, અદનાન સામી 2001માં પહેલી વખત એક વર્ષ માટે પર્યટક વીઝા પર ભારત આવ્યા હતા. આ પછી અદનાને બોલિવુડ અને ભારતીય મ્યૂઝિક ઇન્ડસ્ટ્રીમાં કામ કરીને નામના મેળવી હતી. ભારતમાં રહેતા અદનાનએ ભારતની નાગરિકતા માટે અરજી કરી, જે પછી 2015માં અદનાનને ભારતની નાગરિકતા મળી ગઇ.