આ શેરે તેના રોકાણકારોને તેના 52 અઠવાડિયાના નીચલા સ્તરેથી 100% કરતા વધુ વળતર આપ્યું છે, છેલ્લા કેટલાક દિવસોથી 5%ની અપર સર્કિટ લગાવી રહ્યો છે
અદાણી ગ્રીન સ્ટોક્સ ઘણા દિવસોથી અપર સર્કિટ લગાવી રહ્યો છે
દિવસના અંતે આ શેર 1,031.45 પર બંધ થયો
આજે આ શેર રૂ. 1,024.00 ની આસપાસ ખૂલ્યો હતો
અદાણી ગ્રુપના શેર અદાણી ગ્રીન એનર્જીના(Adani Green Energy) રોકાણકારો માટે જાણે સારા દિવસો પાછા ફર્યા છે. હાલ અદાણી ગ્રીનના શેરમાં ઘણી તેજી જોવા મળી છે. સાથે જ આ સ્ટૉકમાં ઝડપી રિકવરી પણ થઈ રહી છે. નોંધનીય છે કે અદાણી ગ્રીન સ્ટોક્સ સતત છેલ્લા કેટલાક દિવસોથી 5%ની અપર સર્કિટ લગાવી રહ્યો છે જેના કારણે આ શેર રોકાણકારોને બમ્પર વળતર આપી રહ્યો છે.
જણાવી દઈએ કે આજે આ શેર રૂ. 1,024.00 ની આસપાસ ખૂલ્યો હતો. તે 45.55 પોઈન્ટ એટલે કે 4.64%ના જબરદસ્ત વધારા સાથે બપોરે 1:50 વાગ્યે 1,027.90 પર ટ્રેડ થઈ રહ્યો હતો. દિવસના અંતે આ શેર 1,031.45 પર બંધ થયો છે. છેલ્લા ટ્રેડિંગ દિવસે એટલે કે 23 માર્ચ, 2023ના રોજ, અદાણી ગ્રીન શેરનો ભાવ રૂ. 982 ની નજીક ખૂલ્યો હતો અને તેના અગાઉના બંધ ભાવ એટલે કે 935.60 ની સરખામણીમાં 5% એટલે કે 46.75 પોઈન્ટના વધારા સાથે 982.35 ની નજીક બંધ થયો હતો.
આ શેરે તેના રોકાણકારોને તેના 52 અઠવાડિયાના નીચલા સ્તરેથી 100% કરતા વધુ વળતર આપ્યું છે. આ વળતરને કારણે અદાણી ગ્રીને તેના રોકાણકારોને માલામાલ બનાવ્યા છે. આ સ્ટૉકની 52 સપ્તાહની નીચી સપાટી 439.35 રૂપિયા હતી અને ગયા મહિને 28 ફેબ્રુઆરીએ શેર રૂ. 439.35ની 52 સપ્તાહની નીચી સપાટીએ પહોંચ્યો હતો. જો આપણે ગઈકાલના બંધ ભાવ વિશે વાત કરીએ તો આ શેરે 123% થી વધુ વળતર આપ્યું છે.
જો કે હાલ આ શેર તેની ઉચ્ચ સપાટી એટલે કે ઓલ્ ટાઈમ હાઇ 3048 રૂપિયાથી ઘણું નીચે છે પણ જો માર્કેટ કેપની વાત કરી તો અદાણી ગ્રીનની માર્કેટ કેપ વધીને 1.62 લાખ કરોડ થઈ ગઈ છે.