પ્રશંસનીય કામગીરી / દિવાળીમાં અમદાવાદનું ફાયર વિભાગ રહ્યું સતત એલર્ટ મોડ પર, કુલ 177 જગ્યાએથી મળ્યા હતા આગના કોલ

• દિવાળી પર ફાયર વિભાગની પ્રશંસનીય કામગીરી
• અમદાવાદ શહેરમાં 177 સ્થળો પરથી મળ્યા હતા કોલ
• મેજર કોલમાં પાંચ કલાકમાં જ આગ પર મેળવ્યો હતો કાબુ

સમગ્ર દેશમાં દિવાળીના તહેવારમાં લોકોમાં ભારે ઉત્સાહ જોવા મળ્યો છે, સાથો સાથ દેશભરમાં આગના બનાવો પણ બનતા હોય છે અને દુર્ઘટના પણ સર્જાય છે. અમદાવાદ શહેરમાં દિવાળીના તેહવારમાં ફાયર વિભાગની પ્રશંસનીય કામગીરી સામે આવી છે. અમદાવાદ શહેરમાં ફાયર વિભાગને દિવાળીના તહેવાર પર આગની ઘટનના 177 કોલ મળ્યા હતા

ફાયર વિભાગની પ્રશંસનીય કામગીરી
જ્યારે પણ આગની દુર્ઘટના સર્જાય ત્યારે સૌ કોઈ એક બાબતે યાદ આવે અને છે ફાયર વિભાગ. તેઓ દિવાળીના તહેવાર પર રજા પર નહી જતા અને ક્યાં મોટી દુર્ઘટના ન સર્જાય અને કોઈની દિવાળી ન બગડે તેના માટે સતત પ્રયત્નશીલ રહેતા હોય છે. જેમને સૌ કોઈ નાગરિકોએ અભિનંદ પાઠવી તમની સરાહનીય કરવી જોઈએ. અમદાવાદ શહેરમાં ફાયર વિભાગને દિવાળીના તહેવાર પર 177 આગની ઘટનના કોલ મળ્યા હતા. જેમાં ફટાકડાના કારણે આગના બનાવના 93 જેટલા કોલ મળ્યા હતાં.

ફાયર વિભાગને ત્રણ મેજર કોલ મળ્યા હતાં
દિવાળીના તહેવાર પર ફાયર વિભાગને કુલ 177 સ્થળો પરથી આગની ઘટનાના કોલ મળ્યા હતાં. જેમાં ફટાકડાના કારણે 93 જગ્યા પર આગનો બનાવ બન્યા હતા. જેમાં ફાયર વિભાગના કંટ્રોલ સેન્ટરને 3 મેજર કોલ પણ મળ્યા હતા. ફાયર વિભાગે મેજર કોલ આવ્યા હતા ત્યાં ગણતરીની કલાકોમાં આગ પર કાબુ મેળવ્યો હતો. મેજર કોલમાં ફાયર વિભાગની ટીમે પાંચ કલાકની મહેનતમાં આગ પર કાબુ મેળવ્યો હતો. અમદાવાદ શહેરના કાંકરીયા, સીટીએમ અને સારંગપુર ખાતેથી મેજર કોલ આવ્યા હતાં. ઉલ્લેખનીય છે કે, સૌથી વધુ આગની ઘટનાના કોલ દિવાળી અને નવા વર્ષના દિવસે ફાયર વિભાગના કંટ્રોલ સેન્ટરને મળ્યા હતા