સિંગર ઉદિત નારાયણના દિકરા અને સિંગર આદિત્ય નારાયણના લગ્ન થઇ ચૂક્યા છે. જાન લઇને આદિત્ય તેની દુલ્હન શ્વેતા અગ્રવાલના ઘરે પહોંચ્યા હતા. તેનો આખો પરિવાર ખુબ જ ઉત્સાહમાં જોવા મળ્યો હતો.
આદિત્ય ક્રીમ કલરની શેરવાની, પાઘડી અને ગળામાં કુંદનની માળા પહેરીને ખુબ જ હેન્ડસમ લાગી રહ્યાં હતા. સાથે જ તેણે પીળા કલરના ગોગલ્સ પણ લગાવ્યા હતા.
કેટલીક તસવીરોમાં આદિત્ય માસ્ક પહેરેલો પણ જોવા મળ્યો હતો. ઢોલ અને નગારા વાગવા લાગ્યા ત્યારે આદિત્યએ માસ્ક ઉતારીને હાથમાં રાખી લીધુ અને નાચવા લાગ્યા હતા.
આદિત્યના પિતા ઉદીતના મોઢા પર ખુશી સાફ દેખાઇ રહી હતી. તેણે પોતાના દીકરા સાથે કદમથી કદમ મિલાવીને ડાન્સ કર્યો હતો.
લાઇટ ઓરેન્જ કલરની શેરવાનીમાં ઉદિત નારાયણ પણ ખૂબ સરસ લાગી રહ્યાં હતા. તેમના ચહેરા પર દિકરાના લગ્નની ખુશી સાફ સાફ દેખાઇ રહી હતી. આદિત્યની માતા દીપા નારાયણે પીન્ક કલરની સાડી પહેરી હતી અને સુંદર દેખાઇ રહી હતી.
આદિત્ય અને શ્વેતા ફિલ્મ શાપિતના સેટ પર મળ્યા હતા અને ત્યારથી તેમની દોસ્તીની શરૂઆત થઇ હતી. બાદમાં તેમની દોસ્તી પ્રેમમાં પરિણમી અને પ્રેમ લગ્નમાં. હવે બંનેના લગ્ન થઇ ગયા છે ત્યારે તેમના ફેન્સ ખુબ ખુશ છે.