સર્વ બ્રાહ્મણ મહાસભાએ ગુરુવારે ફિલ્મ 'આદિપુરુષ'ના નિર્દેશક ઓમ રાઉતને નોટિસ મોકલીને અમુક સીન હટાવવાની અને જાહેરમાં માફી માંગવાની માંગ કરી છે.
ફિલ્મ 'આદિપુરુષ'ના નિર્દેશક ઓમ રાઉતને નોટિસ મોકલવામાં આવી
હનુમાનને મુઘલ જેવા બતાવવામાં આવ્યા છે
કયો હિંદુ મૂછો વીના દાઢી રાખે છે?
પ્રભાસની આવનારી ફિલ્મ 'આદિપુરુષ' પર વિવાદ અટકવાનું નામ નથી લઈ રહ્યો. એક તરફ લોકો ફિલ્મના ટીઝર અને VFXને લઈને ટ્રોલ કરી રહ્યા છે તો બીજી તરફ ફિલ્મમાં સૈફ અલી ખાનના લુક પર ઘણા લોકો આપત્તિ ઉઠાવી રહ્યા હતા. એવામાં હવે સર્વ બ્રાહ્મણ મહાસભાએ ગુરુવારે ફિલ્મ 'આદિપુરુષ'ના નિર્દેશક ઓમ રાઉતને નોટિસ મોકલીને 7 દિવસની અંદર ફિલ્મમાંથી અમુક સીન હટાવવાની અને જાહેરમાં માફી માંગવાની માંગ કરી છે. આ સાથે જ ધમકી આપી છે કે જો માફી ન માંગી તો તેની સામે કાયદાકીય કાર્યવાહી કરવામાં આવશે.
હનુમાનને મુઘલ જેવા બતાવવામાં આવ્યા છે
સર્વ બ્રાહ્મણ મહાસભાના અધ્યક્ષ પંડિત સુરેશ મિશ્ર તરફથી આ નોટિસ મોકલવામાં આવી છે અને તેમાં કહેવામાં આવ્યું છે કે 'ફિલ્મમાં હિંદુ દેવતાઓને ખોટી રીતે દર્શાવવામાં આવ્યા છે. ફિલ્મ 'આદિપુરુષ'માં દેવી-દેવતાઓને ચામડા પહેરેલ અને ખોટી રીતે બોલતા દર્શાવવામાં આવ્યું છે, આ સાથે જ ફિલ્મમાં દેવી-દેવતાઓ જે ભાષા બોલે છે એ ખૂબ જ નિમ્ન સ્તરની છે અને એ લોકોની ધાર્મિક લાગણીઓને ઠેસ પહોંચાડે એવી છે. રામાયણ આપણો મહાન ઇતિહાસ છે અને 'આદિપુરુષ' ફિલ્મમાં ભગવાન હનુમાનને મુઘલ તરીકે દર્શાવે છે.'
કયો હિંદુ મૂછો વીના દાઢી રાખે છે?
સર્વ બ્રાહ્મણ મહાસભાના અધ્યક્ષ પંડિત સુરેશ મિશ્ર તરફથી મોકલવામાં આવેલ નોટિસમાં આગળ કહેવામાં આવ્યું હતું કે, 'કયો હિંદુ મૂછ વિના દાઢી રાખે છે, આ ફિલ્મમાં ભગવાન હનુમાનને આવા લુકમાં દેખાડવવામાં આવ્યા છે. આ ફિલ્મમાં એવું લાગે છે રામાયણ, ભગવાન રામ, મા સીતા અને હનુમાનનું સંપૂર્ણપણે ઇસ્લામીકરણ કરવામાં આવ્યું છે. શિવ ભક્ત રાવણનો રોલ કરનાર સૈફ અલી ખાન ખિલજી જેવા દેખાય છે. આ ફિલ્મ દેશના લોકોની ધાર્મિક લાગણીઓને ઠેસ પહોંચાડી રહી છે.'
જાહેરમાં માફી માંગવી જોઈએ
આ સાથે જ એમ પણ કહ્યું છે કે 'તમને વિનંતી કરી છીએ કે લોકોની ધાર્મિક લાગણીઓ સાથે રમત ન રમો અને લોકોની લાગણીનો દુરુપયોગ ન કરો. ફિલ્મમાં જે છે એવી જ રામાયણ બતાવોહએ રામચરિતમાનસમાં કહેવામાં આવી છે.' સાથે જ સર્વ બ્રાહ્મણ મહાસભાના અધ્યક્ષ પંડિત સુરેશ મિશ્ર તરફથી મોકલવામાં આવેલ આ લીગલ નોટીસ દ્વારા 7 દિવસમાં જાહેરમાં માફી માંગવા અને વિવાદિત સીન ડીલીટ કરવાની માંગ કરવામાં આવી છે.