નિવેદન / અદાણીએ કહ્યું, 'રાહુલ ગાંધીના નિવેદનો માત્ર પોલિટિકલ-હું કરું છું સન્માન, અંબાણી મારા સારા મિત્ર'

• વિશ્વના ત્રીજા ક્રમના સૌથી ધનિક વ્યક્તિ ગૌતમ અદાણીનું નિવેદન 
• અમારો ઉદ્દેશ્ય દરેક રાજ્યમાં મહત્તમ રોકાણ કરવાનો: ગૌતમ અદાણી 
• PM મોદી સાથેના નજીકના સંબંધો હોવાના આક્ષેપો પાયાવિહોણા: અદાણી 
• અમારો ઉદ્દેશ્ય દરેક રાજ્યમાં મહત્તમ રોકાણ કરવાનો: ગૌતમ અદાણી 
• રાહુલની નીતિઓ પણ વિકાસ વિરોધી નથી: ગૌતમ અદાણી 

ગૌતમ અદાણી આ નામથી ભાગ્યે જ કોઈ અજાણ હશે. વિશ્વના ત્રીજા ક્રમના સૌથી ધનિક વ્યક્તિ ગૌતમ અદાણીએ એક હિન્દી ચેનલ ને આપેલ ઇન્ટરવ્યુંમાં દીલ ખોલી વાત કરી હતી. એક એક્સક્લુઝિવ ઈન્ટરવ્યુમાં જણાવ્યું હતું કે, તેમના બિઝનેસના વિકાસ પાછળ વડાપ્રધાન નરેન્દ્ર મોદી સાથેના તેમના નજીકના સંબંધો હોવાના આક્ષેપો પાયાવિહોણા છે. કારણ કે તેઓ ઘણા વિપક્ષ શાસિત રાજ્યોમાં પણ કામ કરી રહ્યા છે. આ સાથે તેમણે કહ્યું કે, અદાણી ગ્રુપમાં રોકાણ કરાયેલા કોઈના પૈસા અસુરક્ષિત નથી, કારણ કે અમારી કુલ સંપત્તિ અમારી  કુલ લોન કરતાં ત્રણથી ચાર ગણી વધારે છે. 

અમારો ઉદ્દેશ્ય દરેક રાજ્યમાં મહત્તમ રોકાણ કરવાનો: ગૌતમ અદાણી 
બિઝનેસમેન ગૌતમ અદાણીએ જણાવ્યું હતું કે, અમારો ઉદ્દેશ્ય દરેક રાજ્યમાં જ્યાં પણ શક્ય હોય ત્યાં મહત્તમ રોકાણ કરવાનો રહેશે. અદાણી જૂથ ખુશ છે કે, આજે અમે 22 રાજ્યોમાં કામ કરી રહ્યા છીએ અને તમામ રાજ્યો ભાજપની સરકાર હેઠળ છે. આ સાથે કહ્યું હતું કે, અમે ડાબેરીઓ સાથે પણ કામ કરી રહ્યા છીએ. કેરળમાં મોરચાની સરકાર, અમે બંગાળમાં મમતા દીદી સાથે પણ કામ કરી રહ્યા છીએ, અમે નવીન પટનાયક જી, જગનમોહન રેડ્ડી, કેસીઆર સાથે પણ કામ કરી રહ્યા છીએ. દરેક જણ જ્યાં પ્રાદેશિક પક્ષોની સરકારો છે ત્યાં કામ ક રીરહ્યા છીએ. હું કહી શકું છું કે, અમને આમાંની કોઈપણ સરકારો સાથે કોઈ સમસ્યાનો સામનો કરવો પડ્યો નથી.

તમે મોદીજી પાસેથી કોઈ અંગત મદદ ન લઈ શકો..... 
ગૌતમ અદાણીએ કહ્યું કે, હું કહેવા માંગુ છું કે, તમે મોદીજી પાસેથી કોઈ અંગત મદદ ન લઈ શકો... તમે તેમની સાથે નીતિ વિશે વાત કરી શકો છો, તમે દેશના હિતમાં ચર્ચા કરી શકો છો, પરંતુ જે નીતિ બને છે તે દરેક માટે હોય છે, એવું નથી. એકલા અદાણી ગ્રુપ માટે બનાને. 
 
અમારી નેટવર્થ અમારા દેવા કરતા 3 થી 4 ગણી: અદાણી  
ઉદ્યોગપતિ ગૌતમ અદાણીએ એમ પણ કહ્યું કે, તેમના મલ્ટી-બિલિયન બિઝનેસ ગ્રૂપને પ્રમોટ કરવા વિશે ગેરસમજ છે, જે બેંકોની બચત અને સામાન્ય માણસને જોખમમાં મૂકી શકે છે. તેમણે કહ્યું, છેલ્લા 7-8 વર્ષોમાં અમારું દેવું 11 ટકા વધ્યું છે અને અમારી આવકમાં 24 ટકાનો વધારો થયો છે. આજે અમારી નેટવર્થ અમારા દેવા કરતા 3 થી 4 ગણી છે. 

રાહુલની નીતિઓ પણ વિકાસ વિરોધી નથી: ગૌતમ અદાણી 
ગૌતમ અદાણીએ જણાવ્યું હતું કેમ તેઓ માને છે કે વિપક્ષી નેતા રાહુલ ગાંધી દ્વારા તેમની સામે ક્રોની કેપિટલિઝમના વારંવારના આક્ષેપો રાજનીતિની મોડસ ઓપરેન્ડીનો એક ભાગ છે. કોંગ્રેસ સત્તામાં ક્યાં છે તેનું ઉદાહરણ આપ્યું. કોંગ્રેસ શાસિત રાજસ્થાનમાં થયેલા રૂ. 68,000 કરોડના રોકાણનો ઉલ્લેખ કરતાં તેમણે કહ્યું કે, રોકાણ એ અમારો સામાન્ય વ્યવસાય છે. હું રાજસ્થાનના મુખ્યમંત્રી અશોક ગેહલોતના આમંત્રણ પર રોકાણકારોની સમિટ માટે પણ ત્યાં ગયો હતો. બાદમાં રાહુલ (ગાંધી) જીએ પણ રાજસ્થાનમાં અમારા રોકાણની પ્રશંસા કરી. હું જાણું છું કે, રાહુલની નીતિઓ પણ વિકાસ વિરોધી નથી.

વડાપ્રધાન નરેન્દ્ર મોદી સાથેના તેમના સંબંધોને લઈ શું કહ્યું ? 
ગૌતમ અદાણીના જણાવ્યા અનુસાર વડાપ્રધાન નરેન્દ્ર મોદી સાથેના તેમના સંબંધો પર સવાલ ઉઠાવનારા ટીકાકારો ભૂલી જાય છે કે, તેમની સફર લગભગ ચાર દાયકા પહેલા શરૂ થઈ હતી, જ્યારે દેશમાં કોંગ્રેસનું શાસન હતું.

મને મારા જીવનમાં ત્રણ મોટા બ્રેક મળ્યા: અદાણી 
ગૌતમ અદાણીએ જણાવ્યું હતું કે, મને મારા જીવનમાં ત્રણ મોટા બ્રેક મળ્યા. પહેલો બ્રેક 1985માં આવ્યો, જ્યારે રાજીવ ગાંધી વડાપ્રધાન હતા અને નવી આયાત-નિકાસ નીતિ આવી, અમારી કંપની વૈશ્વિક ટ્રેડિંગ હાઉસ બની ગઈ. બીજો બ્રેક આવ્યો 1991માં જ્યારે P.V. નરસિમ્હા રાવ અને ડૉ. મનમોહન સિંહની સરકાર દરમિયાન અમે જાહેર-ખાનગી ભાગીદારી કરી શક્યા. આનાથી દેશમાં માળખાકીય સુવિધાઓને નવી દિશા મળી. અને ત્રીજો , ગુજરાતમાં મુખ્યમંત્રી તરીકે નરેન્દ્ર મોદીના 22 વર્ષના શાસનમાં. હું ગર્વથી કહી શકું છું કે, તે એક મહાન અનુભવ રહ્યો છે. તેમણે ભારપૂર્વક કહ્યું, ગુજરાત રોકાણકારો માટે અનુકૂળ છે. 

ગૌતમ અદાણીની સંપત્તિ અન્ય અબજોપતિ કરતાં વધુ વધી
ગત વર્ષ દરમિયાન ગૌતમ અદાણીની સંપત્તિ અન્ય અબજોપતિ કરતાં વધુ વધી છે. તેમના જૂથની કુલ સંપત્તિ US$200 બિલિયન છે, જેમાં ગ્રીન એનર્જી, બંદરો, ખાણો, એરપોર્ટ અને મોટા ઈન્ફ્રાસ્ટ્રક્ચર પ્રોજેક્ટ્સનો સમાવેશ થાય છે. ગૌતમ અદાણીના જણાવ્યા અનુસાર, તેમની કંપનીએ ક્યારેય બિડિંગ વિના કોઈ પ્રોજેક્ટ મેળવ્યો નથી, અને તેથી સરકાર તરફથી વિશેષ તરફેણ કરવાનો પ્રશ્ન જ ઊભો થતો નથી.  તેમણે કહ્યું, જ્યારે લોકો આક્ષેપો કરે છે, ત્યારે તેમને કહેવું જોઈએ કે, અમે બોલી લગાવ્યા વગર એક પણ કામ કર્યું છે. અમે ક્યારેય બિડિંગ વગર, યોગ્યતા વિના તે બિઝનેસમાં પ્રવેશ્યા નથી.

આ સાથે ઉમેર્યું હતું કે, અમે એ પણ જાણીએ છીએ કે ભારતમાં આવું કામ કરવામાં વધુ વિવાદો છે.  અદાણી ગ્રૂપની ફિલોસોફી છે કે, અમે બોલી લગાવ્યા વિના કોઈ પણ વસ્તુને સ્પર્શતા નથી. બંદર હોય, એરપોર્ટ હોય, રોડ હોય, પાવર હાઉસ હોય, અમે બિડિંગ વગર કોઈ ધંધો કર્યો નથીમ એક પણ નથી. અમારી સામે આરોપ છે કે, અમે બિડિંગનું સંચાલન કર્યું છે. રાહુલ (ગાંધી) જીએ પણ અમારી સામે એવો આરોપ મૂક્યો નથી કે બિડિંગ પ્રક્રિયામાં ભૂલ હતી.

લોકોના અદાણી ગ્રુપમાં રોકાણ કરેલા નાણાં વિશે શું કહ્યું ? 
એશિયાના સૌથી ધનાઢ્ય ઉદ્યોગપતિ ગૌતમ અદાણીએ લોકોના અદાણી ગ્રુપમાં રોકાણ કરેલા નાણાં વિશે વાત કરી હતી. તેમણે કહ્યું કે, અદાણી ગ્રુપમાં રોકાણ કરાયેલા કોઈના પૈસા અસુરક્ષિત નથી કારણ કે અમારી કુલ સંપત્તિ અમારી કુલ લોન કરતાં ત્રણથી ચાર ગણી વધારે છે. 

અદાણીનો બલૂન ફૂટશે, તો બધી બેંકો નાશ પામશે? 
ગૌતમ અદાણીને પૂછવામાં આવ્યું હતું કે, જો ક્યારેય અદાણીનો બલૂન ફૂટશે, તો બધી બેંકો નાશ પામશે ?  જેના જવાબમાં ગૌતમ અદાણીએ કહ્યું, તે એક સારો પ્રશ્ન છે, તે કેટલાક ટીકાકારોની ઈચ્છા હોઈ શકે છે. પણ હું તમને જણાવી દઉં કે, અદાણીની કુલ સંપત્તિ તેના દેવા કરતાં ત્રણ કે ચાર ગણી વધારે છે. અમારી પાસે કોઈના પૈસા અસુરક્ષિત નથી.

બેંકોમાંથી 2 લાખ કરોડ રૂપિયાની લોનને લઈ શું કહ્યું ? 
અદાણી ગ્રુપને બેંકોમાંથી જનતાની મહેનતની કમાણીમાંથી 2 લાખ કરોડ રૂપિયાની લોન આપવામાં આવી હોવાના કોંગ્રેસના નેતા રાહુલ ગાંધીના આક્ષેપ પર ગૌતમ અદાણીએ જવાબ આપ્યો હતો. ગૌતમ અદાણીએ કહ્યું કે, અમે કોઈપણ ઇન્ફ્રા પ્રોજેક્ટ શરૂ કરતા પહેલા ઇક્વિટીનો ઉપયોગ કરીએ છીએ, અને બેંક પાસેથી લોન લઈએ છીએ. અદાણી ગ્રુપ ભારતમાં એકમાત્ર એવું જૂથ છે કે, જેની કંપનીઓનું ક્રેડિટ રેટિંગ ભારતના સાર્વભૌમ રેટિંગની બરાબર છે. તે રેટિંગ કોઈપણ રાજકીય પક્ષ અથવા બેંક દ્વારા આપી શકાય છે તે સ્વતંત્ર રેટિંગ એજન્સી દ્વારા આપવામાં આવે છે. સંપૂર્ણ નાણાકીય મૂલ્યાંકન કર્યા પછી અને તેના આધારે, બેંકો લોન આપે છે. અમે અમારા 25 વર્ષના ઇતિહાસમાં ક્યારેય એક દિવસ માટે પણ ચુકવણીમાં વિલંબ કર્યો નથી.

અમે આંતરરાષ્ટ્રીય બજારમાં વૈશ્વિક રેટિંગ તરફ આગળ વધ્યા: ગૌતમ અદાણી 
ગૌતમ અદાણીએ કહ્યું લે, વર્ષ 2013 સુધી અમે ભારતીય બેંકો પાસેથી 80 ટકા લોન લેતા હતા,જેના પરનું વ્યાજ વધીને 35 ટકા થઈ ગયું છે. અમે આંતરરાષ્ટ્રીય બજારમાં વૈશ્વિક રેટિંગ તરફ આગળ વધ્યા છીએ. કોઈ કહે છે કે, ભારત તરફથી વૈશ્વિક નાણાકીય વિશ્વમાં PSU ને કોઈ પૈસા આપતું નથી, તેઓ તેમના રેટિંગ અને ગવર્નન્સ અનુસાર લોન આપે છે, તેથી આ આક્ષેપો સંપૂર્ણપણે પાયાવિહોણા છે. રાજકીય પક્ષો વાત કરવા માટે વાત કરે છે પરંતુ તે લેણદાર અને દેવાદાર વચ્ચેનો મામલો છે. ,ને બંને વચ્ચે ક્યારેય કોઈ સમસ્યા નથી રહી. છેલ્લા 7-8 વર્ષમાં અમારી લોન 11%ના દરે વધી છે અને અમારી નફાકારકતા 24% વધી છે. તે અમારી નફાકારકતાને કારણે છે કે, અમારા રેટિંગમાં સુધારો થયો છે. આજે અમારી નફાકારકતા અમારા દેવા કરતાં વધુ છે.

દેશની અર્થવ્યવસ્થાને લઈ શું કહ્યું ? 
વિશ્વના ત્રીજા સૌથી ધનિક ઉદ્યોગપતિ ગૌતમ અદાણીએ ભારતના વિકાસ અને અદાણી ગ્રુપના વિકાસ વિશે વાત કરી હતી. તેમણે અદાણીના વિકાસનો ફુગ્ગો ફૂટી જવા અંગેના પ્રશ્નના જવાબમાં પણ જવાબ આપ્યો હતો. અદાણીએ કહ્યું કે, જ્યાં સુધી ભારત આગળ વધતું રહેશે ત્યાં સુધી આ બલૂન પણ આગળ વધતું રહેશે. મારા મતે ભારત જે સ્થિતિમાં છે વર્ષ 2050 સુધીમાં દેશની અર્થવ્યવસ્થા $30 ટ્રિલિયનને સ્પર્શી જશે. તેમણે કહ્યું કે, આજે ભારત ઝડપથી આગળ વધી રહ્યું છે. આઝાદી પછી ભારતને ટ્રિલિયન અર્થતંત્ર બનવામાં 58 વર્ષ લાગ્યા છે. 

વિશ્વના ટોપ-10 અરબપતિઓમાં ભારતનો ડંકો વાગી રહ્યો છે. યાદીમાં સામેલ ભારતીય ઉદ્યોગપતિ ગૌતમ અદાણીના નામે ટૂંક સમયમાં એક મોટી ઉપલબ્ધિ જોડાઈ શકે છે. વાસ્તવમાં તેઓ ટેસ્લાના સીઇઓ એલોન મસ્ક  (Elon Musk)ને પાછળ છોડીને ગમે ત્યારે વિશ્વના બીજા સૌથી અમીર વ્યક્તિ બની શકે છે. વાસ્તવમાં, મસ્ક અને અદાણીની નેટવર્થ વચ્ચેનું અંતર હવે ખૂબ જ ઓછું થઈ ગયું છે. ચાલો જાણીએ નંબર-2ની ખુરશીથી કેટલા પાછળ છે ગૌતમ અદાણી...

અદાણીને ફાયદો, મસ્કને નુકસાન 
એક તરફ અરબપતિ એલોન મસ્ક માટે વર્ષ 2022 ખરાબ સાબિત થયું, તો નવું વર્ષ 2023 પણ તેમના માટે ખાસ સારું સાબિત થાય તેવું દેખાઈ રહ્યું નથી. ગયા વર્ષના અંતે ફ્રાન્સના અરબપતિ બર્નાર્ડ આર્નોલ્ટે વિશ્વા નંબર વન અમીર વ્યક્તિનો તાજ મસ્કના માથા પરથી છીનવી લીધો હતો અને જેથી મસ્ક બીજા સ્થાને સરકી ગયા હતા. તો હવે તેમની નંબર-2ની ખુરશી પણ જોખમમાં છે, કારણ કે ભારતીય ઉદ્યોગપતિ ગૌતમ અદાણી મસ્કની ખૂબ નજીક પહોંચી ગયા છે.

બંને વચ્ચે 5 અરબ ડોલરનો તફાવત
બ્લૂમબર્ગ બિલિયોનેર્સ ઈન્ડેક્સ અનુસાર, ગૌતમ અદાણી અને એલોન મસ્કની સંપત્તિમાં તફાવત સતત ઘટી રહ્યો છે અને શુક્રવારે 6 જાન્યુઆરી, 2023ના રોજ સમાચાર લખાયા ત્યાં સુધીમાં નેટવર્થમાં માત્ર 5 અરબ ડોલરનો જ તફાવત હતો. એલોન મસ્ક 124 અરબ ડોલરની સંપત્તિની સાથે ટોપ-10 ધનિકોની યાદીમાં બીજા નંબર પર હચા. જ્યારે ગૌતમ અદાણી 119 અરબ ડોલરની નેટવર્થ સાથે ત્રીજા નંબરે હાજર હતા. જે ઝડપે અદાણીની સંપત્તિ વધી રહી છે તે જોઈને કહી શકાય કે ગમે ત્યારે તેઓ મસ્કને પાછળ છોડીને વિશ્વના બીજા સૌથી અમીર વ્યક્તિ બની શકે છે.

બીજી વખત બનશે નંબર-2 ધનવાન 
આપને જણાવી દઈએ કે, આવું પ્રથવ વખત નથી, જ્યારે ભારતીય ઉદ્યોગપતિ ગૌતમ અદાણીના નામ સાથે આ સિદ્ધિ ઉમેરાશે. આ પહેલા ગત વર્ષ 2022માં પણ તેમણે આ સિદ્ધિ મેળવી હતી, પરંતુ બહુ ઓછા સમય માટે. નોંધપાત્ર રીતે વિશ્વના અમીરોમાં ગૌતમ અદાણી એકમાત્ર એવા ઉદ્યોગપતિ છે જેમની નેટવર્થમાં જંગી વધારો જોવા મળ્યો છે. માત્ર એક વર્ષમાં તેમની સંપત્તિમાં 33.80 અરબ ડોલરનો વધારો થયો છે. તેનાથી વિપરિત 2021થી સતત નંબર-1 ધનિક રહેલા એલોન મસ્કને ગયા વર્ષે 200 અરબ ડોલરથી વધુની સંપત્તિનું નુકસાન થયું છે.