ગજબ / અદાણીની આ કંપનીએ શેરધારકોને કર્યા માલામાલ, આખા એશિયાનો સૌથી શાનદાર IPO રહ્યો

• એશિયાના ટોપ 5 IPOમાં ફક્ત એક ભારતીય 
• માર્કેટને પછાડી રહી અદાણીની ઘણી કંપનીઓ 
• જાણો ડિટેલ્સ 

ગૌતમ અદાણીનો ડંકો હાલ ફક્ત નેટવર્થના મામલામાં જ નહીં પરંતુ શેર બજારમાં પણ વાગી રહ્યો છે. હાલમાં જ શેર માર્કેટમાં લિસ્ટ થયેલી કંપની અદાણી વિલ્મરે પર્ફોર્મન્સના મામલામાં એક નવો રેકોર્ડ બનાવ્યો છે. તેના ભાગમાં એશિયાના સૌથી સારા આઈપીઓનું કિર્તિમાન જોડાઈ ગયું છે. 

હવે બીજી તરફ હાલમાં બજારમાં ઉતરતી મોટાભાગની કંપનીઓના શેરના ભાવ ઈશ્યુ પ્રાઈઝથી ઘટેલા છે. અદાણી વિલ્મરના શેરના ભાવ અત્યાર સુધી ઈશ્યુ પ્રાઈઝ કરતા ત્રણ ગણો થઈ ચુક્યો છે. 

2022માં અત્યાર સુધી આવ્યા આટલા આઈપીઓ 
અદાણી વિલ્મર એક સંયુક્ત ઉપક્રમ છે. જેમાં એશિયાના સૌથી અમીર વ્યક્તિ ગૌતમ અદાણી ઉપરાંત સિંગાપુરની વિલ્મર ઈન્ટરનેશલ લિમિટેડની પણ ભાગીદારી છે. એક રિપોર્ટ અનુસાર એશિયામાં આ વર્ષે અત્યાર સુધી 100 મિલિયન ડોલરથી પણ વધારે ટોટલ વેલ્યુના 122 આઈપીઓ આવી ચુક્યા છે. તેમાંથી અદાણી વિલ્મરે દરેક અન્ય 121 આઈપીઓને પરફોર્મન્સના મામલામાં પાછળ છોડી દીધા છે અને આ ઈશ્યુ આ વર્ષે એશિયાના સૌથી શાનદાર આઈપીઓ બની ગયા છે. 

નુકસાનમાં છે લગભગ આટલા શેર 
રિપોર્ટ્સ અનુસાર આ વર્ષે અત્યાર સુધી જે 121 આઈપીઓ આવ્યા છે. તેમાંથી લગભગ બે-તૃત્યાંશના શેરના ભાવ લાલ નિશાન પર છે. દુનિયાભરમાં રેકોર્ડ મોંઘવારીના કારણે વધી રહેલા વ્યાજદર અને રશિયા યુક્રેનની વચ્ચે ત્રણ મહિનાથી પણ વધારે સમયથી ચાલી રહેલા યુદ્ધના કારણે હાલમાં બજારમાં ઉતરતી કંપનીઓને મોટુ નુકસાન થયું છે. તે ઉપરાંત ચીનમાં મહામારીની નવી લહેરના કારણે પણ શેર બજારની સ્થિતિ ખરાબ છે. 

અદાણી વિલ્મરે આપ્યું આવું રિટર્ન 
એક રિપોર્ટ અનુસાર અદાણી વિલ્મર આઈપીઓ બાદ અત્યાર સુધી લગભગ 200 ટકા રિટર્ન આપ્યું છે અને પહેલા સ્થાને છે. આ વચ્ચે ચીનની કંપની Jinko Solarનું સ્થાન છે. જેણે આઈપીઓ બાદ અત્યાર સુધી લગભગ 170 ટકા રિટર્ન આપ્યું છે. ત્રીજા નંબર પર ચીનની ફૂઝિઆન ટેન્ડરિંગ કંપની છે. જેના આઈપીઓને લગભગ 130 ટકા રિટર્ન આપવામાં આવ્યું છે. ચોથા અને પાંચમાં સ્થાન પર પણ ચીનની કંપનીઓ છે. પાયોટેક અને જિયાંગ્શી સનશાઈને 90થી 100 ટકા રિટર્ન આપ્યું છે અને ક્રમશઃ ચોથા અને પાંચમાં સ્થાને છે.