બાહુબલી ફેમ ડિરેક્ટર એસ.એસ.રાજામૌલીની બહુચર્ચિત ફિલ્મ 'આરઆરઆર'નું ટીઝર બે દિવસ પહેલાં જ આવ્યું છે. આ ટીઝરમાં જુનિયર એનટીઆરના પાત્રનો ખુલાસો કરવામાં આવ્યો છે. આમાં તે આદિવાસી લેજેન્ડ કુમારમ ભીમની ભૂમિકા નિભાવી રહ્યો છે. આ ટીઝરમાં તેણે કુમારમ ભીમ તરીકે સફેદ કુરતો અને મુસ્લિમ ટોપી પહેરી છે. હવે આદિવાસીઓએ આ અંગે વાંધો ઉઠાવ્યો છે.
જુનિયર એનટીઆરની ફિલ્મ 'RRR'ની મુશ્કેલી વધી
આદિવાસીઓએ વાંધો ઉઠાવ્યો છે
એનટીઆર લેજેન્ડ કુમારમ ભીમની ભૂમિકા નિભાવી રહ્યો છે
'આરઆરઆર' કુમારમ ભીમ અને અલ્લુરી સીતારામ રાજુ જેવા આદર્શ વ્યક્તિઓ પર બનાવવામાં આવ્યું છે અને તેમના સમય દરમિયાન સામાજિક-આર્થિક પરિસ્થિતિ વિશે વાત કરે છે. કુમારમને મુસ્લિમ ટોપી પહેરેલા બતાવવામાં આવ્યા હોવાથી વિરોધ અનેક આદિજાતિ જૂથોએ પણ કર્યો હતો. કરવામાં આવી રહ્યો છે. લોકો કહે છે કે કુમારમ ભીમે નિઝામની સેમાથી પાણી, જંગલ અને જમીનના અધિકારો માટે લડાઈ લડી હતી.
હવે સમસ્યા એ છે કે, સોશિયલ મીડિયા પર કુમારમ ભીમને આદિવાસીની જગ્યાએ કટ્ટર હિન્દૂ તરીકે રજૂ કરવામાં આવ્યાં છે અને અમુક લોકો દ્વારા આને સાંપ્રદાયિક વળાંક આપવામાં આવી રહ્યો છે. જોકે, કેટલાક લોકોએ ભીમના આ અવતાર પર વાંધો ઉઠાવ્યો તો કેટલાકે મહાન આદિજાતિ યોદ્ધા પરની આ ફિલ્મનું સ્વાગત કર્યું છે.
ઈતિહાસમાં નથી કોઈ મુસ્લિમ કનેક્શન
રાજામૌલીએ કુમારમ ભીમના યુદ્ધના મુદ્દાને પાણી, જંગલ અને જમીનના કેટલાક મુદ્દાઓ સાથે બતાવ્યા છે. જોકે, કુમારમ ભીમને મુસ્લિમ ટોપી પહેરેલ બતાવવામાં આવ્યો છે અને ફિલ્મમાં કયા પ્રકારના સીન સામેલ છે તે હજી સુધી જાણી શકાયું નથી. ત્યારે આદિલાબાદ જિલ્લાના આદિજાતિ યુવા પેડોર સુન્ગુએ જુનિયર એનટીઆરને ટેગ કરેલાં એક ટ્વિટમાં લખ્યું છે કે કુમારમ ભીમના ઇતિહાસમાં કોઈ 'મુસ્લિમ ભૂમિકા' નથી. સુંગુએ કુમારમ ભીમને મુસ્લિમ તરીકે બતાવતા નારાજગી વ્યક્ત કરી.