ઓટો / એલન મસ્ક અને શિવસેનાના આ નેતા એકબીજાના ભાઈબંધ છે? ભારતમાં શું છે ટેસલાનો પ્લાન?

• વિશ્વની સૌથી મોટી વાહન નિર્માતા ટેસ્લાએ કેન્દ્ર સરકારને કહી આ વાત
• ભારતમાં ઈલેક્ટ્રીક વાહનો પર લાદવામાં આવતી આયાત ડ્યુટી ઘટાડાય
• આદિત્ય ઠાકરેનું સૂચન, દેશમાં ઈલેક્ટ્રીક વાહનોની આયાત ડ્યુટી ઘટવી જોઈએ

ઈલેક્ટ્રીક વાહનોની આયાત ડ્યુટી ઘટાડવી જોઈએ 

જ્યાં ભારતમાં ઈલેક્ટ્રીક વાહનો પર લાદવામાં આવતી આયાત ડ્યુટી પર ઘટાડો કરવાની વાત ટેસ્લાએ કેન્દ્ર સરકારને કરી રહી છે. તો મસ્કને મહારાષ્ટ્રના પ્રવાસન અને પર્યાવરણ મંત્રી આદિત્ય ઠાકરેમાં એક મિત્ર દેખાઈ રહ્યો છે. આદિત્ય ઠાકરેએ નાણા પ્રધાન નિર્મલા સીતારમણને એક પત્ર લખ્યો છે, જેમાં તેમણે આગામી મહિનાની શરૂઆતમાં રજૂ થનારા આગામી યુનિયન બજેટ 2022-23 રાજ્યની આશા પર પ્રકાશ પાડ્યો છે. ઠાકરેએ સૂચન કર્યુ છે કે ભારતમાં ઈલેક્ટ્રીક વાહનોની આયાત ડ્યુટી ઘટાડવી જોઈએ. આદિત્ય ઠાકરેએ કહ્યું કે આ વિદેશી કંપનીઓને 3 વર્ષ અથવા એક નિશ્ચિત સમય સુધી રિવાયત મળવી જોઈએ. કારણકે દેશમાં ઈલેક્ટ્રીક વાહનોને પ્રોત્સાહન મળી શકે. 

પોતાના ઈલેક્ટ્રીક વાહન લોન્ચ કરવા માગે છે- ઇલોન મસ્ક

દેશમાં ટેસ્લાએ 2021માં જ ઈલેક્ટ્રીક વાહનો પર આયાત ડ્યુટીમાં ઘટાડો થતા જોયો છે. ગયા વર્ષે ઓગષ્ટમાં ઇલોન મસ્કે કહ્યું હતુ કે દેશમાં તેઓ પોતાના ઈલેક્ટ્રીક વાહનો લોન્ચ કરવા માગે છે, પરંતુ તેની આયાત ડ્યુટી વિશ્વમાં સૌથી વધુ અહીં લગાવવામાં આવે છે. જેના પર કેન્દ્ર સરકારે હજી સુધી કોઈ નિવેદન આપ્યું નથી. ભારત સરકાર પહેલા ટેસ્લાનો પ્રોડક્શન પ્લાન જાણવા માગે છે અને ત્યારબાદ આયાત ડ્યુટીમાં ઘટાડો કરી શકે છે. 

આયાત કરવામાં આવેલી કાર પર 100 ટકા કસ્ટમ ડ્યુટી 

જો કે, દેશમાં આયાત કારો પર 60-100 ટકા સુધી આયાત ડ્યુટી લેવાઈ રહી છે. 40,000 ડોલરથી મોંઘી સંપૂર્ણ રીતે આયાત કરવામાં આવેલી કાર પર 100 ટકા કસ્ટમ ડ્યુટી લેવામાં આવે છે. જેનાથી સસ્તી કાર થવાથી આ આયાત ડ્યુટી 60 ટકા થાય છે. જે હિસાબ પ્રમાણે ટેસ્લાની દરેક કારમાં ફક્ત એક મૉડલ છે, જે 60 ટકા કસ્ટમ ડ્યુટીની સાથે ભારત લાવી શકાય છે અને તેની કિંમત પણ સ્ટાન્ડર્ડ વેરિએન્ટની સરખામણીએ ઘણી વધારે હશે.