PM મોદીએ સાણંદ અને ધોલેરા પંથકમાં જમીનોના ભાવ વધવાને લઈને આપ્યું મોટું નિવેદન, કહ્યું ખેડૂતો ચાર બંગડી વાળી ગાડી લઈ આવ્યા
આ ગુજરાતનો ગોલ્ડન કાળ છે, એના માટે આપણે કામ કરવાનું છે: બાવળામાં PM મોદીનો હુંકાર
20-22 વર્ષ પહેલા કલ્પના કરી નહોતી તે કામ થઈ રહ્યું છે: PM મોદી
ખેડૂતો કોથળામાં રૂપિયા ભરીને ચાર બંગડીવાળી ગાડી લાવ્યા: PM મોદી
આજે PM મોદીએ પાલનપુર, મોડાસા, દહેગામ અને બાવળા એમ ચાર સ્થળોએ જનમેદનીને સંબોધી હતી. જેમાં બાવળા ખાતેની સભામાં સાણંદ અને ધોલેરા પંથકમાં જમીનોના ભાવ વધવાને લઈને આપ્યું મોટું નિવેદન આપતા કહ્યું હતું કે મને યાદ છે સાણંદમાં ઉદ્યોગ જગતના વિકાસની શરૂઆત અમે કરતાં હતા ત્યારે કેટલાય લોકો આંદોલનો કરતાં હતા કે જમીનો જતી રહેશે. પણ ખેડૂતો નોટો ગણવાનું મશીન લઈ આવ્યા હતા અને કહેતા કે ચાર બંગડી વાળી ગાડી લેવા જવું છે
ગુજરાતમાં 400 રાઇસ મિલોમાંથી 100 તો એકલા બાવળામાં છે
બાવળામાં મોદીએ જંગી જનમેદનીને સંબોધતા જણાવ્યું હતું કે, ગુજરાતના વિકાસની વાત કરતા મોદીએ જણાવ્યું કે ગુજરાતમાં 400 રાઇસ મિલો છે, જેમાં 100 તો એકલા બાવળામાં છે. વધુમાં આયુષમાન કાર્ડ અને ઉજ્જ્વલા યોજનાના લાભ અંગે જણાવ્યુ હતું. વધુમાં પ્રધાનમંત્રી આવાસ યોજનાને લઇને ગરીબોને ઘર મળ્યું અને તેની સાથે સંકળાયેલ ધંધામાં પણ તેજી આવી છે. બીજી બાજુ ગામડાઑનોવ વિકાસ થાય અને આધુનિક બને તે માટે પ્રયાસો ચાલીરહ્યા છે. આજે મધ્યમ વર્ગ પરિવારના છોકરાઓ પણ અંગેજીમાં ભણી રહ્યા છે જેથી ગામડાની તાકાત વધી. કિસાન સહાય યોજનાને લઇને પૈસા ખેડૂતોના ખિસ્સામાં ગયા હોવાથી પાણી, બિયારણ, દવા સમયસર મેળવવામાં મદદરુપ થાય છે.
1975માં લોથલને ધમધમતું કરવાનું સપનું જોયુ હતું : વડાપ્રધાન
નર્મદાનું પાણી સેંકડો ગામમાં પહોંચાડી તળાવો ભરવામાં આવે છે. જેને લઇને સિંચાઇથી ધાનની ખેતી દોઢ ગણી વધી ગઈ છે.વધુમાં સ્ટેચ્યૂ ઑફ યુનિટીનું જેટલુ મહત્વ છે તેટલુ જ લોથલમાં મેરીટાઇ મ્યુઝિયમ બનાવી મહત્વ ઊભુ કરવાની ખાતરી આપી હતી. વિશ્વ ભરના લોકો લોથલ આવે તેવી સ્થિતિ નિર્માણ કરવાની વાત કરી હતી. 1975માં લોથલને ધમધમતું કરવાનું સપનું જોયુ હોવાની પણ વડાપ્રધાને વાત કરી હતી.