ફિલ્મ રિલીઝ થવામાં માત્ર 10 દિવસ બાકી છે. આવી સ્થિતિમાં હાલ આ ફિલ્મના નિર્માતાઓએ 'આદિપુરુષ'ને સફળ બનાવવા વધુ એક જાહેરાત કરી છે.
ફિલ્મ રિલીઝના 10 દિવસ પહેલા આદિપુરુષના મેકર્સનું મોટું એલાન
સ્ક્રીનિંગ દરમિયાન બધા થિયેટરમાં એક સીટ ખાલી રાખવમાં આવશે
આ ફિલ્મ પાંચ ભાષાઓમાં રિલીઝ થશે
પ્રભાસની આગામી ફિલ્મ 'આદિપુરુષ' વર્ષ 2023ની સૌથી વધુ રાહ જોવાતી ફિલ્મોમાંથી એક છે. આ ફિલ્મ 16 જૂનના રોજ સિનેમાઘરોમાં આવવા જઈ રહી છે.એટલે કે હવે ફિલ્મ રિલીઝ થવામાં માત્ર 10 દિવસ બાકી છે. આવી સ્થિતિમાં હાલ આ ફિલ્મના નિર્માતાઓએ 'આદિપુરુષ'ને સફળ બનાવવા વધુ એક જાહેરાત કરી છે.
'આદિપુરુષ'ના સ્ક્રીનિંગ દરમિયાન એક સીટ ખાલી રાખવમાં આવશે
વાત એમ છે કે 'આદિપુરુષ' ફિલ્મના નિર્માતાએ મંગળવારે એક મોટી જાહેરાતકરી હતી કે 'આદિપુરુષ'ના સ્ક્રીનિંગ દરમિયાન દરેક થિયેટરમાં એક સીટ ખાલી રાખવામાં આવશે. એમના કહેવા મુજબ દરેક સિનેમા હોલમાં એક સીટ ભગવાન હનુમાનને સમર્પિત કરવામાં આવશે.નિર્માતાઓએ તેમના નિવેદનમાં કહ્યું, "જ્યાં પણ રામાયણનું પાઠ કરવામાં આવે છે, ત્યાં ભગવાન હનુમાનની મુલાકાત લે છે. તે અમારી માન્યતા છે. આ માન્યતાને માન આપીને, પ્રભાસની રામ-સ્ટારર આદિપુરુષના દરેક થિયેટર સ્ક્રીનીંગમાં એક સીટ ખાલી રાખવામાં આવશે અને એ સીટ ભગવાન હનુમાન માટે રિઝર્વ રહેશે."
— VTV Gujarati News and Beyond (@VtvGujarati) June 6, 2023
આ ફિલ્મ પાંચ ભાષાઓમાં રિલીઝ થશે,
ઓમ રાઉત દ્વારા નિર્દેશિત 'આદિપુરુષ' 16 જૂને સિનેમાઘરોમાં રિલીઝ થવા જઈ રહી છે.આ ફિલ્મ પાંચ ભાષાઓમાં રિલીઝ થશે - તેલુગુ, હિન્દી, તમિલ, મલયાલમ અને કન્નડ. ફિલ્મમાં પ્રભાસ પ્રભુ શ્રી રામના રોલમાં જોવા મળશે.જ્યારે કૃતિ સેનન માતા સીતા અને સૈફ અલી ખાન રાવણના રોલમાં જોવા મળશે. જણાવી દઈએ કે આ ફિલ્મને બનાવવામાં 500 કરોડથી વધુ રૂપિયાનો ઉપયોગ કરવામાં આવ્યો છે.
Team #Adipurush to dedicate one seat in every theater for Lord Hanuman 🚩🙏🏻
પહેલા ઓગસ્ટ 2022 માં રિલીઝ થવાની હતી ફિલ્મ
ફિલ્મમાં પ્રભાસનું પાત્ર ભગવાન રામથી પ્રેરિત છે અને કૃતિનું પાત્ર સીતા માતા પર આધારિત છે. સાથે જ ફિલ્મમાં સન્ની સિંહ લક્ષ્મણનો રોલ કરી રહ્યો છે. જણાવી દઈએ કે 'આદિપુરુષ' 3Dમાં બની રહી છે અને હાલ ફિલ્મ મેકર્સ VFX, સ્પેશિયલ ઇફેક્ટ્સનું કામ કરી રહ્યા હતા. નોંધનીય છે કે સૌથી પહેલા ઓગસ્ટ 2022 માં રિલીઝ કરવાના લક્ષ્ય હતો પણ ફિલ્મ સતત સ્થગિત થતી રહી એવામાં 2022માં દશેરાના અવસર પર ફિલ્મનું ટીઝર ટ્રેલર શેર કરવામાં આવ્યું હતું પણ લોકોને ફિલ્મમાં સ્પેશિયલ ઈફેક્ટનું કામ પસંદ આવ્યું નહતું અને લોકો કાર્ટૂન સાથે સરખામણી કરીને ટ્રોલ કરી રહ્યા હતા. એ સમયે ફિલ્મની રિલીઝ ડેટ 12 જાન્યુઆરી 2023 નક્કી કરવામાં આવી હતી પણ ટીઝરને નબળો પ્રતિસાદ મળ્યા બાદ મેકર્સે ફરી એકવાર ફિલ્મ મોકૂફ રાખી છે.
'આદિપુરુષ'ની રિલીઝ ડેટ હવે 16 જૂન કરવામાં આવી હતી. હવે જોવાનું રહ્યું કે ફિલ્મ પર કામ કરવા માટે જનતાને વધુ 6 મહિનાનો સમય માંગ્યા પછી મેકર્સ શું ફેરફાર કર્યા છે..