મિસ કેલ્ક્યુલેટ / આદિત્ય ગઢવીએ કેનેડાનો શો કર્યો રદ્દ, આયોજક પર ભડાસ કાઢી, ચાહકોની માંગી માફી, જાણો મામલો

• આદિત્ય ગઢવીનો કેનેડામાં શો રદ
• આયોજકોની અવ્યવસ્થાને કારણે આદિત્યએ શો કર્યો કેન્સલ
• વિડીયો શેર કરી ચાહકોની માંગી માફી

વિડીયો શેર કરી ચાહકોની માફી માંગી

પ્રખ્યાત ગુજરાતી સિંગર આદિત્ય ગઢવી સમગ્ર દુનિયાના ખૂણે-ખૂણે પોતાનો કાર્યક્રમ યોજે છે, ત્યારે હાલમાં જ કેનેડાના ટોરેન્ટોમાં આદિત્ય ગઢવીનો શો યોજાયો હતો. અને કાર્યક્રમના પહેલા જ દિવસે સંખ્યા કરતા ડબલ લોકોને પાસ વેચવામાં આવ્યા હતા. જેના કારણે અફરા-તફરીનો માહોલ સર્જાયો હતો. ભારે ભીડને કારણે આદિત્ય ગઢવીએ પોતાનો બીજો શો કેન્સલ કર્યો હતો અને તે અંગેની જાણકારી પોતાના ઈન્સ્ટાગ્રામ એકાઉન્ટ પર વિડીયો બનાવીને આપી હતી. સાથે જ તેમણે પોતાના ચાહકોની માફી માંગી હતી. ઉપરાંત પોતાના પહેલાં શો દરમિયાન ચાલુ કાર્યક્રમમાં જાહેરાત કરીને લોકોને રિફંડ આપવા આયોજકોને  કહ્યું હતુ.  

ઈન્સ્ટાગ્રામમાં વીડિયો પોસ્ટ કરીને આપી માહિતી

કેનેડામાં પોતાનો બીજો શો રદ કર્યાની માહિતી આદિત્ય ગઢવીએ પોતાના ઈન્સ્ટાગ્રામ એકાઉન્ટ પર વિડીયો શેર કરીને આપી હતી. વિડીયોમાં તેમણે કહ્યું 
નમસ્કાર, જય માતાજી. મિત્રો ગઈ કાલે એટલે કે 8 તારીખે ટોરેન્ટોમાં અમારું પર્ફોમન્સ હતું.  લોકોએ ખૂબ જ એન્જોય કર્યુ, અને લોકોને ખૂબ મજા પણ આવી. પણ સાથો સાથ આયોજકો અને અહીંયાની ટીમ હતી, એના મિસ કેલ્ક્યુલેશનના કારણે જે કંઈ હોય, એના કારણે ઓવર ક્રાઉડેડ થઈ ગયેલી સ્પેઈસ અને ધેર વોર અ લોટ ઓફ પીપલ કે જેને એન્ટ્રી ના મળી અને એમને પાછું જવું પડ્યું. અને બધી આ તકલીફો જે થઈ રહી હતી, એના વિશે મને બિલકુલ ખ્યાલ ન્હોતો. હું સ્ટેજ પર હતો અને મને બ્રેકમાં ખબર પડી કે તે છતાંય તે મેં લોકોની લાગણીને માન આપી અને ગઈ કાલે પર્ફોમ કર્યું. પણ આજે અગેન સેમ સિચ્યુએશન થઈ રહી છે. આયોજકોએ જે રીતના ટિકિટ વેચી છે, એ રીતના મને એવું લાગે છે કે ઇટ ઈઝ બિકમિંગ ઓવર ક્રાઉડેડ અને લોકોની એન્ટ્રી નથી થઈ રહી અને આઇ ડોન્ટ વોન્ટ કે મારા પ્રેમના કારણે તમે લોકો આવતા હોય મને સાંભળવા માટે, તમે આવતા હોય અને તમને કોઈ ઇનકન્વીન્સ થાય તમને કોઈ પણ પ્રકારની તકલીફ થાય. એટલે આજે હું એ વેન્યુ પર પર્ફોમ નથી કરવાનો. કારણ કે આઇ ડોન્ટ વોન્ટ કે ગઈ કાલે જે સિચ્યુએશન થઈ એ સેમ સિચ્યુએશન ફરીથી ઉદ્ભવે. દૂર દૂરથી લોકો આવતા હોય, એ લોકોને તકલીફ પડે. એટલે આજે હું આ મેસેજ ખાસ મૂકું છું. આઇ એમ નોટ પર્ફોર્મિંગ એટ ધ ઇન્ટરનેશનલ સેન્ટર ડ્યૂ ટુ ધિસ સિચ્યુએશન ઓર્ગેનાઈઝરની જે મિસ કેલ્ક્યુલેશન જે કંઈ ગણતરીમાં ભૂલ થઈ છે, એના કારણે તમને લોકોને તકલીફ ના પડે એટલે વી આર અવોઈડિંગ.

આ છે સમગ્ર ઘટના

કેનેડામાં ટોરેન્ટોના ઈન્ટરનેશનલ સેન્ટર ખાતે આદિત્ય ગઢવીના ગરબાનો કાર્યક્રમ રાખવામાં આવ્યો હતો. 8 ઓક્ટોબરે આદિત્યનો પહેલો શો હતો. જેમાં આયોજકોએ ક્ષમતા કરતાં બમણી સંખ્યામાં લોકોને પાસ આપ્યા હતા. જેમાં પહેલા દિવસે જ આદિત્યને અડધો કાર્યક્રમ થયો ત્યારે જાણ થઈ હતી. તેમણે આયોજકોને ટિકિટનું રિફંડ કરવા માટે ત્યારે એનાઉન્સ પણ કરી દીધું હતું. જો કે, વિદેશમાં મોટી સંખ્યામાં આદિત્યના ગરબામાં લોકો ગરબે ઘૂમવા ઉમટ્યા હતા. પરંતુ ક્ષમતાં કરતાં વધુ પાસ વેચીને આયોજકોની અવ્યવસ્થાને પગલે રસ્તા પર 3 હજાર લોકો કાર્યક્રમ સ્થળની બહાર હતા. જેથી પોલીસ પણ દોડી ગઈ હતી. જેને પગલે આવો લોકોને પરેશાની ન થાય તે માટે આદિત્યએ બીજો શો રદ કરી દીધો હતો. અને તે અંગેની જાણકારી તેમણે પોતાના સોશિયલ મિડીયા એકાઉન્ટ પર વિડીયો મૂકીને આપી છે.