ક્રિકેટ / વિરાટ કોહલી પાસે એડિલેડમાં ઈતિહાસ રચવાની તક, લારા અને વિવિયન રિચર્ડ્સને પાછળ છોડી શકે

Virat Kohli: ઓસ્ટ્રેલિયા પ્રવાસમાં ટીમ ઈન્ડિયાનું અત્યાર સુધીનું પ્રદર્શન શાનદાર રહ્યું છે. ટીમ ઈન્ડિયાએ પ્રથમ મેચમાં ઓસ્ટ્રેલિયાને 295 રનથી હરાવ્યું હતું. હવે તમામની નજર એડિલેડમાં રમાનારી ડે-નાઈટ ટેસ્ટ પર છે. આ ટેસ્ટ મેચ આવતીકાલથી (6 ડિસેમ્બર)થી શરૂ થશે. ભારતને વર્ષ 2020માં અહીં ડે-નાઈટ ટેસ્ટ મેચમાં ઓસ્ટ્રેલિયા સામે હારનો સામનો કરવો પડ્યો હતો. આવી સ્થિતિમાં હવે ટીમ ઈન્ડિયા આ મેચ જીતવાનો પ્રયાસ કરશે. આ સાથે જ ટીમ ઈન્ડિયાના સ્ટાર બેટર વિરાટ કોહલીને પણ ઈતિહાસ રચવાની તક મળશે.

કોહલી પાસે ઈતિહાસ રચવાની તક

વિરાટ કોહલી એકમાત્ર એવો ભારતીય બેટર છે જેણે ડે-નાઈટ ટેસ્ટ મેચમાં સદી ફટકારી હોય. તેણે 2019માં બાંગ્લાદેશ સામે આ સિદ્ધિ મેળવી હતી. હવે તેની પાસે ડે-નાઈટ ટેસ્ટ મેચમાં વધુ એક શાનદાર સદી ફટકારવાની સુવર્ણ તક છે. તેણે પર્થ ટેસ્ટ મેચમાં પણ સદી ફટકારી હતી. આવી સ્થિતિમાં તે હવે શાનદાર ફોર્મમાં છે. જો વિરાટ કોહલી એડિલેડ ટેસ્ટ મેચમાં સદી ફટકારવામાં સફળ થાય છે, તો તે વિવિયન રિચર્ડ્સ અને બ્રાયન લારા જેવા દિગ્ગજોને પાછળ છોડી દેશે.

કોહલીએ આ મેદાન પર 509 ટેસ્ટ રન બનાવ્યા

નોંધનીય છે કે, એડિલેડ ઓવલમાં સૌથી વધુ ટેસ્ટ રન બનાવવાનો રેકોર્ડ વેસ્ટ ઈન્ડિઝના મહાન બેટર બ્રાયન લારાના નામે છે. તેણે આ મેદાન પર 610 રન બનાવ્યા છે. આ યાદીમાં તેમના પછી સર વિવિયન રિચર્ડ્સ છે. તેણે આ મેદાન પર ટેસ્ટમાં 552 રન બનાવ્યા છે. વિરાટ કોહલીએ આ મેદાન પર 509 ટેસ્ટ રન બનાવ્યા છે. આવી સ્થિતિમાં જો વિરાટ એડિલેડમાં 101 રન બનાવશે તો તે આ દિગ્ગજોને પાછળ છોડી દેશે.

એડિલેડમાં સૌથી વધુ રન બનાવનાર બેટર

વધુ વાંચો : હાર્દિક પંડ્યાની ટીમે T20 ક્રિકેટમાં વર્લ્ડ રેકોર્ડ બનાવી ઈતિહાસ રચ્યો, મેચમાં થયો ચોગ્ગા-છગ્ગાનો વરસાદ

વિરાટ આ સિદ્ધિ મેળવનાર પ્રથમ ભારતીય બની શકે

વિરાટ કોહલી પિંક બોલ ટેસ્ટમાં 300 રન બનાવનાર પ્રથમ ભારતીય બેટર બનવાની ખૂબ નજીક છે. જો તે એડિલેડમાં આ 23 રન બનાવશે તો તે આ સિદ્ધિ મેળવનાર પ્રથમ ભારતીય બની જશે.

પિંક બોલ ટેસ્ટમાં સૌથી વધુ રન બનાવનાર ભારતીય બેટર (ડે-નાઈટ ટેસ્ટ)

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ