વડોદારામાં એમ એસ યુનિવર્સીટીનો મોટો છબરડો સામે આવ્યો છે. જેમા યુનિવર્સિટીએ 11 વિદ્યાર્થીઓ પાસેથી ફી લીધા બાદ તેમના એડમીશન કેન્સલ કર્યા છે. જેથી વિદ્યાર્થીઓ બરોબરના રોષે ભરાયા છે.
વડોદરા MS યુનિવર્સિટીનો મોટો છબરડો
ફી લઈ લીધા બાદ વિદ્યાર્થીઓના એડમિશન રદ કર્યા
કુલ 11 વિદ્યાર્થીઓના એડમિશન થયા રદ
વડોદરામાં આવેલ એમ એસ યુનિવર્સિટીનો મોટો છબરડો બહાર આવ્યો છે. જેના કારણે વિદ્યાર્થીઓને હવે ભારે હાલાંકીનો સામનો કરવાનો વારો આવ્યો છે. યુનિવર્સિટીનો એ઼ડમિશનની પ્રક્રિયાને લઈને મોટો છબરડો બહાર આવ્યો છે.
11 વિદ્યાર્થીઓના એડમીશન રદ
સાંભળીને આપને નવાઈ લાગશે કે જે વિદ્યાર્થીઓના એડમિશન યુનિવર્સિટી દ્વારા કન્ફર્મ કરવામાં આવ્યા હતા. પરંતુ બાદમાં યુનિવર્સિટીએ વિદ્યાર્થીઓના એડમીશન રદ કરી નાખ્યા છે. જેના કારણે વિદ્યાર્થીઓની હાલત હાલમાં લટકતી તલવાર જેવી થઈ ગઈ છે. કુલ 11 વિદ્યાર્થીઓ એવા છે જેમના એડમીશનને રદ કરવામાં આવ્યા છે.
વિદ્યાર્થીઓમાં રોષનો માહોલ
આપને જણાવી દઈએ કે જે વિદ્યાર્થીઓના એડમીશન રદ થયા છે. તે વિદ્યાર્થીઓએ ફી ભરી દીધી હતી છેલ્લા 1 મહિનાથી તેઓ લેક્ચર પણ ભરતા હતા. જોકે અચાનકથી એડમીશન રદ થઈ જવાને કારણે વિદ્યાર્થીઓ હાલ મુશ્કેલીમાં મુકાઈ ગયા છે. યુનિવર્સિટીએ કરેલી ભૂલને કારણે વિદ્યાર્થીઓમાં રોષનો માહોલ જોવા મળી રહ્યો છે.
સાયન્સ ફેકલ્ટીના ડીને આપ્યું મોટું નિવેદન
ઉલ્લેખનીય છે કે સમગ્ર મામલે સાયન્સ ફેકલ્ટીના ડીને જણાવ્યું કે જવાબદાર વ્યક્તિઓએને નોટિસ ફટકારવામાં આવશે. સાથેજ તેમણે એવું પણ કહ્યું કે રહી ગયેલા તમામ વિદ્યાર્થીઓને વિકલ્પ આપવામાં આવ્યો છે. જેમા પાદરા કોલેજમાં વિદ્યાર્થીઓને એડમિશનનો વિકલ્પ અપાયો છે. જોકે યુનિવર્સિટીની ભૂલને વિદ્યાર્થીઓને હાલ ભારે હાલાંકીનો સામનો કરવો પડી રહ્યો છે.