સૌદો / હવે અદાણી પણ ઑનલાઈન બિઝનેસમાં : ફ્લિપકાર્ટની આ કંપનીમાં કર્યુ મોટું રોકાણ

• હવે અદાણી પણ ઑનલાઈન બિઝનેસમાં
• ફ્લિપકાર્ટની ટ્રાવેલ એજન્સી ક્લિયરટ્રીપમાં કર્યું મોટું રોકાણ
• ગૌતમ અદાણી અને ફ્લિપકાર્ટના સીઈઓ કૃષ્ણમૂર્તિ વચ્ચે થયા કરાર 

અદાણી ગ્રુપ દ્વારા કરવામાં આવેલી જાહેરાત અનુસાર, નવેમ્બર 2021 માં આ સોદો પાર પડે તેવી ધારણા છે. અદાણી ગ્રુપના ચેરમેન ગૌતમ અદાણી અને ફ્લિપકાર્ટના સીઈઓ કલ્યાણ કૃષ્ણમૂર્તિએ આ સૌદા પર હસ્તાક્ષર કર્યાં છે. 

અદાણી ગ્રુપના ચેરમેન ગૌતમ અદાણીએ કહ્યું કે અમે ફ્લિપકાર્ટ સાથે મજબુતીથી સંબંધ સ્થાપિત કરી રહ્યાં છે જેમાં ડેટા સેન્ટર, ફુલફિલમેન્ટ સેન્ટર અને હવે એર ટ્રાવેલનો સમાવેશ થાય છે. તેમણે કહ્યું કે ક્લિયરટ્રીપ પ્લેટફોર્મ બ્રોડર સુપરએપ જર્નીનો મહત્વનો હિસ્સો બની રહેશે. 

Delighted to expand our partnership with Flipkart. Data centres, logistics and now travel. Thank you @_Kalyan_K. Our SuperApp journey will take wing with our investment in @Cleartrip. Energising the travel sector will create thousands of jobs in the post-pandemic era. Jai Hind. pic.twitter.com/BH74FOziKU

— Gautam Adani (@gautam_adani) October 29, 2021

ફ્લિપકાર્ટના સીઈઓ કલ્યાણ કૃષ્ણમૂર્તિએ જણાવ્યું કે ફ્લિપકાર્ટમાં અમારુ ધ્યાન ગ્રાહકોને શ્રેષ્ઠ સુવિધા પૂરી પાડીને તેમની આંકાક્ષાઓ પાર પાડવાનું છે. છેલ્લા કેટલાક સમયથી ટ્રાવેલ ઈન્ડસ્ટ્રીમાં વેગ આવ્યો છે ત્યારે ક્લિયરટ્રીપ તેના ગ્રાહકોને સરળ અને ફ્લેક્સિબલ ટ્રાવેલ અનુભવો પૂરી પાડવા પર ધ્યાન કેન્દ્રીત કરશે. 

તેમણે કહ્યું કે અમે અદાણી ગ્રુપ સાથેના સંબંધોને મજબુત કરવાનો પ્રયાસ કરી રહ્યાં છે અને અમે દેશભરમાં અદાણીના વ્યાપક ઈન્ફ્રાસ્ટ્રકચરનો લાભ લેવા તથા ગ્રાહકોને વિવિધ ઓફરો આપવાના રસ્તાઓ શોધી કાઢીશું.