ઠંડીની સિઝન અનેક તકલીફો લઇને આવે છે, તેમાં એક તકલીફ વિન્ટર બ્લિઝ કે વિન્ટર ડિપ્રેશન પણ છે. વિન્ટર ડિપ્રેશનના કારણે લોકોમાં નિરાશા, એકાકીપણું, ચીડયાપણું, નબળાઇ અને નકારાત્મક ભાવનાઓ આવવા લાગે છે. લોકો તેને મામૂલી સમજીને ઇગ્નોર કરે છે, પરંતુ તે ડિપ્રેશન કે એન્ગ્ઝાઇટીનું રૂપ લઇ શકે છે. આવા સંજોગોમાં કેટલાંક સુપર ફૂડ છે, જે તમને વિન્ટર ડિપ્રેશનથી દૂર રાખે છે.
વિન્ટર ડિપ્રેશનથી બચો
ડાયેટમાં કરી દો કેટલાક ફેરફાર
એવોકાડો વિન્ટર ડિપ્રેશનમાં લાભદાયી
એવોકાડો
એવોકાડોમાં રહેલાં ફાઇબર, વિટામિન બી-૬, બી-૫, સી અને ઇ મૂડને બહેતર બનાવે છે, સાથે-સાથે ન્યુરોટ્રાન્સમીટરને સિન્થેસાઇઝ્ડ અને ઇડરનેલ ગ્લેન્ડને સપોર્ટ કરે છે. તેને ખાવાથી મૂડ સારો રહે છે અને તમે ઠંડીની સિઝનમાં ડિપ્રેશનથી બચી શકો છો.
ગોળની ચીકી
ગોળની ચીકીમાં મોનોઅનસેચ્યુરેટેડ ફેટી એસિડ હોય છે, જે હોર્મોન્સને બેલેન્સ રાખે છે અને એકાગ્રતા વધારે છે, સાથે દિલને પણ સ્વસ્થ રાખે છે.
સૂકો મેવો
રોજ મુઠ્ઠી ભરીને સૂકો મેવો ખાવાથી માત્ર ડિપ્રેશન નહીં, પરંતુ કેટલાક હેલ્થ પ્રોબ્લેમ પણ દૂર થાય છે. ઠંડીની સિઝનમાં તેનું સેવન ફાયદાકારક છે, કેમ કે તેનાથી શરીર અંદરથી ગરમ રહે છે.
તલના લાડુ
શિયાળામાં લોકો તલના લાડુ, તલની ચીકી બનાવીને ખાય છે, કેમ કે તે એક નેચરલ એનર્જી બૂસ્ટર પણ છે, જે ડિપ્રેશનથી બચાવે છે. તેની તાસીર ગરમ હોવાના કારણે ઠંડીમાં તેનું સેવન વધુ ફાયદાકારક છે.
બ્લેક કોફી
બ્લેક કોફી પીવાથી મગજમાં હેપી હોર્મોન્સ િરલીઝ થાય છે, જે બ્રેઇનને રિલેક્સ કરે છે, તેનાથી તમે સારું મહેસૂસ કરો છો. ડિપ્રેશન, એન્ગ્ઝાઇટી, તણાવ અને ચિંતાથી બચી શકાય છે.
તડકામાં રહો
વિન્ટર બ્લિઝથી બચવા માટે રોજ પાંચ મિનિટ તડકો લો. ૩૦ મિનિટ યોગ, બ્રિથિંગ એક્સર્સાઇઝ કરો. આ ઉપરાંત પોતાને કોઇ ને કોઇ કામમાં વ્યસ્ત રાખવાની કોશિશ કરો.