બોલિવૂડના મશહૂર પ્લેબેક સિંગર ઉદિત નારાયણના દિકરા આદિત્ય નારાયણના લગ્ન જલ્દી જ થવાના છે. થોડા સમય પહેલા જ આદિત્યએ પોતાની દુલ્હન સાથે તસવીર શૅર કરી હતી. તેણે તસવીર શૅર કરીને જણાવ્યું હતુ કે તે શ્વેતાને ઘણા સમયથી ડેટ કરી રહ્યાં હતા.
વાયરલ થઇ રહી છે તસવીર
સોશ્યલ મિડીયા પર આદિત્યની રોકાની તસવીર ઝડપથી વાયરલ થઇ રહી છે. આ તસવીરમાં આદિત્ય તેની દુલ્હન શ્વેતા અને બંનેના પરિવાર દેખાઇ રહ્યાં છે. આદિત્ય લગ્નની તૈયારીઓમાં વ્યસ્ત હોવાને કારણે સોશ્યલ મિડીયા પરથી બ્રેક લેવાનું નક્કી કર્યુ છે. બંને તસવીરમાં રોમાન્ટિક પોઝમાં જોવા મળ્યા હતા.
આદિત્યએ આ તસવીરને શૅર કરતા લખ્યું કે, અમે લગ્ન કરવા જઇ રહ્યાં છીએ અને હું દુનિયાનો સૌથી લકી માણસ છું જેને 11 વર્ષ પહેલા શ્વેતા મળી હતી. તે મારી સોઉલ મેટ છે અને ફાઇનલી અમે ડિસેમ્બરમાં લગ્ન કરી લેવાના છીએ. સાથે જ તેણે બંનેના ફિલ્મનું ગીત કભી ના કભી મિલોગેની લાઇન પણ લખી હતી.
નેહા કક્કર સાથે અફેરની ચર્ચા
એક સિંગિંગ રિયાલીટી શૉમાં આદિત્ય અને નેહા કક્કરના અફેરની ચર્ચાઓ થઇ રહી હતી. એવી અફવા પણ આવી હતી કે જલ્દી જ નેહા આદિત્ય સાથે પરણી જશે પરંતુ તેનાથી વિપરીત જ થયુ. નેહાએ રોહનપ્રિત નામના સિંગર સાથે લગ્ન કરી લીધા. હવે આદિત્ય પણ લગ્નના બંધનમાં બંધાવા જઇ રહ્યો છે.