તમારા કામનું / આ 7 સુપર ફૂડ્સમાં ભરપૂર હોય છે પ્રોટીન, ડાયેટમાં શામેલ કરવાથી સ્વાસ્થ્યને મળશે ગજબ ફાયદા

• પ્રોટીન શરીર માટે જરૂર પોષક તત્વ
• આ 7 સુપર ફૂડ્સને ડાયેટમાં કરો શામેલ 
• શાકાહારી માટે સૌથી બેસ્ટ ઓપ્શન્સ 

પ્રોટીન એ શરીર માટે જરૂર પોષક તત્વ છે. પ્રોટીન શરીરના મોટાભાગના કોષોમાં હાજર હોય છે. ત્વચા, લોહી, હાડકાં અને સ્નાયુના વિકાસ માટે પ્રોટીન જરૂરી છે. પ્રોટીનથી ભરપૂર શાકભાજી શરીર માટે ફાયદાકારક છે. પ્રોટીન માટે તમે ભોજનમાં ઘણા પ્રકારના શાકભાજીનો સમાવેશ કરી શકો છો. તેમાં લીલા પાંદડાવાળા શાકભાજીનો પણ સમાવેશ થાય છે. 

પાલક
પાલક પોષક તત્વોથી ભરપૂર હોય છે. તેમાં પ્રોટીન હોય છે. લીલા પાંદડાવાળા શાકભાજીમાં પાલક શ્રેષ્ઠ શાકભાજી છે. આ સ્વાસ્થ્ય માટે ખૂબ જ ફાયદાકારક છે.

બ્રોકોલી
બ્રોકોલી એ બહુ લોકપ્રિય શાકભાજી નથી. પરંતુ બ્રોકોલી ખાવાથી સારી માત્રામાં પ્રોટીન મળે છે. તમે તેનું સેવન ઘણી રીતે કરી શકો છો. તમે બ્રોકોલીનું સેવન સલાડના રૂપમાં પણ કરી શકો છો.

કોબી
મોટાભાગના લોકો કોબીને સલાડ તરીકે ખાય છે. તે પ્રોટીનનો ઉત્તમ સ્ત્રોત છે. 100 ગ્રામ તાજી કોબીમાં લગભગ 1 થી 2 ગ્રામ પ્રોટીન હોય છે. પ્રોટીનની ઉણપને પૂરી કરવાની સાથે કોબી પાચન અને હૃદય માટે પણ સારું છે.

મશરૂમ્સ
પ્રોટીન મેળવવા માટે તમે મશરૂમનું સેવન પણ કરી શકો છો. મશરૂમ્સ ઠંડક આપે છે. તેનાથી શરીરની ગરમી દૂર થાય છે. મશરૂમમાં સારી માત્રામાં પ્રોટીન હોય છે.

બટાકા
બટાકાનો ઉપયોગ લગભગ દરેક શાકભાજીમાં થાય છે. બટાટા પણ પ્રોટીનનો સારો સ્ત્રોત છે. બટાકાનું શાક અને બાફેલા બટાકા ખાવાથી શરીરને પ્રોટીન સરળતાથી મળી રહે છે.

લીલા વટાણા
બટાકાની જેમ, વટાણા પણ મોટાભાગની શાકભાજી અને પુલાવમાં નાખી શકાય છે. લીલા વટાણામાં સારા પ્રમાણમાં પ્રોટીન જોવા મળે છે. તેમાં પુષ્કળ પ્રમાણમાં એન્ટી-ઓક્સીડેન્ટ ગુણ હોય છે. તેઓ અલ્ઝાઈમર, ડાયાબિટીસ અને કેન્સર જેવા રોગોને દૂર રાખવામાં મદદરૂપ છે.

સોયાબીન
સોયાબીનને પ્રોટીનનો શ્રેષ્ઠ સ્ત્રોત માનવામાં આવે છે. લીલી સોયાબીન પ્રોટીનની ઉણપને સરળતાથી પૂરી કરે છે. આ સિવાય સોયાબીનનું દૂધ, ટોફુ, સોયા સોસ અને સોયાબીનની પેસ્ટ પણ પોષક તત્વોથી ભરપૂર હોય છે.