આઠ દિવસમાં ત્રીજી વાર રાહુલ ગાંધી કોર્ટના દ્વારે છે. મુંબઇ મુંબઈ અને પટનાની કોર્ટ બાદ રાહુલ ગાંધી ADC બેંક માનહાનિ કેસમાં અમદાવાદની મેટ્રો કોર્ટમાં હાજર રહ્યા હતા. અગાઉ બે કેસમાં પટના સિવિલ કોર્ટે અને મુંબઇની શિવડી કોર્ટે રાહુલ ગાંધીને જામીન આપી દિધા છે. 6 જુલાઇએ રાહુલ ગાંધી પટના સિવિલ કોર્ટમાં હાજર થયા હતા. જ્યારે 4 જુઆઇએ મુંબઇની કોર્ટમાં હાજર રહ્યા હતા. ત્યારે હાલ અમદાવાદ કોર્ટમાં સુનાવણી થઇ હતી.
કોંગ્રેસના નેતા રાહુલ ગાંધી આજે અમદાવાદ પહોંચ્યા હતા. ADC બેંકના ચેરમેને કરેલા માનહાનિના કેસ મામલે રાહુલ ગાંધીએ કોર્ટમાં હાજરી આપી હતી. નોટબંધી મામલે ADC બેંક પર રાહુલ ગાંધીએ ટિપ્પણી કરી હતી. જેથી બેંકના ચેરમેને રાહુલ ગાંધી પર માનહાનિનો દાવો કર્યો હતો. ગત મુદતમાં રાહુલ ગાંધી હાજર ન થતા મેટ્રો કોર્ટે સમન્સ જાહેર કર્યુ હતું. ત્યારબાદ આજે રાહુલ ગાંધી અમદાવાદની મેટ્રો કોર્ટમાં હાજર રહ્યા હતા.
રાહુલ ગાંધીના કેસમાં જજ બદલાયા
માનહાનિના કેસનો મામલે રાહુલ ગાંધીના કેસમાં જજ બદલાયા છે. મેટ્રોપોલિટન મેજિ. એમ.બી.મુનશીની કોર્ટમાં સુનાવણી ચાલી હતી. અગાઉ મેજિસ્ટ્રેટ જે.એસ. ગઢવીની કોર્ટમાં કેસ હતો.
રાહુલ ગાંધીના જામીન મંજૂર
રાહુલ ગાંધીએ જામીન માટે અરજી કરી હતી. ADC બેંકના માનહાનિ કેસમાં રાહુલ ગાંધીના જામીન મંજૂર થયા છે. 15 હજારના ખાનગી બોન્ડ પર રાહલુ ગાંધીના જામીન કોર્ટે મંજૂર કર્યા છે. અમિત ચાવડા જામીનદાર બન્યા છે. વધુ સુનાવણી 7 સપ્ટેમ્બરે હાથ ધરાશે.
મેટ્રો કોર્ટના જજના સવાલ
કોર્ટે રાહુલ ગાંધીને પુછ્યું, ગુનો કબુલ છે?
તમને કેસને લગતા દસ્તાવેજો મળ્યા છે?
તમામે જામીન અરજી કરવી પડશે
રાહુલના જવાબ
હું દોષી નથી
મને ગુનો કબુલ નથી
મારા પર જે આરોપો લાગ્યા છે એમાં હું નિર્દોષ છું
મારી પર જે આરોપ લાગ્યા છે તે ખોટા છે
મેટ્રો કોર્ટના જજના સવાલ
ક્રિમિનલ કેસ હોવાથી તમારે જામીન માટે અપીલ કરવી પડશે
રાહુલના જવાબ
મેટ્રો કોર્ટ સમક્ષ જામીન અરજી મંજૂર રાખવા અપીલ
રાહુલ ગાંધીના વકીલની દલીલ
રાહુલ ગાંધીના વકીલે જજ સમક્ષ કાયદાની જોગવાઇઓ રજૂ કરી
15 હજારના ખાનગી બોન્ડ પર રાહુલ ગાંધીના જામીન મંજૂર
ADC બેંક માનહાનિ કેસમાં રાહુલ ગાંધીના જામીન મંજૂર
અમિત ચાવડાને જામીનદાર તરીકે સ્વીકારો
ફરીયાદીના વકીલની દલીલ
એસ.વી. રાજુએ કહ્યું રાહુલ ગાંધી સામે ક્રિમિનલ કેસ છે
રાહુલને જામીન લીધા સિવાય છોડી ન શકાય
આ કેસમાં 2 સાક્ષીની જુબાની થઇ છે
જયદીપ શાહ અને શૈલેષ પંચાલની થઇ છે જુબાની
જામીન માટે કોર્ટમાં અપીલ કરવી પડે
મેટ્રો કોર્ટમાં રાહુલ ગાંધીની જુબાની પૂર્ણ થઇ હતી. રાહુલ ગાંધી કોર્ટ રૂમની બહાર નીકળ્યા હતા. કોર્ટ રૂમની બહાર પરેશ ધાનાણી, અમિત ચાવડા, શક્તિસિંહ ગોહિલ, અર્જૂન મોઢવાડિયા, રાજીવ સાતવ સહિતના નેતા હાજર રહ્યા હતા.
સર્કિટ હાઉસમાં કોંગ્રેસના નેતાઓ સાથે કરશે બેઠક
રાહુલ ગાંધી કોર્ટમાં હાજરી આપ્યા બાદ સર્કિટ હાઉસ પરત ફરશે. રાહુલ ગાંધી સર્કિટ હાઉસમાં 30 મિનિટ રોકાણ કરશે. જ્યાં તેઓ કોંગ્રેસ નેતાઓ સાથે બેઠક કરશે. રાહુલ ગાંધી સાંજે કોંગ્રેસના ધારાસભ્યો અને નેતાઓ સાથે પણ બેઠક કરવાના છે.
લો-ગાર્ડન પાસે આવેલ સ્વાતિ હોટલમાં કર્યુ ભોજન
રાહુલ ગાંધીએ ગાંધીનગરના સર્કિટ હાઉસમાં નેતાઓ સાથે મુલાકાત કરી હતી. ત્યાર બાદ તેઓ અમદાવાદના લો ગાર્ડન પાસે આવેલી સ્વાતિ હોટલમાં જમવા માટે પહોંચ્યા હતા. કોંગ્રેસના નેતા અને સ્થાનિક લોકોને વચ્ચે રાહુલ ગાંધીએ સ્વાતિ હોટલમાં ભોજન માણ્યુ હતું. રાહુલ ગાંધીએ સ્વાતિ હોટલમાં ગુજરાતી ભોજન માણ્યું હતું.
રાહુલ ગાંધીના વકીલની પ્રતિક્રિયા
ADC બેકના ચેરમેને કરેલા માનહાનિના કેસમાં રાહુલ ગાંધી આજે અમદાવાદ મેટ્રોપોલિયન કોર્ટમાં હાજરી આપવા માટે આવ્યા હતા. આ મામલે રાહુલ ગાંધીના વકીલ ઈકબાલ શેખે પ્રતિક્રિયા આપી હતી કે, ગત મુદત પર રાહુલ ગાંધીને હાજર થવાનું હતું. પરંતુ તેઓ હાજર રહી શક્યા ન હતા. જેને લઈને આજે રાહુલ ગાંધી કોર્ટમાં હાજર થવા પહોંચ્યા.